CBSE Board Exams 2026 Date Sheet: 10 + 12 తరగతుల పరీక్షల తేదీలు రిలీజ్.. ఎప్పట్నుంచంటే..?

సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) 2025–26 విద్యా సంవత్సరానికి గానూ 10 + 12 తరగతుల బోర్డు పరీక్షల తుది తేదీ(CBSE Class 10 & 12 exam date) షీట్‌ను విడుదల చేసింది. రెండు తరగతులకు పరీక్షలు ఫిబ్రవరి 17, 2026న ప్రారంభమవుతాయి. పూర్తి షెడ్యూల్ బోర్డు అధికారిక వెబ్‌సైట్ www.cbse.gov.inలో అందుబాటులో ఉంది. ఇక CBSE 10వ బోర్డు పరీక్ష 2026 మొదటి దశ ఫిబ్రవరి 17 - మార్చి 10, 2026 మధ్య జరుగుతుంది. అదే సమయంలో CBSE 12వ బోర్డు పరీక్ష 2026 ఫిబ్రవరి 17, 2026 - ఏప్రిల్ 9, 2026 మధ్య జరుగుతుందని అధికారులు తెలిపారు.

Also Read :  ఇదిరా కంపెనీ అంటే.. ఉద్యోగులకు 9 రోజులు దీపావళి సెలవులు

CBSE Board Exams 2026 Date Sheet

భారతదేశంలోని పాఠశాలల్లో, CBSE అనుబంధంగా ఉన్న విదేశాలలో 26 దేశాలలో 10 + 12 తరగతులలో(CBSE Class 10 & 12 exam date) 204 సబ్జెక్టులకు 45 లక్షల మంది విద్యార్థులు హాజరవుతారని అధికారులు అంచనా వేస్తున్నారు. పరీక్షలకు దాదాపు 146 రోజుల ముందు సెప్టెంబర్ 24, 2025న బోర్డు తాత్కాలిక షెడ్యూల్‌ను విడుదల చేసిన విషయం తెలిసిందే. ఇప్పుడు దాదాపు నెల రోజుల తర్వాత ఈ ప్రకటన వెలువడింది. ‘‘పాఠశాలల వారీగా అభ్యర్థుల జాబితా (LOC)ను సకాలంలో సమర్పించినందుకు, పరీక్షలకు దాదాపు 110 రోజుల ముందు CBSE తుది తేదీ షీట్‌ను జారీ చేయడం ఇదే మొదటిసారి’’ అని బోర్డు ఒక ప్రకటనలో తెలిపింది. 

Important Update:
CBSE Class 10 & 12 exam date sheet for 2026 is now out.
With the release of date sheet 110 days prior, students can plan their prep calmly, pick smarter revision cycles, and avoid last-minute stress.
🔗 Date sheet (PDF): https://t.co/b6KJfc6ZPV
More updates:… pic.twitter.com/rCjEpUYZAk

— CBSE HQ (@cbseindia29) October 30, 2025

ప్రధాన సబ్జెక్టుల మధ్య తగినంత ఖాళీలు కల్పించడం ద్వారా ప్రిపరేషన్ కు తగినంత సమయం లభించిందని బోర్డు పేర్కొంది. పరీక్షల ఓవర్‌లాప్‌ల గురించిన ఆందోళనలను పరిష్కరిస్తూ.. నేషనల్ టెస్టింగ్ ఏజెన్సీ (NTA) ఇప్పుడు JEE (మెయిన్) కోసం దరఖాస్తు చేసుకునేటప్పుడు విద్యార్థులు తమ XI తరగతి రిజిస్ట్రేషన్ నంబర్‌ను నమోదు చేయవలసి ఉంటుందని బోర్డు తెలిపింది. 

Also Read :  JEE మెయిన్ 2026 పరీక్షల షెడ్యూల్ విడుదల