Varanasi: రాజమౌళి 'వారణాసి' టైటిల్ మార్పు.. కొత్త పేరు ఇదే ..!

మహేష్- రాజమౌళి “వారణాసి” టైటిల్‌పై రిజిస్ట్రేషన్ వివాదం రావడంతో, తెలుగులో టైటిల్‌ను “రాజమౌళి వారణాసి”గా మార్చే ఆలోచనలో టీమ్ ఉన్నట్టు సమాచారం. ఇతర భాషల్లో మాత్రం “వారణాసి”గా కొనసాగనుంది. 2027 సమ్మర్ రిలీజ్‌కు ప్లాన్ చేస్తున్నారు మూవీ టీమ్.

New Update
Varanasi

Varanasi

Varanasi: సూపర్ స్టార్ మహేష్ బాబు(Mahesh Babu), దర్శక ధీరుడు ఎస్ఎస్ రాజమౌళి(Rajamouli) కాంబినేషన్‌లో వస్తున్న భారీ సినిమా ప్రారంభం నుంచి ప్రేక్షకుల్లో పెద్ద ఉత్కంఠే రేపుతోంది. ఈ సినిమాకు “వారణాసి” అనే టైటిల్‌ను పెద్ద ఈవెంట్‌లో ప్రకటించిన తర్వాత, టైటిల్ చుట్టూ అనుకోని వివాదం మొదలయ్యింది. ఇప్పుడు తాజా సమాచారం ప్రకారం, ఈ కాంట్రవర్సీకి ఓ క్లియర్ సొల్యూషన్ దొరికినట్లు టాక్ వినిపిస్తోంది.

Also Read: ప్రభాస్ ‘స్పిరిట్’లో మరో బడా హీరో.. ఏకంగా ఆ సినిమాతో కనెక్షన్..?

“వారణాసి” అనే టైటిల్‌ను రాజమౌళి టీమ్ ప్రకటించగానే, ఒక నిర్మాణ సంస్థ ముందుగానే ఈ పేరును రిజిస్టర్ చేసుకున్నామని చెప్పింది.
రామ బ్రహ్మ హనుమ క్రియేషన్స్ అనే బ్యానర్ ఈ టైటిల్ తమదేనని అధికారికంగా ఫిర్యాదు చేసింది. అంతేకాకుండా ఈ సంస్థకు చెందిన దర్శకుడు సీహెచ్ సుబ్బారెడ్డి కూడా ఇదే పేరుతో సినిమా తీయనున్నట్లు ముందే ప్రకటించినట్టు సమాచారం. అందువల్ల ఈ పేరు మీద చట్టపరమైన సమస్యలు రావచ్చన్న భయంతో రాజమౌళి టీమ్ కొత్త నిర్ణయానికి వెళ్లినట్టు తెలుస్తోంది.

టైటిల్‌లో మార్పు? Varanasi Movie Title Change 

తాజా సమాచారం ప్రకారం, సమస్య తెలుగు భాషా వెర్షన్‌ కి మాత్రమే ఉందట. అందుకే రాజమౌళి టీమ్ తెలుగులో టైటిల్‌ను కొంచెం మార్చాలని నిర్ణయించినట్లు తెలుస్తోంది. టాక్ ఏమిటంటే.. “రాజమౌళి వారణాసి” అని పేరును మార్చే ఆలోచనలో ఉన్నారట. మరోవైపు, హిందీ, తమిళం, కన్నడ, మలయాళం వంటి ఇతర భాషల్లో మాత్రం ఇదే “వారణాసి” టైటిల్‌ను కొనసాగించవచ్చు అని సమాచారం. అంటే, టైటిల్ మార్పు పూర్తిగా కాకుండా, తెలుగులో మాత్రమే చిన్న మార్పుతో సమస్యను క్లియర్ చేయాలని ప్లాన్ చేస్తున్నారన్న మాట.

Also Read :  రణ్‌వీర్ సింగ్ 'ధురంధర్' షాకింగ్ రన్‌టైమ్.. ఎన్ని గంటలంటే..?

సినిమా కాన్సెప్ట్.. 

ఈ సినిమా ఒక రకంగా గ్లోబ్ ట్రాటర్ + టైమ్ ట్రావెల్ కాన్సెప్ట్ మీద నడుస్తున్న అడ్వెంచర్ డ్రామా. వివిధ కాలాల్లో, వివిధ ప్రపంచాల్లో జరిగే కథగా చెబుతున్నారు. కొద్ది రోజుల క్రితం హైదరాబాద్‌లో జరిగిన గ్లోబ్ ట్రాటర్ ఈవెంట్ లో మహేష్ లుక్, టైటిల్, టీజర్‌ను విడుదల చేశారు. మహేష్ బాబు న్యూ లుక్ ప్రేక్షకులను అమితంగా ఆకట్టుకుంది.

Also Read: టాలీవుడ్‌లో మళ్లీ బిజీ అవుతోన్నరేణు దేశాయ్..? లేటెస్ట్ అప్‌డేట్ ఇదే!

ఈ సినిమాలో హీరోయిన్ గా ప్రియాంక చోప్రా కనటించనుంది. ఆమె పాత్ర పేరు మందాకిని. విలన్ పాత్రలో పృథ్వీరాజ్ సుకుమారన్ ‘కుంభ’గా నటిస్తున్నాడు. ఇంత భారీ కాంబినేషన్ కావడంతో సినిమా మీద అంచనాలు ఆకాశాన్ని తాకుతున్నాయి. సినిమా గ్రాండ్ రిలీజ్‌ను 2027 సమ్మర్ కు ప్లాన్ చేస్తున్నారు. రాజమౌళి ఇప్పటికే షూటింగ్‌ను వేగంగా ముందుకు తీసుకెళ్తున్నారన్న టాక్ ఇండస్ట్రీలో ఉంది.

టైటిల్‌పై జరిగిన వివాదం వల్ల కొంత గందరగోళం వచ్చినా, రాజమౌళి టీమ్ తెలివిగా నిర్ణయం తీసుకుని సమస్యను క్లియర్ చేసినట్టు సమాచారం. “వారణాసి” అనే పేరు పవర్ కలిగి ఉందని, మహేష్- రాజమౌళి కాంబినేషన్ కావడంతో సినిమా పాన్ ఇండియా లెవెల్‌లో పెద్ద హిట్ అవుతుందని ఫ్యాన్స్ నమ్ముతున్నారు.

Advertisment
తాజా కథనాలు