Russian Underwater Drone: రష్యా-ఉక్రెయిన్ యుద్ధంలో బిగ్ ట్విస్ట్.. తొలిసారిగా అండర్‌ వాటర్ డ్రోన్లు

ఉక్రెయిన్- రష్యా యుద్ధంలో సముద్ర పోరాటం కొత్త మలుపు(Big twist in Russia Ukraine War) తీసుకుంది. ఉక్రెయిన్ తొలిసారిగా తమ దేశీయంగా తయారు చేసిన 'సబ్ సీ బేబీ' అనే మానవ రహిత నీటి అడుగున డ్రోన్‌‌ను ఉపయోగించి రష్యా జలాంతర్గామిని ధ్వంసం చేసినట్లు ప్రకటించింది.

నల్ల సముద్రంలో రష్యా నేవీ ముఖ్య స్థావరమైన నొవోరోసిస్క్ పోర్ట్‌లో నిలిచి ఉన్న రష్యాకు చెందిన కిలో-క్లాస్ జలాంతర్గామిని ఈ డ్రోన్ లక్ష్యం చేసుకుంది. ఈ దాడితో జలాంతర్గామికి తీవ్ర నష్టం జరిగిందని, అది పూర్తిగా పనికిరాకుండా పోయిందని ఉక్రెయిన్ భద్రతా సేవ సోమవారం ఒక ప్రకటనలో తెలిపింది. ఈ జలాంతర్గామి తరచుగా ఉక్రెయిన్‌పై క్షిపణి దాడులకు ఉపయోగించే 'కాలిబర్' క్రూయిజ్ క్షిపణులను మోసుకెళ్లే సామర్థ్యాన్ని కలిగి ఉంటుందని అధికారులు పేర్కొన్నారు. నౌకాదళ చరిత్రలో నీటి అడుగున డ్రోన్ ద్వారా జలాంతర్గామిని లక్ష్యంగా చేసుకోవడం ఇదే మొదటిసారి అని ఉక్రెయిన్ అధ్యక్షుడు వోలోడిమిర్ జెలెన్‌స్కీ సలహాదారు ఒకరు ట్విట్టర్‌లో పేర్కొన్నారు. ఉక్రెయిన్ ఈ దాడికి సంబంధించిన పేలుడు దృశ్యాలున్న వీడియోను కూడా విడుదల చేసింది. - latest russia ukraine war updates

Also Read :  ఆస్ట్రేలియాలో ఎప్పటినుంచో యూదు వ్యతిరేకత.. కాల్పులకు దారి తీసిన కారణాలు ఇవే !

Russian Underwater Drone

Wow, wow, wow. 🔥🔥🔥

For the first time in its history, Ukraine has sunk a Russian submarine with Sub Sea Baby underwater drones in Novorossiysk.

The Security Service of Ukraine (SBU) conducted a unique naval special operation in the port of Novorossiysk. The Sub Sea Baby… pic.twitter.com/gshAcZ331L

— Jürgen Nauditt 🇩🇪🇺🇦 (@jurgen_nauditt) December 15, 2025

మరోవైపు, రష్యా బ్లాక్ సీ ఫ్లీట్ మాత్రం ఈ దాడిని ఖండించింది. నొవోరోసిస్క్ స్థావరంలోని తమ నౌకలు లేదా జలాంతర్గాములకు ఎటువంటి నష్టం జరగలేదని, అవి యథావిధిగా తమ విధుల్లో ఉన్నాయని రష్యా రక్షణ మంత్రిత్వ శాఖ తెలిపింది. సాంప్రదాయ నౌకాదళ సామర్థ్యం తక్కువగా ఉన్న ఉక్రెయిన్, రష్యా బలమైన నల్ల సముద్ర నౌకాదళాన్ని ఎదుర్కోవడానికి ఉపరితల, నీటి అడుగున డ్రోన్లను సమర్థవంతంగా వినియోగించడం ద్వారా యుద్ధంలో కొత్త వ్యూహాన్ని అమలు చేస్తోంది. ఈ దాడి విజయవంతమైతే, ఇది ప్రపంచ నౌకా పోరాటంలో ఒక ముఖ్యమైన మలుపు అవుతుందని విశ్లేషకులు చెబుతున్నారు. - russia ukraine crisis

Also Read :  ఆస్ట్రేలియాలో పహల్గాం తరహా ఉగ్రదాడి.. 11 మంది మృతి