Rajasaab First Trailer: వాట్ ఏ విజన్.. వాట్ ఏ థాట్.. ప్రభాస్ 'రాజాసాబ్' ప్లానింగ్ అదుర్స్

Rajasaab First Trailer: పాన్ ఇండియా స్టార్ ప్రభాస్(Prabhas) హీరోగా, మారుతి(Director Maruthi) దర్శకత్వంలో తెరకెక్కుతున్న చిత్రం ‘ది రాజాసాబ్’ గురించి ఆసక్తికరమైన అప్‌డేట్(Rajasaab Update) ఒకటి బయటకు వచ్చింది. ఈ సినిమా ఫస్ట్ ట్రైలర్‌కు(Rajasaab First Trailer) సంబంధించిన రన్ టైం లాక్ అయినట్లు సమాచారం. ట్రైలర్ నిడివి దాదాపు 3 నిమిషాల 30 సెకన్లు ఉండనుందని టాక్ వినిపిస్తోంది.

అక్టోబర్ 2న ట్రైలర్‌

ఇక ఈ ట్రైలర్‌ను అక్టోబర్ 2న విడుదలవుతున్న ‘కాంతారా చాప్టర్ 1’ సినిమాతో పాటు థియేటర్లలో ప్రదర్శించనున్నారని సమాచారం. అంటే, కాంతారా సినిమా థియేటర్‌కి వెళ్ళిన ప్రేక్షకులకు ప్రభాస్ 'రాజాసాబ్' సినిమా ట్రైలర్‌ బోనస్ ఉండనుంది. 

ప్రభాస్ ఈసారి హారర్ ఫాంటసీ, రొమాంటిక్ ఎంటర్టైనర్ చిత్రంలో కనిపించనున్నాడు. భారీ బడ్జెట్‌తో తెరకెక్కుతున్న ఈ సినిమా మీద అభిమానుల్లో భారీ అంచనాలు ఉన్నాయి. ప్రభాస్ నుంచి చాలా రోజుల తర్వాత ఒక రొమాంటిక్ కంటెంట్ ఉన్న సినిమా వస్తుండటం వల్ల ఫ్యాన్స్ ఉత్సాహంగా ఎదురుచూస్తున్నారు.

Also Read: ప్రభాస్ "రాజా సాబ్" లో భారీ సర్ ప్రైజ్! ఐటమ్ నెంబర్ కోసం స్టార్ హీరోయిన్ రంగంలోకి

మూవీ టీం ఇప్పటికే షూటింగ్‌ను చాలావరకు పూర్తిచేసి, ప్రస్తుతం పోస్ట్-ప్రొడక్షన్ పనులు జరుపుతోంది. సంక్రాంతి కానుకగా 2025 మొదట్లో సినిమాను విడుదల చేయాలని ప్లాన్ చేస్తున్నారు.

ఇక ఈ ట్రైలర్‌ విషయంలో ఇప్పటికే మేకర్స్ అన్ని ఏర్పాట్లు పూర్తి చేశారు. అధికారికంగా విడుదల తేదీపై ప్రకటన రావాల్సి ఉన్నప్పటికీ, అక్టోబర్ 2న థియేటర్లలో ట్రైలర్ రావడం ఖాయంగా అనిపిస్తోంది. ఇక ఈ ట్రైలర్‌లో ప్రభాస్ పాత్ర ఎలా ఉండబోతుందో, సినిమా టోన్ ఏ విధంగా ఉంటుందో క్లారిటీ వచ్చే అవకాశం ఉంది.

మొత్తంగా చూస్తే, ప్రభాస్ ఫ్యాన్స్‌కి ఇది చాలా ఎగ్జయిటింగ్ అప్‌డేట్. ప్రభాస్ మాస్ అండ్ క్లాస్ ఇమేజ్‌కి తగినట్టుగా ఈ ట్రైలర్ ఉండబోతుందని టీమ్ చెబుతోంది. ఒకవైపు కాంతారా సినిమాతో విజువల్ ట్రీట్, మరోవైపు ప్రభాస్ ట్రైలర్‌తో థియేటర్‌లో హంగామా జరగనుంది.