Canada: అమెరికాకు కరెంట్ కోతలు తప్పవని కెనడా హెచ్చరిక

అమెరికాకు రెంట్ కష్టాలు తప్పవని అంటోంది కెనడా. అమరికా అధ్యక్షుడు డొనాల్డ్ ట్రంప్ విధిస్తున్న సుంకాలు కెనడా, చైనా దేశాలతో వాణిజ్య పోరుకు దారి తీశాయి. ముఖ్యంగా కెనడా అమెరికాకు ధీటుగా స్పందిస్తోంది. అమెరికా విధించిని సుంకాలకు ప్రతిగా ఇప్పటికే కెనడా కూడా 25 శాతం సుంకాలను అమలు చేసింది. ఇప్పుడు దానికి తోడు ఎలాన్‌ మస్క్‌కు చెందిన స్టార్‌లింక్‌తో ఉన్న 100 మిలియన్‌ డాలర్ల ఒప్పందాన్ని రద్దు చేస్తున్నట్లు ప్రకటించింది. ఈ విషయాన్ని ఒంటారియో ప్రీమియర్ డగ్‌ ఫోర్డ్‌ తెలిపారు. తాము అర్ధికంగా దెబ్బ తింటుంటే చూస్తూ ఊరుకోమని డగ్ ఫోర్డ్ తేల్చి చెప్పారు. ఇవే కాకుండా న్యూయార్క్, మిషిగాన్, మిన్నెసోటా రాష్ట్రాలకు కరెంట్‌ కోతలు విధిస్తానని చెప్పారు. ట్రప్ మా గురించి తక్కువ అంచనా వేస్తున్నారు. కానీ చిరునవ్వుతో మేము చేయాల్సినదంతా చేస్తామని చెప్పారు. తమ స్టోర్ల నుంచి అమెరికా మద్యాన్ని తొలగించే ఆలోచనలో కూడా తెలిపారు. 

25 శాతం సుంకం..

అమెరికా నుంచి దిగుమతి చేసుకునే ఆల్కహాల్, పండ్లు సహా 107 బిలియన్‌ డాలర్ల ఉత్పత్తులపై 25% సుంకం విధిస్తున్నట్లు ప్రధాని జస్టిన్‌ ట్రూడో (Justin Trudo) ప్రకటించారు. ఇవి వెంటనే అమల్లోకి వస్తాయని కూడా తెలిపారు. ఈ పెరిగిన సుంకాల కారణంగా అమెరికా ప్రజల నిత్యావసర గ్యాస్, కార్లపై అధిక ధరలను చెల్లించాల్సి వస్తుందని చెప్పారు. మరోవైపు మెక్సికో అధ్యక్షురాలు క్లౌడియా షీన్ బాయ్ కూడా ఈ సుంకాలపై త్వరలోనే నిర్ణయం తీసుకుంటామని చెప్పారు.  

Also Read: Karnataka: ఐపీఎస్ కూతురు స్మగ్లింగ్ ఎందుకు చేసింది? ఎలా పట్టుబడింది?