Thandel Movie: నాగచైతన్యకు బిగ్ షాక్.. ఆన్ లైన్ లో 'తండేల్' HD ప్రింట్!

Thandel Movie:  లవ్ స్టోరీ తర్వాత అక్కినేని నాగచైతన్య- సాయి పల్లవి జంటగా ప్రేక్షకుల ముందుకు వచ్చిన లేటెస్ట్ రొమాంటిక్ యాక్షన్ ఎంటర్ టైనర్ 'తండేల్'.  ఫిబ్రవరి 7న విడుదలైన ఈ చిత్రం సూపర్ హిట్ రెస్పాన్స్ తో బాక్స్ ఆఫీస్ వద్ద జోరు కొనసాగిస్తోంది. అయితే  సినిమా విడుదలై ఒక్కరోజులోనే  మేకర్స్ కి భారీ షాక్ తగిలింది. 'తండేల్'  HD ప్రింట్ ఆన్ లైన్ లో వచ్చేసింది.  టెలిగ్రాం,ఐబోమ్మ లాంటి వెబ్ సైట్లలో ఈ సినిమా ఇప్పుడు విస్తృతంగా సర్క్యులేట్ అవుతోంది. ఇప్పటికే కొంతమంది థియేటర్స్ కి వెళ్లకుండానే సినిమాను చూసేశారు. అంతేకాదు మూవీకి సంబంధించిన వీడియో క్లిప్ లను కూడా సోషల్ మీడియాలో షేర్ చేస్తున్నారు. 

Also Read: Priyanka Chopra: తమ్ముడి పెళ్లి ఊరేగింపులో ప్రియాంక చోప్రా డాన్స్.. అంబానీ కుటుంబం కూడా.. వీడియో వైరల్!

#ThandelThandavam. #Thandel @TrendsChaitu @GeethaArts @chay_akkineni #ThandelReview
Anna hd print in ott platform within 1day
Please check and delect asap 🙏@ThandelTheMovie pic.twitter.com/73Au4LeoNz

— AnepalliSaikrishna (@AnepalliSaikri1) February 8, 2025

తొలి రోజు  రూ. 41.20 కోట్లు.. 

ఇది ఇలా ఉంటే మూడవ రోజు కూడా బుక్ మై షోలో 'తండేల్' టికెట్లు భారీగా అమ్ముడయ్యాయి. 70వేలకు పైగా బుకింగ్స్ జరిగాయి. తొలి రోజు ఈ చిత్రం ప్రపంచవ్యాప్తంగా రూ. 41.20 కోట్ల వసూళ్లను రాబట్టింది. వారాంతం కావడంతో వసూళ్లు మరింత పెరిగే అవకాశం ఉంది. మరోవైపు విదేశాల్లోనూ 'తండేల్'  జోరు బాగానే కొసాగుతోంది.  ఓవర్సీస్ లో తొలి రోజు ఈ చిత్రం 3 లక్షల 50వేల డాలర్లకు పైగా గ్రాస్‌ కలెక్ట్ చేసినట్లు నివేదికలు చెబుతున్నాయి. 

శ్రీకాకుళం జిల్లాకు చెందిన పలువురు మత్స్యకారుల జీవితంలో జరిగిన యదార్థ సంఘటనల ఆధారంగా రూపొందిన ఈ చిత్రాన్ని చందూ మొండేటి తెరకెక్కించారు. గీత ఆర్ట్స్ బ్యానర్ పై అల్లు అరవింద్ సమర్పణలో బన్నీ వాసు నిర్మించారు. చై కెరీర్ లో అత్యంత భారీ బడ్జెట్ తో రూపొందిన తొలి చిత్రమిది. ఈ సినిమా కోసం దాదాపు రూ. 75 కోట్ల వరకు ఖర్చు చేసినట్లు సమాచారం. 

Also Read: Allu Aravind: బన్నీ డ్యాన్స్ చిరంజీవి నుంచి వచ్చింది కాదు.. అల్లు అరవింద్ షాకింగ్ కామెంట్స్!