Stock Market: స్టాక్ మార్కెట్ ఇన్వెస్టర్లకు గుడ్ న్యూస్..బోనస్ షేర్లు ఇవ్వడానికి సిద్ధమవుతున్న కంపెనీలు

సోమవారం నుంచి బాంబే స్టాక్ ఎక్స్ఛేంజ్ లో కాసుల వర్షం కురవబోతోంది. దీనికి కారణం నలభైకు పైగా కంపెనీలు స్టాక్ స్ప్లిట్, బోనస్ షేర్ల ద్వారా తమ పెట్టుబడి దారులకు బహుమతులు ఇవ్వబోతున్నాయి. ఈ కంపెనీలన్నీ డివిడెండ్లను పంపిణీ చేయనున్నాయి.  ఇందులో హెచ్డీఎఫ్ సీ, క్రెటో సిస్కోతో సహా అనేక కంపెనీలు ఈ బోనస్ షేర్లను ఇవ్వబోతున్నాయి. దేశంలోని అతిపెద్ద ప్రైవేట్ బ్యాంక్ హెచ్ఎఫ్డీసీ 1:1 బోనస్ ఇవ్వనున్నట్టు తెలుస్తోంది. ఆగస్టు 26, 27 తేదీల్లో వీటిని ఇవ్వనున్నట్టు ప్రకటించింది. దీనితో పాటు, DMR హైడ్రో ఇంజనీరింగ్ ఇన్ఫ్రాస్ట్రక్చర్ లిమిటెడ్ 8:5 నిష్పత్తిలో బోనస్ షేర్లను కూడా జారీ చేయనుంది. అదే సమయంలో క్రెటో సిస్కాన్ లిమిటెడ్ బోనస్ వాటా 2:25 నిష్పత్తిలో ఉండనుంది. 

50కి పైగా కంపెనీలు డివిడెండ్లు..

మొత్తానికి 50కు పైగా కంపెనీలు వచ్చే వారం డివిడెండ్లు పంపిణీ చేయనున్నాయి. వీటిలో తంబోలి ఇండస్ట్రీస్ లిమిటెడ్, రూపా & కంపెనీ లిమిటెడ్, రెప్కో హోమ్ ఫైనాన్స్ లిమిటెడ్, నితిన్ కాస్టింగ్స్ లిమిటెడ్, కామా హోల్డింగ్స్ వంటి కంపెనీలు ఉన్నాయి. వీటితో పాటూ వర్ల్‌పూల్ ఆఫ్ ఇండియా, ఇంజనీర్స్ ఇండియా, NBCC, ప్రాక్టర్ & గ్యాంబుల్, జిలెట్ ఇండియా కూడా బోనస్ షేర్లు ఇవ్వనున్నాయి.  దీనిలో పెట్టుబడి దారులు అతి ముఖ్యంగా గుర్తుచుకోవలసిన విషయం ఏంటంటే..ప్రాక్టర్ & గాంబుల్ రూ.65 డివిడెండ్ ప్రకటించగా, మరోవైపు జిల్లెట్ ఇండియా తన పెట్టుబడిదారులకు ఒక్కో షేరుకు రూ.47 డివిడెండ్ ఇస్తోంది. దీంతో వచ్చే వారం అంతా స్టాక్ మార్కెట్ పెట్టుబడిదారులకు పండుగలా మారనుంది. వినాయకచవితి సంబరాలు చేసుకోనున్నారు. 

Also Read: America-Pakistan: అమెరికా-బిన్ లాడెన్- పాక్..గతం మర్చిపోయారు...జైశంకర్ కీలక వ్యాఖ్యలు