Suryapeta: కోదాడ వద్ద ఘోర రోడ్డు ప్రమాదం...30 మంది!

Hyderabad -Vijayawada: కోదాడ-విజయవాడ హైవే పై ఘోర రోడ్డు ప్రమాదం జరిగింది. ఈ ప్రమాదంలో 30 మంది ప్రయాణికులకు తీవ్రగాయాల పాలవ్వగా...నలుగురి పరిస్థితి అత్యంత విషమంగా ఉంది. ఈ దారుణ ఘటన  సూర్యాపేట జిల్లా  కోదాడ  జాతీయ రహదారిపై కట్టకొమ్ముగూడెం వద్ద శనివారం తెల్లవారుజామున చోటుచేసుకుంది. 

Also Read: తిరుపతిలో దారుణం...మూడున్నరేళ్ల చిన్నారి పై అత్యాచారం..ఆపై చంపి..!

పోలీసులు తెలిపిన వివరాల ప్రకారం..హైదరాబాద్ నుంచి ఓ ప్రైవేట్ ట్రావెల్స్ బస్సు విజయవాడ వైపు వెళ్తుంది. ఈ క్రమంలోనే కోదాడ  సమీపంలోకి వచ్చిన తరువాత డ్రైవర్ విశ్రాంతి కోసం బస్సును రోడ్డు పక్కకు నిలిపాడు. అదే సమయంలో వెనుక నుంచి అతివేగంగా వచ్చిన టీఎస్ ఆర్టీసీ బస్సు , ప్రైవేటు ట్రావెల్స్  బస్సును బలంగా ఢీకొట్టింది. 

Also Read:  మరో మూడు రోజులు జోరు వానలు..ఐఎండీ వార్నింగ్‌!

ఈ ప్రమాదంలో 30 మందికి తీవ్ర గాయాలయ్యాయి. మరో నలుగురి పరిస్థితి విషమంగా ఉన్నట్లుగా సమాచారం. స్థానికుల సమాచారం మేరకు ఘటనా స్థలానికి చేరుకున్న పోలీసులు ప్రమాదం జరిగిన ప్రాంతాన్ని పరిశీలించారు. అనంతరం గాయపడిన వారిని చికిత్స కోసం సమీప ఆసుపత్రికి తీసుకుని వెళ్లారు. కేసు నమోదు చేసుకుని దర్యాప్తు చేపట్టినట్లు పోలీసులు తెలిపారు.

Also Read:  ఖర్గే వ్యాఖ్యలపై ప్రధాని మోదీ వరుస ట్వీట్లు..బూటకపు హామీలంటూ ఆగ్రహం

Also Read:  సమీపిస్తున్న మహారాష్ట్ర అసెంబ్లీ ఎన్నికలు.. ఎంతమంది బరిలో ఉన్నారంటే