Crime: 12 ఏళ్ల బాలుడితో లైంగిక సంబంధం కేసు.. ఢిల్లీ కోర్టు సంచలన తీర్పు!

Crime: 12 ఏళ్ల బాలుడిని కిడ్నాప్ చేసి ఓ వ్యక్తి లైంగిక సంబంధం పెట్టుకున్న కేసులో ఢిల్లీ కోర్టు సంచలన తీర్పు ఇచ్చింది. 2023 కేసులో నిందితుడికి జీవిత ఖైదు విధించింది. ఈ నేరం మానవ గౌరవ విలువలను ఉల్లంఘించిందని, అలాంటి నేరస్థుడిని సమాజం నుండి శాశ్వతంగా బహిష్కరించాలని కోర్టు పేర్కొంది.

నేరం తీవ్రమైనదే..

ఈ మేరకు 2023 ఫిబ్రవరిలో 12 ఏళ్ల బాలుడిని 47 ఏళ్ల వ్యక్తి కిడ్నాప్ చేశాడు. అనంతరం అతనిపై అత్యాచారానికి పాల్పడ్డారు. బాలుడి తల్లిదండ్రుల ఫిర్యాదుతో అతనిపై కేసు నమోదు అవగా.. తాజాగా విచారించిన న్యారస్థానం నిందితుడికి జీవిత ఖైదు విధించింది. అదనపు సెషన్స్ జడ్జి బబితా పునియా దీని గురించి మాట్లాడుతూ.. 'దోషి చేసిన నేరం తీవ్రమైనది. అంతేకాదు భయంకరమైనది కూడా. ఇది మానవ గౌరవం, భద్రత, విలువలను ఉల్లంఘించింది. అలాంటి నేరస్థుడిని సమాజం నుంచి శాశ్వతంగా తొలగించాలనే డిమాండ్ సమర్థనీయమే. ఎందుకంటే అతన్ని తిరిగి సమాజంలోకి అనుమతించినట్లయితే అతను సమాజానికి ముప్పుగా మారే అవకాశం ఉంది' అని న్యాయమూర్తి అన్నారు.

Also Read: మరో 5 రోజులు ఈ జిల్లాల్లో భారీ వర్షాలు..వాతావరణశాఖ హెచ్చరికలు!

 కోర్టు అతనికి జీవితాంతం కఠిన కారాగార శిక్ష విధించింది. అంటే అతను తన సహజ జీవితాంతం జైలులోనే ఉండాల్సి ఉంటుంది. అత్యాచార కేసుల పెరుగుదలకు శాశ్వత పరిష్కారాలను కనుగొనడానికి సామాజిక-, మానసిక అంశాలను పరిగణనలోకి తీసుకోవాలని విధాన నిర్ణేతలను ASJ పునియా కోరారు. ఆ బిడ్డ పట్ల దయ కూడా చూపని వ్యక్తి కోర్టు సానుభూతికి అర్హుడు కాదు అని ఆయన అన్నారు. నేరం చేయడం ద్వారా అతను తన కుటుంబానికి ప్రమాదమని అతనికి తెలిసిరావాలన్నారు.

 
Also Read: ఐదేళ్ల తర్వాత మానస సరోవర యాత్రకు ఓకే..భారత, చైనా సంబంధాల్లో కీలక మలుపు

minor-boy | sexcual harrisement | telugu-news | today telugu news