Telugu Astrology: దీపావళి తర్వాత వృశ్చిక రాశిలోకి బుధుడు.. ఈ 9 రాశుల వారికి ఇక తిరుగుండదు!

దీపావళి పండుగ తర్వాత బుధ గ్రహం సంచారం కొన్ని రాశుల వారికి అద్భుతమైన మార్పులు తీసుకురాబోతోంది. బుద్ధి, సంభాషణ, వ్యాపారానికి ప్రతీక అయిన బుధుడు.. అక్టోబర్ 24 శుక్రవారం మధ్యాహ్నం 12:39 గంటలకు వృశ్చిక రాశిలోకి ప్రవేశిస్తాడు. ఈ సంచారం నవంబర్ 23 సాయంత్రం 7:58 వరకు కొనసాగుతుంది. వృశ్చిక రాశి నీటి మూలకం, స్థిర రాశి కావడంతో ఇది లోతు, రహస్యం, పరివర్తనను సూచిస్తుంది. బుధుడు ఇక్కడ గోచరించడం వల్ల ప్రజలలో రహస్యాలను తెలుసుకునే సామర్థ్యం, లోతైన ఆలోచన, మానసిక బలం పెరుగుతాయి. ఈ సంచారం పరిశోధన.. జ్యోతిష్యం, గూఢశాస్త్రాలు లేదా మనస్తత్వ శాస్త్రంలో ఉన్నవారికి ముఖ్యంగా ప్రయోజనకరంగా ఉంటుంది. బుధ సంచారం 9 రాశుల వారికి అదృష్టం, పురోగతిని అందించే అవకాశం ఉంది. ఈ రాశులకు ఆస్తి, కొత్త ఉద్యోగం, వృత్తిలో పురోగతి వంటి శుభ ఫలితాలు కలగవచ్చు.

అదృష్టాన్ని పొందే రాశులు:

మేషం (Aries): వీరికి అకస్మాత్తుగా ధన లాభం, పరిశోధన, ఆధ్యాత్మికతపై ఆసక్తి పెరుగుతుంది.

వృషభం (Taurus): వైవాహిక జీవితంలో సంభాషణ పెరుగుతుంది. వ్యాపార భాగస్వామ్యాలలో కొత్త అవకాశాలు లభిస్తాయి.

కర్కాటకం (Cancer): ప్రేమ సంబంధాలు గాఢంగా మారతాయి. విద్యార్థులకు, పోటీ పరీక్షలకు మంచి సమయం.

కన్య (Virgo): ధైర్యం, కమ్యూనికేషన్ మెరుగుపడతాయి. రచన, మీడియా, ప్రయాణాల ద్వారా ప్రయోజనం. కొత్త నైపుణ్యాలు నేర్చుకోవడానికి అనువైన కాలం.

ఇది కూడా చదవండి: నైట్ షిఫ్ట్ డ్యూటీ చేస్తున్నారా..? దాని ప్రభావం మీ మూత్ర పిండాలపై పడుతుంది జాగ్రత్త!!

తుల (Libra): ఆర్థిక విషయాలపై దృష్టి పెరుగుతుంది. పూర్వీకుల ఆస్తి లేదా పెట్టుబడుల నుంచి లాభం పొందవచ్చు. ఖర్చులను నియంత్రించడం ముఖ్యం.

వృశ్చికం (Scorpio): ఆత్మవిశ్వాసం పెరుగుతుంది. కొత్త అవకాశాలను అందిపుచ్చుకోవడానికి.. తమను తాము వ్యక్తపరచడానికి ఇది సరైన సమయం.

మకరం (Capricorn): స్నేహితుల ద్వారా లాభాలు.. సామాజిక సర్కిల్ విస్తరిస్తుంది. లక్ష్యాలను చేరుకోవడానికి ఈ సమయం ఉపయోగపడుతుంది.

కుంభం (Aquarius): వృత్తిలో పురోగతి ఉంటుంది. పదోన్నతి లేదా కొత్త ఉద్యోగం లభించే అవకాశం ఉంది. ఉన్నతాధికారులతో సంబంధాలు మెరుగుపడతాయి.

మీనం (Pisces): అదృష్టం, ఉన్నత విద్యపై సానుకూల ప్రభావం. ఆధ్యాత్మికత, తత్వశాస్త్రంపై ఆసక్తి పెరుగుతుంది. అదృష్టం, విజయం కోసం ఈ రాశుల వారు తొందరపాటు నిర్ణయాలు మానుకోవాలని.. ఆలోచనాత్మకంగా మాట్లాడాలని నిపుణులు సూచిస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఏమైనా సమస్యల నివారణకు సంబంధిత పండితులను  సంప్రదించడం ఉత్తమం.

ఇది కూడా చదవండి: ధన్‌తేరాస్ నాడు దీపం వెలిగించడంతోపాటు ఈ 4 పనులు చేయండి.. మీకు డబ్బే డబ్బు!!