Iran- Israel War : ఇరాన్ రక్షణ వ్యవస్థపై ఇజ్రాయెల్ దాడులు.. ఉద్రిక్త పరిస్థితులు!

Iran Vs Israel : పశ్చిమాసియా(West Asia) లో కొన్ని రోజులుగా హైటెన్షన్ నెలకొన్న సంగతి తెలిసిందే. కాగా ఇరాన్-ఇజ్రాయెల్ మధ్య వార్(Iran-Israel War) మరింత భీకరంగా మారుతోంది. ఒకవైపు హమాస్(Hamas) పై దాడి చేస్తున్న ఇజ్రాయెల్ మరోవైపు ఇరాన్ పై కూడా బలంగా ఎదురుదాడి చేస్తోంది. హమాస్-ఇజ్రాయెల్ యుద్ధంలో ఇప్పటికే భారీ నష్టం వాటిల్లగా.. ఇరాన్‌- ఇజ్రాయెల్ మధ్య కవ్వింపు చర్యలు మరింత పెరిగిపోవడంతో ప్రాణనష్టం, ఆస్తి నష్టం కూడా జరుగుతోంది.

ఇరాన్ రక్షణ వ్యవస్థ దెబ్బతినట్లు వార్తలు..

ఈ క్రమంలోనే ఇంటర్నేషన్ మీడియా వెల్లడించిన నివేదికల ప్రకారం.. ఇజ్రాయెల్ దాడుల్లో ఇరాన్ రక్షణ వ్యవస్థ దెబ్బతినట్లు తెలుస్తోంది. శాటిలైట్ చిత్రాల్లో ఇదే విషయం స్పష్టమైందంటూ న్యూయార్క్ టైమ్స్ ఓ కథనం వెల్లడించింది. అయితే ఈ వార్తలను ఇరాన్‌ మాత్రం ఖండిస్తోంది. అసలు తాము వైమానిక వ్యవస్థనే యాక్టివేట్ చేయలేదని చెబుతోంది. 2016లో ఇరాన్‌కు S-300 ఎయిర్‌ ఢిపెన్స్‌ సిస్టమ్‌న్ పంపిణీ చేసింది రష్యా. అయితే ఈ దాడుల్లో ఇరాన్‌ తమపై ప్రయోగించిన క్షిపణికి సంబంధించిన కొన్ని భాగాలను ఇజ్రాయెల్ సైన్యం స్వాధీనం చేసుకున్నట్లు తెలుస్తోంది.

ఇది కూడా చదవండి: Amit Shah : రిజర్వేషన్లు రద్దు… అమిత్ షా హాట్ కామెంట్స్

మళ్లీ ప్రతీకార దాడులు తప్పవంటూ సంకేతాలు..

ఇదిలావుంటే.. ఇరాన్-ఇజ్రాయెల్ నేతలు మళ్లీ ప్రతీకార దాడులు తప్పవంటూ సంకేతాలు పంపుతున్నారు. కవ్వింపు చర్యలకు పాల్పడితే ఎంతకైనా తెగిస్తామంటూ సవాల్ విసురుకుంటున్నారు. ఈ నేపథ్యంలోనే గాజా స్ట్రిప్‌పై ఇజ్రాయెల్ దాడులు కొనసాగించడం ఆపట్లేదు. అంతేకాదు తాజాగా దాడుల దృశ్యాలను ఇజ్రాయెల్ ఎయిర్‌ఫోర్స్ రిలీజ్ చేయడం విశేషం. అలాగే రఫాపై దాడికి ఇజ్రాయెల్‌ సిద్ధమవుతుందనే వార్తల నేపథ్యంలో కాల్పుల విరమణ చర్చలు ఊపందుకున్నాయి. తాజాగా ఇజ్రాయెల్‌ తమకు ఓ ప్రతిపాదన పంపినట్లు హమాస్‌ తెలిపింది. దీన్ని తాము పరిశీలిస్తున్నామని, త్వరలోనే స్పందన తెలుపుతామని శనివారం పేర్కొంది. ఇజ్రాయెల్‌ ప్రతిపాదనలోని అంశాలను మాత్రం హమాస్‌ సీనియర్‌ నేత ఖలీల్‌ అల్‌ హయ్యా వెల్లడించలేదు. ఈ నెల 13న ఈజిప్టులో జరిగిన చర్చల్లో 40 మంది ఇజ్రాయెలీ బందీల విడుదల, ఇందుకు ప్రతిగా వందలాది మంది పాలస్తీనియన్‌ ఖైదీలను విడిచే పెట్టే అంశం తెరపైకి వచ్చింది. తాజా ప్రతిపాదనలో బందీల సంఖ్య 33కి తగ్గిందన్న వార్తలు వస్తున్నాయి.