Central Govt Debt: ఈ ఏడాదిలో రూ.185 లక్షల కోట్లకు దేశ అప్పు: కేంద్రం

ప్రస్తుత ఆర్థిక సంవత్సరంలో కేంద్ర ప్రభుత్వ అప్పు.. విదేశీ రుణాలతో కలుపుకొని రూ.185 లక్షల కోట్లకు చేరుతుందని కేంద్రం అంచనా వేసింది. ఇది దేశ జీడీపీలో 56.8 శాతానికి సమానమని తెలిపింది. ఈ విషయాన్ని కేంద్ర ఆర్థిక సహాయ మంత్రి పంకజ్‌ చౌధరి వెల్లడించారు. 2024 మార్చి చివరి నాటికి కేంద్రం అప్పు రూ.171.78 లక్షల కోట్లుగా ఉందని పంకజ్‌ చౌధరి పేర్కొన్నారు. జీడీపీలో ఈ మొత్తం 58.2 శాతానికి సమానమని తెలిపారు. లోక్‌సభలో ఓ సభ్యుడు అడిగిన ప్రశ్నకు ఆయన లిఖిత పూర్వక సమాధానం ఇచ్చారు.

Also read: కళ తప్పుతున్న భారీ అంబేద్కర్ విగ్రహం, అమరవీరుల స్మారకం.. నో ఎంట్రీ ఎన్నాళ్లు?

అంతర్జాతీయ ద్రవ్యనిధి సంస్థ వరల్డ్‌ ఔట్‌ లుక్‌ ప్రకారం చూసుకుంటే.. 2024 ఏప్రిల్ నాటికి స్థిర ధరల వద్ద దేశ జీడీపీ 3.57 ట్రిలియన్ డాలర్లు దాటినట్లు పేర్కొన్నారు. అలాగే ఏపీ పునర్‌వ్యవస్థీకరణ చట్టం,2014 ప్రకారం వెనుబడిన ఏడు జిల్లాలకు రూ.2100 కోట్లు సాయం అందించాలని నీతి ఆయోగ్ సూచించినట్లు పంకజ్‌ చౌధరి మరో ప్రశ్నకు బదులిచ్చారు. ఇందులో ఒక్కో జిల్లాకు రూ.300 కోట్లు కేటాయించాలని ప్రతిపాదించినట్లు తెలిపారు. అయితే ఇప్పటిదాకా ఏపీలో వెనకబడిన జిల్లాలకు రూ.1750 కోట్లు కేటాయించినట్లు పేర్కొన్నారు. ప్రత్యేక సాయం కింద పలు రాష్ట్రాలకు ఈ తరహాలో గ్రాంట్‌ ఇన్‌ ఎయిడ్‌లను బడ్జెట్‌లో అందజేస్తుందని స్పష్టం చేశారు.

Also Read: మోదీ ప్రభుత్వం మధ్య తరగతి ప్రజలకు వెన్నుపోటు పొడిచింది: రాహుల్