/rtv/media/media_files/2025/08/30/delhi-temple-sewadar-2025-08-30-12-25-34.jpg)
Delhi temple sewadar
Follow Us
ప్రసాదం పెట్టలేదని ఆలయ సిబ్బందిని కర్రలతో కొట్టి, పిడిగుద్దులు గుద్ది చంపేశారు కొందరు యువకులు. ఈ దారుణ ఘటన దేశ రాజధాని ఢిల్లీ(delhi) లో జరిగింది. వివరాల్లోకి వెళితే.. ఉత్తరప్రదేశ్ లోని హర్దోయ్ కి చెందిన యోగేంద్ర సింగ్ గత 15 సంవత్సరాలుగా ఢిల్లీలోని కల్కాజీ ఆలయ సేవకుడిగా పని చేస్తున్నాడు. అయితే శుక్రవారం రాత్రి 9.30 గంటల ప్రాంతంలో కొంతమంది యువకులు దర్శనం కోసం ఆలయానికి వచ్చారు. దర్శనం అనంతరం ఆలయ సేవకుడు యోగేంద్ర సింగ్ ప్రసాదం పెట్టాలని డిమాండ్ చేశారు. దీనికి యోగేంద్ర సింగ్ నిరాకరించడంతో ఇరువురి మధ్య వాగ్వాదం జరిగింది. ఇది కాస్త హింసాత్మక దాడిగా మారింది.
ఢిల్లీలోని కల్కాజీ ఆలయంలో ప్రసాదం ఇవ్వలేదనే కారణంతో పూజారి హత్యకు గురయ్యాడు. యూపీకి చెందిన పూజారి యోగేంద్ర సింగ్(35) పై ముగ్గురు వ్యక్తులు కర్రలతో దాడి చేశారు. తీవ్ర గాయాలతో ఆసుపత్రిలో చేరిన ఆయన చికిత్స పొందుతూ మృతి చెందాడు. దాడికి పాల్పడిన వారిలో ఒకరిని పోలీసులు అరెస్ట్ చేశారు.… pic.twitter.com/yRWgPW57xr
— RTV (@RTVnewsnetwork) August 30, 2025
కొట్టి చంపిన యువకులు
ప్రసాదం పెట్టలేదని(Denying Of Prasad) కోపంతో విచక్షణ కోల్పోయిన యువకులు ఆలయ సిబ్బంది యోగేంద్రను కర్రలతో చితకబాదారు. పిడిగుద్దులు గుద్దుతూ, పదేపదే కర్రలతో కొట్టడంతో అతడు అపస్మారక స్థితిలోకి వెళ్ళిపోయాడు. ఇందుకు సంబంధించిన దృశ్యాలు సీసీటీవీ కెమెరాల్లో రికార్డు అయ్యాయి. చుట్టూ పక్కల ఉన్నవారు వెంటనే బాధితుడిని ఎయిమ్స్ ట్రామా సెంటర్‌కు తరలించగా.. అప్పటికే తీవ్రంగా గాయపడ్డ యోగేంద్ర చికిత్స పొందుతూ మృతి చెందాడు.
ఈ ఘటన పై "BNS సెక్షన్ 103(1)/ 3(5) కింద సెక్షన్ కింద కేసు నమోదు చేసిన పోలీసులు దర్యాప్తు ప్రారంభించారు. ఇప్పటికే నిందితుల్లో ఒకడైన దక్షిణపురి నివాసి అతుల్ పాండే (30) ని అదుపులోకి తీసుకున్నారు. మిగతా వారి కోసం గాలింపు చర్యలు చేపట్టారు. అయితే అతుల్ పాండే అనే యువకుడిని స్థానికులు సంఘటన స్థలంలోనే పట్టుకొని పోలీసులకు అప్పగించారు. మిగతావారు తప్పించుకోగా.. పోలీసులు గాలిస్తున్నారు.
Also Read: TG Crime: మండపం వద్ద పాటలు పెడుతుండగా కరెంట్ షాక్.. నల్గొండలో పెను విషాదం!
