Desk Table: ఆఫీసులో ఫోకస్ పెరగాలా..? అయితే మీ డెస్క్ మీద నుంచి ఈ మూడు వస్తువులు తీసేయండి

నేటి కాలంలో రోజులో ఎక్కువ భాగం ఆఫీసులోనే గడుపుతాము. చాలామంది పని చేసేటప్పుడు అలసట, నీరసం లేదా ఏకాగ్రత లోపం వంటి సమస్యలను ఎదుర్కొంటుంటారు. అయితే దీనికి కారణం చుట్టూ ఉన్న పని వాతావరణమే (Work Environment) అయి ఉండవచ్చు. కొన్నిసార్లు తెలియకుండానే మనం ఆఫీస్ డెస్క్ మీద కొన్ని వస్తువులను ఉంచుతామని.. అవి మన శక్తిని, ఏకాగ్రతను బలహీనపరుస్తాయని నిపుణులు చెబుతున్నారు.  మెదడు వేగంగా పనిచేయాలని, పనిపై దృష్టి పెట్టాలని కోరుకుంటే.. మూడు వస్తువులను డెస్క్ నుంచి వెంటనే తొలగించాలని చెబుతున్నారు. ఆ వస్తువుల గురించి కొన్ని విషయాలు ఈ ఆర్టికల్‌లో తెలుసుకుందాం.

డెస్క్ నుంచి తొలగించాల్సిన వస్తువులు:

విరిగిన-పాడైన వస్తువులు (Broken or Damaged Items): విరిగిన పెన్నులు, ఆగిపోయిన గడియారాలు, పాడైన స్టేప్లర్లు వంటివి చాలాకాలం పాటు డెస్క్‌లపై ఉండిపోతుంటాయి. నిపుణుల అభిప్రాయం ప్రకారం.. ఈ వస్తువులు అడ్డంకి, అసంపూర్ణత శక్తిని వ్యాప్తి చేస్తాయి. నిరుపయోగమైన వస్తువులు మనసులో నీరసాన్ని, ప్రతికూలతను (Negativity) సృష్టిస్తాయని మనస్తత్వ శాస్త్రం కూడా చెబుతోంది. కాబట్టి అలాంటి వస్తువులను వెంటనే తొలగించి వాటి స్థానంలో ఉపయోగకరమైన, మంచి పనిముట్లను ఉంచాలి.

పాత బిల్లులు- అనవసరమైన పేపర్లు (Old Bills and Unnecessary Papers): టేబుల్‌పై ఉంచిన పాత బిల్లులు, నోట్స్, అసంపూర్తిగా ఉన్న ప్రాజెక్ట్‌లకు సంబంధించిన పేపర్లు అవసరమని అనిపించినా.. అవి మనసుపై భారం మోపుతాయి. డెస్క్ ఎంత శుభ్రంగా, చక్కగా ఉంటే.. మనసు కూడా అంతే స్పష్టంగా ఉంటుంది. అందుకే అత్యవసరమైన ఫైళ్లను మాత్రమే ఉంచుకుని.. మిగతా వాటిని రీసైకిల్ చేయాలి. శుభ్రమైన డెస్క్ అంటే స్పష్టమైన ఆలోచన, స్పష్టమైన ఆలోచనతోనే మెరుగైన నిర్ణయాలు తీసుకోవచ్చు.

 ఇది కూడా చదవండి: ఇంట్లోనే దంతాల పొడి చేయండి.. పళ్లు తల తలా మెరిసేలా చేసుకోండి.. ఎలానో ఇప్పుడే తెలుసుకోండి

ఒత్తిడి కలిగించే అంశాలు (Stress-inducing items): కొన్నిసార్లు డెస్క్‌లపై గడువు ముగిసిన తేదీలు లేదా హెచ్చరిక నోట్లు వంటి విఫలాలను లేదా ఒత్తిడి కలిగించే పరిస్థితులను గుర్తుచేసే పోస్టర్‌లను లేదా నోట్లను ఉంచుతాము. ఈ విషయాలు మానసిక భారాన్ని పెంచుతాయి. వీటికి బదులుగా.. స్ఫూర్తిదాయకమైన కోట్స్, పచ్చని మొక్కలు లేదా అందమైన చిత్రాన్ని ఉంచాలి. కళ్ళకు ఉపశమనం కలిగించేది మనసుకు కూడా శాంతిని ఇస్తుంది.  ఈ చిన్న మార్పులు చేయడం ద్వారా ఏకాగ్రతను, పని ఉత్పాదకతను (Productivity) మెరుగుపరచుకోవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

 ఇది కూడా చదవండి: యాపిల్ మెరవడానికి ఏ కెమికల్ పూస్తారో తెలుసా..? ఇలా గుర్తు పట్టండి!!