Love Insurance kompany: మలేషియాలో ప్రదీప్ 'లవ్ ఇన్సూరెన్స్ కంపెనీ'..

Love Insurance kompany: తమిళ హీరో ప్రదీప్ రంగనాథ్(Pradeep Ranganathan) ‘డ్రాగన్’(Dragon Movie)  భారీ హిట్ తో  ఫుల్ జోష్ లో సినిమాలు చేస్తున్నాడు. ఇప్పుడు ప్రదీప్ నటిస్తున్న తాజా చిత్రం ‘లవ్ ఇన్సూరెన్స్ కంపెనీ’ యూత్‌ఫుల్ ఎంటర్టైనర్‌గా రూపొందుతోంది. ఈ సినిమాకు టాలెంటెడ్ డైరెక్టర్ విఘ్నేష్ శివన్ దర్శకత్వం వహిస్తున్నారు.

ఈ చిత్రంలో హీరోయిన్‌గా టాలెంటెడ్ బ్యూటీ కృతి శెట్టి(Kriti Shetty) నటిస్తోంది. ప్రస్తుతం ఈ సినిమా షూటింగ్ మలేషియాలో జరగుతోంది. తాజా షెడ్యూల్‌లో ప్రదీప్, కృతి ఇద్దరూ పాల్గొంటున్నారు. అయితే, ఈ షెడ్యూల్‌లో పాట చిత్రీకరణ జరుగుతోందా? లేదా కీలక సన్నివేశాల చిత్రీకరణ చేస్తున్నారా? అనే విషయంలో స్పష్టత రావాల్సి ఉంది.

ఈ యూత్ ఫుల్ లవ్ స్టోరీకి అనిరుధ్ తన మ్యూజిక్ తో మ్యాజిక్ చేయనున్నాడు. ఇప్పటికే ప్రాజెక్టుపై మంచి బజ్ ఏర్పడింది. విఘ్నేష్ శివన్ కథను నేటి యువతకి దగ్గరగా ఉండేలా ప్రెజెంట్ చేయబోతున్నారని టాక్.

సినిమా షూటింగ్ వేగంగా కొనసాగుతున్న నేపథ్యంలో, మేకర్స్ ఈ ప్రాజెక్టును వీలైనంత త్వరగా పూర్తి చేసి థియేటర్లలోకి తీసుకురావాలని భావిస్తున్నారు. ఈ సినిమా కథ, నటీనటుల కాంబినేషన్, సంగీతం అన్నీ కలిపి ప్రేక్షకుల్ని ఆకట్టుకునేలా ఉంటుందని మూవీ టీమ్ ధీమా వ్యక్తం చేస్తున్నారు.