Bill Gates: ఆ దేశం అమ్మాయిలతో ఎఫైర్.. బిల్ గేట్స్‌కు శృంగార రోగాలు!

ప్రపంచ కుబేరుడు, మైక్రోసాఫ్ట్ సహ వ్యవస్థాపకుడు బిల్ గేట్స్(Bill Gates) చుట్టూ జెఫ్రీ ఎప్‌స్టీన్‌(Jeffrey Epstein) వివాదం ముదురుతోంది. తాజాగా అమెరికా న్యాయశాఖ విడుదల చేసిన ఎప్‌స్టీన్‌ రహస్య పత్రాల్లో బిల్ గేట్స్‌పై విస్తుపోయే ఆరోపణలు వెలుగులోకి వచ్చాయి. 2013లో ఎప్‌స్టీన్‌ తనకి తాను రాసుకున్న ఈమెయిల్స్ ఆధారంగా ఈ విషయాలు బయటపడ్డాయి.

రష్యన్ అమ్మాయిలతో(Russian girls) శృంగారం(sex) లో పాల్గొనడం వల్ల బిల్ గేట్స్‌కు లైంగిక సంక్రమణ వ్యాధి (STD) సోకిందని ఎప్‌స్టీన్‌(Epstein files controversy) తన మెయిల్స్‌లో పేర్కొన్నారు. తనకు సోకిన వ్యాధి గురించి భార్య మిలిండాకు తెలియకుండా జాగ్రత్త పడ్డారని, ఆమెకు రహస్యంగా ఇవ్వడానికి తన వద్ద యాంటీబయోటిక్స్ కావాలని బిల్ గేట్స్ అడిగినట్లు ఎప్‌స్టీన్‌ ఆరోపించారు.

గతంలో బిల్ గేట్స్ ఒక రష్యన్ బ్రిడ్జ్ ప్లేయర్‌తో ఎఫైర్ పెట్టుకున్నారని, ఆ విషయాన్ని బయటపెడతానని ఎప్‌స్టీన్‌ ఆయనను బ్లాక్ మెయిల్ చేయడానికి ప్రయత్నించినట్లు కూడా వార్తలు వచ్చాయి. అయితే, ఈ ఆరోపణలన్నీ ఎప్‌స్టీన్‌ రాసుకున్న డ్రాఫ్ట్ మెయిల్స్ మాత్రమేనని, వీటికి ఇప్పటివరకు ఎలాంటి అధికారిక ఆధారాలు లభించలేదని అమెరికా న్యాయశాఖ స్పష్టం చేసింది.

అయితే ఈ ఆరోపణలపై బిల్ గేట్స్ ప్రతినిధి తీవ్రంగా స్పందించారు. ఇవన్నీ పూర్తిగా అబద్ధం, అర్థరహితమైన ఆరోపణలు. తనతో సంబంధాలు తెంచుకున్నందుకు బిల్ గేట్స్‌ను ఇరికించడానికి, ఆయన పరువు తీయడానికి ఎప్‌స్టీన్‌ చేసిన కుట్రలో భాగమే ఇవన్నీ అని కొట్టిపారేశారు.

Also Read :  ఇజ్రాయెల్‌తో రాజీపడ్డ ట్రంప్‌.. ఎప్‌స్టీన్‌ ఫైల్స్‌లో సంచలన విషయాలు

2021లో విడాకులు

బిల్ గేట్స్, మిలిండా దంపతులు 2021లో విడాకులు తీసుకున్నారు. అప్పట్లోనే ఎప్‌స్టీన్‌ తో బిల్ గేట్స్ సన్నిహితంగా ఉండటం వల్లే తాము విడిపోతున్నట్లు మిలిండా పరోక్షంగా వ్యాఖ్యానించారు. తాజాగా ఈ ఫైల్స్ బయటకు రావడం ఆమె వ్యాఖ్యలకు బలాన్ని చేకూరుస్తోంది.

2019లో ఫెడరల్ సెక్స్-ట్రాఫికింగ్ కేసులో అరెస్టయిన ఎప్‌స్టీన్, విచారణ ఎదురుచూస్తుండగానే న్యూయార్క్ జైలులో అనుమానాస్పద స్థితిలో మరణించాడు. అది ఆత్మహత్య అని అధికారులు ప్రకటించినప్పటికీ, అతను ఎక్కడ తమ పేర్లు బయటపెడతాడో అని పెద్ద మనుషులే అతడిని చంపేశారని ఇప్పటికీ ఎన్నో కుట్ర సిద్ధాంతాలు  వినిపిస్తూనే ఉంటాయి.

Also Read :  అతని భార్యపై కన్నేసిన అమెరికా అధ్యక్షుడు.. ట్రంప్ కామెంట్స్ వైరల్