Tirupati: తిరుపతిలో శిల్పారామంలో విషాదం.. ప్రాణం తీసిన క్రాస్ వీల్

తిరుపతి జిల్లా తిరుచానూరులోని శిల్పారామంలో విషాదం చోటుచేసుకుంది. సరదాగా ఎంజాయ్ చేద్దామని ఎక్కిన క్రాస్ వీల్ ఓ యువతి ప్రాణం తీసింది. వివరాల్లోకి వెళ్తే.. తిరుపతికి చెందిన లోకేశ్వరి అనే యువతి ఆదివారం సెలవు కావడంతో తన స్నేహితురాలికి కలిసి సరదాగా బయటకు వెళ్లింది. ఈ క్రమంలో శిల్పారామం వెళ్లగా.. అక్కడ ఉన్న క్రాస్ వీల్ ఎక్కారు. ఆ వీల్ తిరుగుతుండగా లోకేశ్వరి, తన స్నేహితురాలు కూర్చున్న సీటు ఒక్కసారిగా ఊడింది.

ఇది కూడా చూడండి: ఏపీలో ఫించన్‌దారులకు బంపర్‌ ఆఫర్‌.. మూడు నెలల పెన్సన్ ఒకేసారి!

ఎత్తు నుంచి పడటంతో..

దాదాపు 20 అడుగుల ఎత్తు నుంచి పడటంతో లోకేశ్వరి అక్కడిక్కడే మృతి చెందింది. తన స్నేహితురాలు తీవ్ర గాయాలతో బయటపడింది. గాయపడిన అమ్మాయిని వెంటనే స్థానిక ఆసుపత్రికి తరలించి చికిత్స అందిస్తున్నారు. అయితే ఆ సీట్‌లో ఒకరే కూర్చోవాలి. కానీ ఇద్దరు కూర్చోవడంతో తుప్పు పట్టిన సీటు ఒక్కసారిగా ఊడిపోవడం వల్ల ఈ ప్రమాదం జరిగినట్లు పోలీసులు గుర్తించారు. దీని నిర్వాహకుడు ప్రభాకర్‌పై పోలీసులు కేసు నమోదు చేశారు. 

ఇది కూడా చూడండి: ఘరానా మోసం.. క్రిప్టో కరెన్సీ పేరుతో రూ.25 కోట్లు స్వాహా

ఇదిలా ఉంటే.. తూర్పుగోదావరి జిల్లాలో కూడా విషాద ఘటన చోటుచేసుకుంది. ఫ్లెక్సీలు కడుతూ కరెంట్‌ షాక్‌కు గురై నలుగురు యువకులు మృతి చెందారు. పాపన్న గౌడ్ విగ్రహావిష్కరణలో భాగంగా ఉండ్రాజవరం మండలం తాటిపర్రు గ్రామంలో ఫ్లెక్సీలు కడుతుండగా కరెంట్ షాక్ తగిలింది. 

ఇది కూడా చూడండి:  నేడు కార్తీక సోమవారం.. శివుడిని ఎలా పూజించాలంటే?

ఈ విషాద ఘటనలో బొల్లా వీర్రాజు, పామర్తి నాగేంద్ర, మారిశెట్టి మణికంఠ, కాసగాని కృష్ణ నలుగురు అక్కడిక్కడే మరణించగా.. ఒకరికి తీవ్ర గాయాలయ్యాయి. ఈ ఘటనపై సీఎం చంద్రబాబు స్పందిస్తూ.. బాధిత కుటుంబాలను తప్పకుండా ప్రభుత్వం ఆదుకుంటుందని భరోసా ఇచ్చారు. మృతుల కుటుంబాలకు ప్రగాఢ సానుభూతి తెలుపుతూ.. ప్రభుత్వం తరఫున రూ.5 లక్షల పరిహారం ప్రకటించారు. 

ఇది కూడా చూడండి:  విషాదం.. గొంతులో కోడి గుడ్డు ఇరుక్కుని..