Stock Market: పాకిస్తాన్ స్టాక్ మార్కెట్ క్లోజ్..నష్టాల్లో భారత సూచీలు

భారత్‌- పాక్ యద్ధం నేపథ్యంలో..పాకిస్తాన్ స్టాక్ ఎక్సెంజ్‌ మూసేసింది. ప్రస్తుత ఉద్రిక్త పరిస్థితుల్లో స్టాక్ మార్కెట్ ను కొనసాగించలేమని చెప్పింది. మళ్ళీ కొన్ని రోజుల్లో కలుస్తామని అంది. కాశ్మీర్ లో ఉగ్రదాడి, దానికి నిరసనగా భారత్ చేపట్టిన చర్యలు పాకిస్తాన్ ను చాలా బలంగానే దెబ్బ కొడుతున్నాయి.  వరుసగా 2 రోజుల నుంచి పాక్ స్టాక్ మార్కెట్లు నష్టాల్లో మునిగి తేలుతున్నాయి. అసలే ఆర్థికంగా బాగా చితికిపోయి ఉన్న దాయాదికి ఇది పుండు మీద కారం జల్లినట్టయింది. భారత్ ఇచ్చిన షాక్ కు పాక్ విలవిల కొట్టుకుంటోంది. ఏం చేయాలో తెలియక ఏకంగా స్టాక్ ఎక్స్చేంజ్ నే మూసేసుకుంది. 

భారత్ లోనూ నష్టాలు..

నిన్నటి వరకు బాగానే ఉన్న భారత స్టాక్ మార్కెట్ ఈరోజు మాత్రం నేల చూపులు చూస్తోంది. అంతర్జాతీయ మార్కెట్ల నుంచి సానుకూల ఫలితాలు ఉన్నప్పటికీ దేశీయంగా కొనుగోళ్లు ఎక్కువగా అవుతున్నాయి. దీంతో సెన్సెక్స్ 1000 పాయింట్లు (1.26%) తగ్గి 78,950 స్థాయిలో ట్రేడవుతోంది. నిఫ్టీ కూడా దాదాపు 350 పాయింట్లు (1.44%) తగ్గి 23,900 స్థాయిలో ట్రేడవుతోంది. 30 సెన్సెక్స్ స్టాక్‌లలో 28 స్టాక్‌లు నష్టాల్లో ఉన్నాయి. యాక్సిస్ బ్యాంక్, అదానీ పోర్ట్స్, బజాజ్ ఫైనాన్స్ 4.50% వరకు క్షీణించాయి. ఎన్టీపీసీ, పవర్ గ్రిడ్, జొమాటో షేర్లు 3% తగ్గాయి. టీసీఎస్, ఇన్ఫోసిస్, ఐసీఐసీఐ బ్యాంక్ షేర్లు కాస్త పర్వాలేదనిపిస్తున్నాయి. ఇక నిఫ్టీలోని 50 స్టాక్స్‌లో 48 స్టాక్‌లు నష్టాల్లో ఉన్నాయి. NSE మీడియా రంగం 3.46%, ప్రభుత్వ బ్యాంకింగ్ 2.96%, ఫార్మా 2.55%, మెటల్ 2.44% మరియు ఆటో 2.00% క్షీణించాయి. ఐటీ స్టాక్స్‌లో స్వల్ప పెరుగుదల ఉంది. నిన్నటి వరకు బాగానే ఉన్న దేశీ మార్కెట్ ఈరోజు పడిపోవడానికి కారణం భారత్, పాకిస్తాన్ ల మధ్య ఉద్రిక్త పరిస్థితులే అంటున్నారు నిపుణులు. 

 today-latest-news-in-telugu | stock-market | india 

Also Read: పహల్గామ్ ఉగ్రదాడిలో హమాస్ హస్తం..ఇజ్రాయెల్ రాయబారి రూవెన్ అజార్