Saiyami Kher: ఒకే ఏడాదిలో రెండుసార్లు.. ట్రయాథ్లాన్‌ రేస్ లో చరిత్ర సృష్టించిన తొలి నటి!

ఐరన్ మ్యాన్ 70.3 ట్రయాథ్లాన్‌ అంటే ఏమిటి?

 ఇందులో మూడు విభాగాలు ఉంటాయి.. 

• 1.9 కిలోమీటర్ల ఈత (ఓపెన్ వాటర్‌లో): అంటే ఒక పెద్ద చెరువులో లేదా నదిలో ఈత కొట్టాలి.
• 90 కిలోమీటర్ల సైక్లింగ్: సుదూర ప్రాంతం బైసైకిల్ పై ప్రయాణించాలి.
• 21.1 కిలోమీటర్ల పరుగు (హాఫ్ మారథాన్): ఇది ఒక సుదీర్ఘమైన పరుగు.

ఈ మూడింటినీ ఒక్క రోజులోనే, ఎటువంటి విరామం లేకుండా పూర్తి చేయాలి. 70.3 అనేది ఈ మూడు విభాగాల మొత్తందూరాన్ని మైళ్ళలో సూచిస్తుంది, అంటే సుమారు 113 కిలోమీటర్లు. ఇలాంటి రేస్ ను నటి సయామీ ఒకే ఏడాదిలో రెండు సార్లు పూర్తిచేయడం విశేషం. 

Also Read:Hari Hara VeeraMallu: పవన్ ‘హరిహర వీరమల్లు’ ఫ్యాన్స్‌కు మరో సర్‌ప్రైజ్.. ఏంటో తెలిస్తే ఎగిరి గంతేస్తారు!

Also Read :  తెలంగాణలో ఘోరం.. భర్తను గొడ్డలితో నరికి ఖతం చేసిన ఇద్దరు భార్యలు

View this post on Instagram

A post shared by Saiyami Kher (@saiyami)

Also Read :  Khammam Crime: మామ, కోడలు శృంగారం.. కూతురు చూడటంతో చంపేశారు - కోర్టు సంచలన తీర్పు

సయామీ ఖేర్ ప్రయాణం

సయామీ ఖేర్ మొదటిసారిగా 2024 సెప్టెంబర్‌లో ఐరన్ మ్యాన్ 70.3లో పాల్గొన్నారు. అప్పటికి ఆమె ఈ ప్రపంచస్థాయి పోటీల్లో అడుగుపెట్టడం అదే మొదటిసారి. అయినప్పటికీ, ఆమె అద్భుతమైన ప్రదర్శన కనబరిచారు.

ఆ తర్వాత ఇటీవల, 2025 జూలైలో స్వీడన్‌లో జరిగిన ఐరన్ మ్యాన్ 70.3 యూరోపియన్ ఛాంపియన్‌షిప్‌లో ఆమె రెండోసారి పాల్గొన్నారు. ఈసారి పోటీ ఇంకా కఠినంగా ఉంది. చల్లని నీరు, కొండలు, ఎదురుగాలి వంటి అదనపు సవాళ్లు ఎదురయ్యాయి. అయినా సరే, సయామీ తన మొదటి ప్రదర్శనతో పోలిస్తే 32 నిమిషాలు ముందుగానే రేసును పూర్తి చేశారు. ఇది ఆమె శారీరక, మానసిక బలాన్ని, క్రమశిక్షణను తెలియజేస్తుంది.

ఈ మేరకు రేసు పూర్తయ్యాక సయామీ ఖేర్ తన అనుభవాలను పంచుకున్నారు. "నేను ఎందుకు ఇలాంటి కఠినమైన శిక్షకు గురవుతాను అని చాలా మంది అడుగుతారు.  ఇది ప్రపంచానికి ఏదో నిరూపించుకోవడానికి కాదు. అలాగే  నాకు బయటి వారి మెప్పు కూడా  అవసరం లేదు!  నా వరకు, సహన క్రీడలు చాలా వ్యక్తిగతం – ఇవి నా సొంత సందేహాలపై నేను చేసే పోరాటం. ఈ సంవత్సరం నా లక్ష్యం ఒక్కటే, గత సంవత్సరం కంటే మెరుగ్గా ఉండాలి. నేను అది సాధించాను" అని ఆమె తెలిపారు. సయామీ ఖేర్ తెలుగులో సాయి ధరమ్ తేజ్ నటించిన ' రేయ్' సినిమాతో పరిచయమైంది. ఆ తర్వాత పలు హిందీ సినిమాల్లో నటించింది.