Accident : ఒళ్లు గగుర్లుపొడిచే యాక్సిడెంట్.. గాల్లో పల్టీలు కొట్టిన కారు!

CAR Accident : తమిళనాడు(Tamilnadu) రాష్ట్రంలో ఘోర రోడ్డు ప్రమాదం(Road Accident) జరిగింది. తిరుమంగళం సమీపంలోని శివరకోట్టై వద్ద విరుదునగర్-మదురై హైవేపై వేగంగా దూసుకెళ్తున్న కారు బైకును తప్పించబోయి పల్టీలు కొట్టింది. ఈ క్రమంలోనే డివైడర్‌ అవతలి రోడ్డును దాటి సర్వీస్‌ రోడ్డుపై పడింది.

దీంతో కారులో ఉన్న నలుగురు, బైకిస్ట్ అక్కడికక్కడే మృతి చెందారు. విల్లాపురానికి చెందిన కనగవేల్ తన కుటుంబంతో కలిసి తలవాయిపురంలో ఆలయ సందర్శనకు వెళ్లి తిరిగి వస్తుండగా ఈ ప్రమాదం జరిగినట్లు పోలీసులు తెలిపారు. మరణించిన ఐదుగురిలో నలుగురు ఒకే కుటుంబానికి చెందిన వారని, మదురై(Madurai) లోని విలపురం ప్రాంతంలో నివాసం ఉంటున్నారని అధికారి తెలిపారు. ఈ ఘటనపై కేసు నమోదు చేసి పోలీసులు దర్యాప్తు చేపట్టారు. సీసీ టీవీలో రికార్డు అయిన ఒళ్లు గగుర్లుపోడిచే వీడియో చూసి జనాలు కంగుతిన్నామంటూ కామెంట్స్ చేస్తున్నారు.

Also Read : రథోత్సవంలో అపశ్రుతి.. 15 మంది చిన్నారులకు విద్యుదాఘాతం!