M-Pox: ఎయిర్ పోర్ట్, ఆసుపత్రిలో అలెర్ట్..ఎంపాక్స్‌తో వార్‌‌కు సిద్ధం

Monkey Pox: మంకీ పాక్స్...ఇప్పుడు అందరినీ ఆందోళనకు గురి చేస్తోంది.ఇప్పటికే మంకీపాక్స్‌ని గ్లోబల్ పబ్లిక్ హెల్త్ ఎమర్జెన్సీగా డబ్ల్యూహెచ్ఓ ప్రకటించింది. కాంగోలో ఈ వైరస్ కారణంగా ఇప్పటికే 500 మందికి పైగా మరణించారు. ఆ దేశంలో 10 వేలకు పైగా కేసులు నమోదయ్యాయి. మరోవైపు ఉంటే స్వీడన్, పాకిస్తాన్, ఫిలిప్పీన్స్ దేశాల్లో కేసులు నమోదయ్యాయి. అందుకే ఈ ఎంపాక్స్ విషయంలో భారతదేశం జాగ్రత్తగా ఉండాలని నిర్ణయం తీసుకుంది. ఈ ముప్పును ఎదుర్కొనేందుకు ఆస్పత్రుల్లో ఎమర్జెన్సీ వార్డుల ఏర్పాటుతో పాటు విమానాశ్రయాల్లో అలెర్ట్ ప్రకటించారు. ఇంకా దీనికి సంబంధించిన అన్ని ముందస్తు జాగ్రత్తలు తీసుకుంటున్నట్లు ఆరోగ్య మంత్రిత్వ శాఖ వర్గాలు తెలిపాయి. దద్దుర్లు ఉన్న రోగులను గుర్తించి ఐసోలేషన్ వార్డులను తరలించాలని ప్రభుత్వం ఆస్పత్రలకు ఆర్డర్ పాస్ చేసింది. ఢిల్లీలోని మూడు నోడల్ ఆస్పత్రులు-సఫ్దర్‌జంగ్, లేడీ హార్డింజ్ మెడికల్ కాలేజ్, రామ్ మనోహర్ లోహియా హాస్పిటల్స్ ను ఎంపాక్స్‌ కోసం కేటాయించారు. అనుమానిత రోగులపై RT-PCRతో పాటు నాజిల్ స్వాబ్ పరీక్షలు చేయనున్నారు. అవసరమైన జాగ్రత్తలు తీసుకోవాలని విమానాశ్రయాలను ఇప్పటికే అధికారులు అప్రమత్తం చేశారు.

నిజానికి మంకీ పాక్స్ వైరస్ ఇప్పటిది కాదు. ది ఇంతకు ముందు కూడా ప్రపంచాన్ని భయపెట్టింది. రెండేళ్ళ క్రితం 100కు పైగా దేశాల్లో ఈ కేసులు నమోదయ్యాయి. భారత్‌లో కూడా 30 కేసులు వెలుగు చూశాయి. అయితే అది తర్వాత తగ్గు ముఖం పట్టింది. పైగా అప్పట్లో ఈ వైరస్‌తో మరణించిన వారి సంఖ్య కూడా చాలా తక్కువే ఉంది. కానీ ఇప్పుడు ఎంపాక్స్ తీవ్రత చాలా ఎక్కువగా ఉంది. ఒక్క కాంగోలనే 500మంది మరణించారు. ఈ వైరస్ గతంకన్నా శక్తివంతంగా మారిందని వైద్యులు, శాస్త్రవేత్తలు చెబుతున్నారు. దాంతో అన్ని దేశాలు జాగ్రత్తలు తీసుకోవడం మొదలుపెట్టాయి.

Also Read:Jammu-kashmir: జమ్మూ–కాశ్మీర్‌‌లో మళ్ళీ టెర్రర్ అటాక్..పారామిలటరీ ఆఫీసర్ మృతి