ప్రభాస్ కు జోడిగా నయనతార.. 17 ఏళ్ళ తర్వాత క్రేజీ కాంబో రిపీట్

ప్రభాస్ ‘యానిమల్’ దర్శకుడు సందీప్ రెడ్డి వంగాతో ‘స్పిరిట్’ మూవీలో నటించబోతున్నాడు. యానిమల్ మూవీతో బ్లాక్ బస్టర్ హిట్ కొట్టిన దర్శకుడు సందీప్ రెడ్డి వంగా స్పిరిట్ మూవీని మరింత గ్రాండ్ లెవెల్లో తెరకెక్కించబోతున్నాడు. ఇప్పటికే ఈ సినిమాపై ఫుల్ హైప్ క్రియేట్ చేశాడు. ఇందులో ప్రభాస్‌ను ఇప్పటి వరకు ఏ సినిమాలోనూ చూడని విధంగా చూపించబోతున్నట్లు పలు ఇంటర్వ్యూలలో చెప్పుకొచ్చాడు. 

దీంతో ఈ సినిమా అప్టేడ్‌ కోసం ప్రభాస్ ఫ్యాన్స్ ఎంతో ఆసక్తిగా ఎదురుచూస్తున్నారు. ఇదిలా ఉంటే ఈ సినిమాలో హీరోయిన్ గా ఎవరు నటిస్తున్నారనే దానిపై ఎట్టకేలకు ఓ క్లారిటీ వచ్చినట్లు తెలుస్తోంది. ఈ సినిమాలో హీరోయిన్ గా కరీనా కపూర్, త్రిష, త్రిప్తి డిమ్రి, రష్మిక.. ఇలా చాలామంది పేర్లే వినిపించాయి. కానీ వీళ్ళెవరూ నటించడం లేదని కన్ఫర్మ్ అయింది. 

Also Read : ఈ వారం ఓటీటీలో ఏకంగా 23 సినిమాలు.. ఆ నాలుగు చాలా స్పెషల్

లేడి సూపర్ స్టార్ ఫైనల్..

లేటెస్ట్ టాక్ ప్రకారం 'స్పిరిట్' కోసం డైరెక్టర్ సందీప్ రెడ్డి వంగా.. కోలీవుడ్ స్టార్ హీరోయిన్ నయనతారను ఫైనల్ చేశారట. ఇప్పటికే ఈ సినిమాకి సంబంధించిన స్క్రిప్ట్ ని కూడా దర్శకుడు నయనతారకు వినిపించాడట. స్క్రిప్ట్ నచ్చి నయన్ కూడా ప్రభాస్ తో నటించేందుకు గ్రీన్ సిగ్నల్ ఇచ్చినట్లు వార్తలు వినిపిస్తున్నాయి. 

త్వరలోనే ఈ విషయంపై మేకర్స్ నుంచి అఫీషియల్ అనౌన్స్ మెంట్ కూడా రానున్నట్లు తెలుస్తోంది. ఒకవేళ ఇదే నిజమైతే 17 ఏళ్ళ తర్వాత ప్రభాస్ - నయనతార జోడీని బిగ్ స్క్రీన్ పై చూడొచ్చు. కాగా   2007లో ప్రభాస్, నయనతార ‘యోగి’ మూవీలో జంటగా కనిపించారు. వి.వి. వినాయక్ దర్శకత్వం వహించిన ఈ చిత్రం బాక్సాఫీస్ దగ్గర అట్టర్ ప్లాప్ అయింది.

Also Read :  ఎన్నాళ్లకెన్నాళ్లకు.. చీరలో రకుల్ ప్రీత్ సింగ్.. ఎంత అందంగా ఉందో