Mirai BTS Video: దుమ్ము దులుపుతున్న.. 'మిరాయ్' ట్రైన్ సీన్ బీటీఎస్ వీడియో.. గూస్ బంప్స్ పక్కా..!

Mirai BTS Video: యంగ్ హీరో తేజ సజ్జా(Teja Sajja) హీరోగా నటించిన తాజా చిత్రం "మిరాయ్"(Mirai Movie) విడుదలకు రెడీ అయింది. ఈ చిత్రంలో రితికా నాయక్ హీరోయిన్‌గా నటించగా, మంచు మనోజ్(Manchu Manoj) ఒక ముఖ్యమైన పాత్రలో కనిపించనున్నాడు. కార్తీక్ ఘట్టమనేని దర్శకత్వం వహించిన ఈ సినిమా పాన్ ఇండియా స్థాయిలో తెరకెక్కింది.

ఈ నెల సెప్టెంబర్ 12న 'మిరాయ్' థియేటర్లలో విడుదల కానుంది. తెలుగు, తమిళం, హిందీ, కన్నడ, మలయాళం, బెంగాలీ తదితర భాషల్లో ఈ సినిమా 2D, 3D ఫార్మాట్లలో ప్రేక్షకుల ముందుకు రానుంది. దీంతో మేకర్స్ ప్రమోషన్స్‌ను మరింత వేగంగా నిర్వహిస్తున్నారు.

తాజాగా, ఈ సినిమా నుండి ఒక బీటీఎస్ వీడియో విడుదల చేశారు మేకర్స్. ఇందులో ట్రైన్ సీక్వెన్స్ గురించి వివరించారు. ఈ సన్నివేశం చిత్రంలో చాలా కీలకమైనది అని, కథను మలుపు తిప్పే ఘట్టంగా ఉంటుందని మేకర్స్ తెలిపారు. తేజ సజ్జా ఈ సన్నివేశంలో రిస్క్‌కి వెళ్లి నటించాడట. ఏకంగా ట్రైన్ మీద యాక్షన్ చేసేందుకు భయపడకుండా ముందుకు వచ్చాడని టీం తెలిపింది.

ఇక, ‘మిరాయ్’ సెన్సార్ కార్యక్రమాలు పూర్తయ్యాయి. సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) ఈ సినిమాకు U/A సర్టిఫికెట్ ఇచ్చింది. అంటే పెద్దల పర్యవేక్షణలో 12 ఏళ్లలోపు పిల్లలు కూడా ఈ సినిమాను చూడొచ్చు. విశేషం ఏంటంటే, కట్స్ లేకుండానే సినిమా సెన్సార్ పూర్తి కావడం! 

Also Read:'రాజా సాబ్' ప్రొడ్యూసర్ క్రేజీ అప్‌డేట్.. రెబల్‌ ఫ్యాన్స్‌ కి పండగే..!

కథలోకి వెళ్తే.. 

అశోకుడు కాలంలో ఉన్న తొమ్మిది గుప్త గ్రంథాలు ఈ కథకు కీలకం. ఇవి సాధారణ వ్యక్తిని దేవుడి స్థాయికి తీసుకెళ్లగల శక్తి కలిగినవి అని చెబుతారు. కానీ ఆ శక్తిని పొంది, ప్రపంచాన్ని తన చేతుల్లోకి తీసుకోవాలని ప్రయత్నించే దుష్టశక్తులు గ్రంథాల కోసం ప్లాన్ చేస్తాయి.

అయితే ‘మిరాయ్’ అనే ఒక యువ యోధుడు ఈ గ్రంథాలను కాపాడే బాధ్యతను తీసుకుంటాడు. వాటిని రక్షిస్తూ, దుష్ట శక్తులకు ఎదురెళ్లి పోరాడతాడు. అదే ఈ సినిమాలో ఆసక్తికరంగా సాగే యాక్షన్, ఫాంటసీ డ్రామా.

ఈ సినిమా ద్వారా తేజ సజ్జా మళ్లీ తన టాలెంట్‌ని ప్రూవ్ చేయబోతున్నాడు. విజువల్స్, యాక్షన్ ఎపిసోడ్స్, గ్రాఫిక్స్ అన్నీ హై స్టాండర్డ్స్‌తో ఉండనున్నట్లు ట్రైలర్, పోస్టర్లు చూస్తే తెలుస్తోంది.