Israel : ఇజ్రాయెల్‌ కు భారీ ఎదురుదెబ్బ.. ఒకేసారి 8 మంది సైనికుల మృతి!

Israel: ఇజ్రాయెల్‌ సైన్యానికి పెద్ద ఎదురుదెబ్బ తగిలింది. లెబనాన్‌ జరిపిన ప్రతిదాడిలో ఇజ్రాయెల్‌ చెందిన 8 మంది సైనికులు మృతి చెందినట్లు ఇజ్రాయెల్ మిలటరీ ప్రకటించింది. గతేడాది అక్టోబర్ నుంచి యుద్ధం చేస్తున్నా.. ఇప్పటి వరకు సైన్యానికి ఎలాంటి హాని జరగలేదు. కానీ బుధవారం మాత్రం పెద్ద ఎదురుదెబ్బే తగిలింది. 

ఎనిమిది మంది...

లెబనాన్‌లో హిజ్బుల్లాకు వ్యతిరేకంగా జరిగిన పోరాటంలో ఎనిమిది మంది ఇజ్రాయెల్ సైనికులు మృతి చెందినట్లు ఇజ్రాయెల్‌ సైనికాధికారులు తెలిపారు. మరణించిన వారిలో కెప్టెన్ ఈటాన్ ఇట్జాక్ ఓస్టర్, కెప్టెన్ హరెల్ ఎటింగర్, కెప్టెన్ ఇటాయ్ ఏరియల్ గియాట్, సార్జెంట్ ఫస్ట్ క్లాస్ నోమ్ బార్జిలే, సార్జెంట్ ఫస్ట్ క్లాస్ ఆర్ మంత్జుర్, సార్జెంట్ ఫస్ట్ క్లాస్ నజార్ ఇట్కిన్, స్టాఫ్ సార్జెంట్ ఆల్మ్‌కెన్ టెరెఫ్,   స్టాఫ్ సార్జెంట్ ఇడో బ్రోయర్ చనిపోయినట్లు ఇజ్రాయెల్‌ సైనికాధికారులు ప్రకటించారు. 

లెబనాన్ దళాలు ఎదురుదాడి

ఇజ్రాయెల్ బుధవారం లెబనాన్ సరిహద్దులు దాటింది. ఆ సమయంలో లెబనాన్ దళాలు ఎదురుదాడికి దిగాయి. దీంతో ఇజ్రాయెల్ సైన్యం తీవ్ర నష్టాన్ని చూడాల్సి వచ్చింది. ఒకేసారి 8 మంది సైనికులను కోల్పోయింది. బుధవారం తెల్లవారుజామున ఇజ్రాయెల్ ఆర్మీ కెప్టెన్ ఈటాన్ ఇట్జాక్ ఓస్టర్ చనిపోయాడు. భూతల దాడిలో భాగంగా తొలి మరణాన్ని ఇజ్రాయెల్‌ చవిచూసింది. మరో ఏడుగురు సైనికులు కూడా పడిపోయినట్లు ఐడీఎఫ్ తాజాగా ప్రకటనలో తెలిపింది. దక్షిణ సరిహద్దు గ్రామంలోకి చొరబడిన ఇజ్రాయెల్ దళాలతో హిజ్బుల్లా యోధులు ఎదురుదాడులకు దిగినప్పుడు ఈ ఘటన చోటుచేసుకుంది. 

Also Read: విచిత్ర వాతావరణం..అక్కడ వానలు..ఇక్కడ మండుతున్న ఎండలు!

ఈశాన్య సరిహద్దు గ్రామమైన అడేస్సేలోకి ప్రవేశించడానికి ప్రయత్నించిన తర్వాత ఇజ్రాయెల్ సైనికులు తిరిగి వెనక్కి వెళ్లిపోయారు.ఇజ్రాయెల్ సైన్యం.. దక్షిణ లెబనాన్‌లోని అదనపు ప్రాంతాలను ఖాళీ చేయమని పిలుపునిచ్చింది. దక్షిణ లెబనాన్‌లోని 20 గ్రామాలు,  పట్టణాలను విడిచిపెట్టమని నివాసితులకు ఆదేశాలు జారీ చేసింది. 

Also Read: రైతులకు కేంద్రం 'దసరా' కానుక - 'పీఎం కిసాన్‌ నిధులు' విడుదల ఎప్పుడంటే!

భూతల దాడులు చేసేందుకు ఇజ్రాయెల్ సైన్యం సిద్ధమైంది. లెబనాన్‌ భూభాగంలోకి సుమారు 400 మీటర్ల బ్లూలైన్‌లోకి ఇజ్రాయల్ దళాలు దూసుకొచ్చాయి. ఆ తరువాత కొద్దిసేపటికే వాటిని సైన్యం ఉపసహరించుకుంది. హిజ్బుల్లా అధినేత నస్రల్లా మరణం తర్వాత పశ్చిమాసియాలో పరిస్థితులు మరింత ఉద్రిక్తంగా మారాయి. ఇక మంగళవారం ఇరాన్ దూకుడు ప్రదర్శించింది. ఇజ్రాయెల్‌పై ఒకేసారి 180 క్షిపణులను ప్రయోగించింది. 

Also Read: వియత్నాంలో బర్డ్ ఫ్లూ..47 పులులు మృతి

అయితే ఇజ్రాయెల్ గగనతలంలోనే తిప్పికొట్టింది. అయితే కొన్ని టెల్అవీవ్, జెరూషలేంలో పడ్డాయి. అయితే ఎవరికీ ఎలాంటి ప్రాణనష్టం జరగలేదని అధికారులు ప్రకటించారు.

Also Read: తెలంగాణలో మరో రెండు రోజుల పాటు వానలు!