Wild Fire: ఫ్రాన్స్‌లో కార్చిచ్చు బీభత్సం.. 12వేల హెక్టార్ల అడవి దగ్ధం (VIDEOS)

దక్షిణ ఫ్రాన్స్‌లోని ఆడే డిపార్ట్‌మెంట్‌లో కార్చిచ్చు బీభత్సం సృష్టిస్తోంది. ఈ ఘటనలో 13,000 హెక్టార్ల (సుమారు 32,000 ఎకరాలు) అటవీ ప్రాంతం కాలిపోయింది. ఈ భారీ అగ్నిప్రమాదం వీడియోలు సోషల్ మీడియాలో వైరల్(viral-videos) అవుతున్నాయి. ఫ్రాన్స్‌లో ప్రస్తుతం వేసవి కాలం. ఈ వేసవిలో ఫ్రాన్స్‌లో సంభవించిన అతిపెద్ద కార్చిచ్చు ఇదేనని అధికారులు తెలిపారు. కార్చిచ్చు మంగళవారం ప్రారంభమైంది. ఇప్పటివరకు ఒకరు మరణించగా, తొమ్మిది మందికి గాయాలయ్యాయి. 

Deadly #Wildfire Rages in Southern #France, Flames Spread Rapidly in #Aude Region

A deadly wildfire has broken out in the Aude region in southern France, near the Spanish border. The fire claimed one life, local authorities confirmed on Wednesday. The w... pic.twitter.com/RZYZN6JmGA

— ⚡️🌎 World News 🌐⚡️ (@ferozwala) August 6, 2025

అధికారుల ప్రకారం, ఆడే డిపార్ట్‌మెంట్‌లోని రిబౌట్ అనే గ్రామం వద్ద మంగళవారం మధ్యాహ్నం ఈ కార్చిచ్చు మొదలైంది. బలమైన గాలులు, అధిక ఉష్ణోగ్రతలు, పొడి వాతావరణం కారణంగా మంటలు వేగంగా పర్వత ప్రాంతంలోని కొర్బియర్స్ అటవీ ప్రాంతానికి వ్యాపించాయి. ఈ ప్రమాదంలో 25 ఇళ్లు ధ్వంసమయ్యాయి. ఒక వృద్ధురాలు తన ఇంటి నుంచి బయటకు రాలేని పరిస్థితిలో మృతిచెందినట్లు అధికారులు ధృవీకరించారు. తొమ్మిది మంది గాయపడ్డారు, ఇందులో ఏడుగురు అగ్నిమాపక సిబ్బంది పొగ పీల్చడం వల్ల అస్వస్థతకు గురయ్యారు. ఒక పౌరుడికి తీవ్ర గాయాలయ్యాయి.

Also Read :  2019 తర్వాత ఫస్ట్ టైం.. చైనా పర్యటనకు ప్రధాని మోదీ

Wild Fire In Southern France

BURNING NOW: Wildfire Emergency in Southern France.

A catastrophic wildfire in Aude has destroyed over 1,500 hectares as of Tuesday evening. Several villages have been evacuated, and homes are under threat. Hundreds of firefighters are pic.twitter.com/zpOalZfK6V

— Weather Monitor (@WeatherMonitors) August 5, 2025

ఈ విపత్తును ఎదుర్కొనేందుకు ఫ్రాన్స్ ప్రభుత్వం యుద్ధ ప్రాతిపదికన చర్యలు చేపట్టింది. సుమారు 1,800 మంది అగ్నిమాపక సిబ్బంది, వాటర్ బాంబర్ విమానాలు, హెలికాప్టర్లు మంటలను అదుపులోకి తీసుకురావడానికి తీవ్రంగా శ్రమిస్తున్నారు. అయితే, బలమైన గాలులు, పొడి పరిస్థితుల కారణంగా సహాయక చర్యలకు ఆటంకం కలుగుతోంది. ఈ అగ్నిప్రమాదం మరికొన్ని రోజులు కొనసాగే అవకాశం ఉందని అధికారులు హెచ్చరించారు. కొన్ని ప్రాంతాల్లోని క్యాంప్‌గ్రౌండ్‌లు, గ్రామాలను ఖాళీ చేయించారు.

More than 1,200 firefighters are tackling a wildfire that remains out of control in the Aude department in the far south of France. The 🔥 has already covered 4,500 hectares (11,120 acres) pic.twitter.com/GTEoUgn8LC

— Nick's Weather Eye (@NickJF75) August 5, 2025

Also Read :  ఏలియన్స్ వస్తున్నాయి.. సౌరకుటుంబంలోకి కొత్త గ్రహం

ఈ ఘటనపై ఫ్రాన్స్ అధ్యక్షుడు ఇమ్మాన్యుయెల్ మాక్రాన్ స్పందిస్తూ, దేశం మొత్తం వనరులను ఈ విపత్తును ఎదుర్కోవడానికి ఉపయోగిస్తున్నామని, ప్రజలు అత్యంత జాగ్రత్తగా ఉండాలని కోరారు. ఫ్రాన్స్ ప్రధాని ఫ్రాంకోయిస్ బేరూ బుధవారం ఆడే డిపార్ట్‌మెంట్‌ను సందర్శించి పరిస్థితిని సమీక్షించనున్నారు.

ఈ వేసవిలో ఆడే డిపార్ట్‌మెంట్‌లో అనేక కార్చిచ్చులు (wild-fire) సంభవించాయి. గల్లీలో ఉన్న ద్రాక్ష తోటలను తొలగించడం, తక్కువ వర్షపాతం వంటి కారణాలు కార్చిచ్చు వేగాన్ని పెంచడానికి దోహదం చేశాయని నిపుణులు అంటున్నారు. వాతావరణ మార్పుల ప్రభావం వల్ల ఇలాంటి విపత్తులు తరచుగా సంభవిస్తున్నాయని స్థానికులు ఆందోళన వ్యక్తం చేస్తున్నారు. ఇది వన్యప్రాణులకు, పర్యావరణానికి, మరియు తమ ఆస్తులను కోల్పోతున్న ప్రజలకు తీరని నష్టమని వారు వాపోతున్నారు.