‘కంగువా’ నిర్మాతపై కోర్టులో కేసు.. మళ్ళీ వాయిదా తప్పదా?

కోలీవుడ్ స్టార్ హీరో సూర్య నటిస్తున్న పాన్ ఇండియా సినిమా ‘కంగువ’. ఎంతో ప్రతిష్టాత్మకంగా భారీ అంచనాలతో తెరకెక్కుతోంది. దర్శకుడు శివ ఈ చిత్రాన్ని పీరియాడిక్ యాక్షన్ ఫిల్మ్‌గా రూపొందిస్తున్నాడు. ఇందులో సూర్య సరసన బాలీవుడ్ బ్యూటీ దిశా పటానీ నటిస్తుంది. అలాగే మరో బాలీవుడ్ స్టార్ బాబీ డియోల్ ఇందులో కీలక పాత్ర పోషిస్తున్నాడు.

Also Read:  నవంబర్‌ లో బ్యాంకులకు 12 రోజులు సెలవులు!

 స్టూడియో గ్రీన్, యూవీ క్రియేషన్స్ బ్యానర్స్‌పై కేఈ జ్ఞానవేల్ రాజా, వంశీ, ప్రమోద్‌లు కలిసి నిర్మిస్తున్నారు. అదే సమయంలో ఈ చిత్రాన్ని మైత్రీ మూవీ డిస్ట్రిబ్యూటర్స్ నైజాం ఏరియాలో రిలీజ్ చేయబోతున్నారు. ఈ మూవీపై అటు అభిమానుల్లోనూ ఇటు ప్రేక్షకుల్లోనూ భారీ అంచనాలు ఉన్నాయి. తమిళ సినిమా ఇప్పటి వరకు టచ్ చేయలేకపోయిన రూ.1000 కోట్ల మార్క్‌ను ‘కంగువ’ మూవీ టచ్ చేసి చూపించబోతుంది అంటూ పలువురు చెప్పుకొస్తున్నారు. 

Also Read:  కోదాడ వద్ద ఘోర రోడ్డు ప్రమాదం...30 మంది!

నవంబర్ 14న రిలీజ్

ఇక అన్ని కార్యక్రమాలు పూర్తి చేసుకుని ఈ చిత్రాన్ని నవంబర్ 14న ప్రపంచ వ్యాప్తంగా రిలీజ్ చేయబోతున్నారు. ఈ నేపథ్యంలోనే సినిమా ప్రమోషన్లతో మూవీ యూనిట్ ఫుల్ బిజీ బిజీగా ఉంది. ఇందులో భాగంగానే చిత్రబృందం ముంబైని చుట్టేసింది. అలాగే తెలుగు ఆడియన్స్‌కు సుపరిచితులైన సూర్య సైతం పలు షోలకు హాజరవుతున్నాడు. 

Also read: లెబనాన్‌ పై విరుచుకుపడిన ఇజ్రాయెల్‌...కూలిన భారీ భవనాలు!

ఊహించని సమస్య

ఇక అంతా అనుకున్నట్లే సాగుతుంది అనుకుంటున్న సమయంలో ఊహించని సమస్య తలెత్తింది. ఈ మూవీ నిర్మాత అయిన జ్ఞానవేల్ రాజా పై మద్రాస్ హైకోర్టులో కేసు నమోదు అయినట్లు తెలుస్తోంది. ప్రముఖ నిర్మాణ సంస్థ రిలయన్స్ ఎంటర్‌టైన్‌మెంట్ తమ వద్ద నుంచి జ్ఞానవేల్ రాజా రూ.99.22 కోట్లు అప్పు తీసుకున్నాడని తెలిపింది.

Also Read: తిరుపతిలో దారుణం...మూడున్నరేళ్ల చిన్నారి పై అత్యాచారం..ఆపై చంపి..!

డబ్బు చెల్లించిన తర్వాతే ‘కంగువ’ రిలీజ్

కొంత వరకు చెల్లించాడని.. మిగతా రూ.45 కోట్లు ఇంకా చెల్లించాల్సి ఉందని పేర్కొంది. ఆ మిగతా అమౌంట్‌ను చెల్లించిన తర్వాతనే ‘కంగువ’ మూవీని రిలీజ్ చేసుకోవాలని ఆదేశించాల్సిందిగా హైకోర్టుకు విజ్ఞప్తి చేసింది. ఈ కేసుపై మద్రాస్ హైకోర్టు నవంబర్ 7న వాదనలు వినేందుకు అంగీకరించింది. మరి ఈ సమస్య ‘కంగువ’ రిలీజ్‌పై ఎంతమేర పడుతుందో చూడాలి.