Pakistan: సల్మాన్‌ఖాన్‌పై పాకిస్తాన్ ఆగ్రహం..ఉగ్రవాదిగా ప్రకటన

కండల వీరుడు సల్మాన్ ఖాన్ రీసెంట్‌గా సౌదీ అరేబియాలో జాయ్ ఫోరం 2025 అనే కార్యక్రమంలో పాల్గొన్నాడు. ఇందులో బలూచిస్తాన్‌ను ప్రత్యేక దేశంగా చెబుతూ మాట్లాడాడు. ఇప్పుడు ఇదే పాకిస్తాన్ వాళ్ళకు కోపం తెప్పిస్తోంది. సల్మాన్ ఖాన్ మాట్లాడిన మాటలు సోషల్ మీడియాలో కూడా తెగ వైరల్ అయ్యాయి. ఇందులో సల్మాన్ బలూచిస్తాన్, పాకిస్తాన్, ఆప్ఘనిస్తాన్ ప్రజలు అందరూ సౌదీ అరేబియాలో కష్టపడి పని చేస్తున్నారని అని చెప్పారు. ఇందులో బలూచిస్తాన్‌ వేరే దేశం అనే అర్ధం వచ్చే విధంగా ప్రత్యేకంగా విడదీసి మరీ మాట్లాడారు సల్మాన్.

ఉగ్రవాదిగా అధికార ప్రకటన..

సల్మాన్ వ్యాఖ్యలకు బలూచిస్తాన్ వేర్పాటువాద నాయకులు ఆనందంతో ఆయనకు థ్యాంక్స్ చెప్పారు. కానీ పాకిస్తాన్ మాత్రం కోపంతో రగిలిపోతోంది. ఇ్పటికే పాక్, బలూచిస్తాన్‌ల మధ్య చాలా రోజులుగా యుద్ధం జరుగుతోంది. తమను తాము వేరే దేశంగా ప్రకటించుకుంది బలూచ్. కానీ పాకిస్తాన్ దానిని ఒప్పుకోవడం లేదు. ఈ నేపథ్యంలో సల్మాన్ చేసిన వ్యాఖ్యలను పాకిస్తాన్ సీరియస్‌గా తీసుకుంది. దీంతో అతనిని ఉగ్రవాదిగా ప్రకటించింది. ఆ దేశ అంతర్గత వ్యవహారాల మంత్రిత్వ శాఖ సల్మాన్ ఖాన్‌ను నాల్గవ షెడ్యూల్‌లో ఉంచింది. ఈ జాబితా ఉగ్రవాద నిరోధక చట్టం కిందకు వస్తుంది. ఇందులో వ్యక్తులు పాకిస్తాన్‌లో చట్టపరమైన చర్యలకు లోబడి ఉంటారు. దీనిపై పాకిస్తాన్ అధికారిక నోటిఫికేషన్ కూడా జారీ చేసింది. అయితే సల్మాన్ ఖాన్ గానీ, ఆన ప్రతినిధుల నుంచి కానీ ఎటువంటి స్పందనా రాలేదు. 

⚡ NEW: Bollywood actor Salman Khan’s name has reportedly been added by Pakistan govt to it’s “Fourth Schedule” — a list under its Anti-Terrorism Act used to monitor people suspected of links to banned groups or extremist activity.

It’s a serious designation that restricts… pic.twitter.com/GzgH02WhUl

— OSINT Updates (@OsintUpdates) October 26, 2025

#Salman spoke the truth the Baloch are distinct, and Balochistan is the land of a separate nation. This is a historical fact #Balochistan is not part of Pakistan but an #occupied territory.
We love #salman bahi from Balochistan❤💚🩵 pic.twitter.com/htVwKQAVfE

— 𝙼 𝚎 𝚑 𝚛 𝙱 𝚢 𝚊 𝚒 𝚛 (@MehrByair) October 21, 2025

మరోవైపు బలూచిస్తాన్ స్వాంత్ర పోరాట నాయకుడు మీర్ యార్ బలూచ్ మాత్రం సల్మాన్ సౌదీ అరేబియాలో బలూచిస్తాన్ గురించి ప్రస్తావించడం 60 మిలియన్ల బలూచ్ పౌరులకు ఆనందాన్ని కలిగించిందని ప్రకటించారు. ప్రధాన దేశాలు కూడా చేయడానికి వెనుకాడే పనిని బాలీవుడ్ హీరో చేశాడని అన్నారు. ఇలా ప్రజలను అనుసంధానించడం, బలూచ్‌ను ప్రత్యేక దేశంగా గుర్తించేలా ప్రపంచాన్ని ప్రోత్సహించడం చాలా అవసరం అని..ఈ పని చేసిన సల్మాన్‌కు కృతజ్ఞతలు అని మీర్ చెప్పారు.  

Also Read: Bus Accident: కర్నూలు బస్సు ప్రమాదం ఎఫ్‌ఐఆర్‌ కాపీ..ఇద్దరిపై కేసు నమోదు