APSRTC బంపరాఫర్.. ఏకంగా 25 శాతం డిస్కౌంట్!

ఏపీఎస్‌ఆర్టీసీ గుడ్‌ న్యూస్‌ చెప్పింది. బస్సుల్లో ప్రయాణించే సీనియర్‌ సిటిజన్లకు 25 శాతం రాయితీ ఇవ్వనున్నట్లు ప్రకటించింది. 60 ఏళ్లు పైబడిన వారు రేషన్‌, ఆధార్‌, పాన్‌ కార్డ్‌, ఓటర్‌ ఐడీ, పాస్‌పోర్ట్‌, సీనియర్‌ సిటిజన్‌ ఐడీలు చూపించి ఈ ఆఫర్ పొందొచ్చు.

By Vijaya Nimma 15 Nov 2024 in ఆంధ్రప్రదేశ్ విజయవాడ

New Update

AP News: ప్రయాణికులను ఆకట్టుకోవడమే లక్ష్యంగా ఏపీఎస్ ఆర్టీసీ అనేక కొత్త కొత్త ఆఫర్లను తీసుకువస్తోంది. తాజాగా మరో కొత్త ఆఫర్ ను తీసుకువచ్చింది ఆ సంస్థ. ఈ ఆఫర్ తో సీనియర్ సీనియర్ సిటిజెన్లకు అదిరిపోయే గుడ్ న్యూస్ చెప్పింది. ఏపీఎస్ఆర్టీసీలో ప్రయాణించే సీనియర్ సిటిజన్స్‌కి 25శాతం రాయితీ ఇవ్వబోతున్నట్లు ప్రకటించింది. ఈ మేరకు సంస్థ అధికారికంగా ప్రకటన విడుదల చేసింది. ఇందుకు సంబంధించిన పూర్తి వివరాలు ఇలా ఉన్నాయి.

Also Read: AP: విశాఖలో రెచ్చిపోయిన ప్రేమోన్మాది..జమ్మూ నుంచి వచ్చి మరి యువతిని..!

60 ఏళ్లు పైబడిన వారందరికీ...

ఏ రాష్ట్రానికి చెందిన సీనియర్ సిటిజన్స్ కు అయినా ఈ ఆఫర్ వస్తుందని ఆర్టీసీ ప్రకటనలో పేర్కొంది. 60 ఏళ్లు పైబడిన వారందరికీ కూడా ఈ రాయితీ వస్తిస్తుందని స్పష్టం చేసింది. అయితే.. ఈ ఆఫర్ ను పొందేందుకు ఆరు రకాల గుర్తింపు కార్డులను చూపించాల్సి ఉంటుంది. ఆధార్ కార్డు, సీనియర్ సిటిజన్ ఐడీ కార్డు, ఓటర్ కార్డు, రేషన్ కార్డ్, పాప్‌పోర్ట్‌, పాన్ కార్డ్ ఇలా ఏదో ఒకటి చూపించి రాయితీని పొందవచ్చని ఆర్టీసీ తెలిపింది. ఈ కార్డులను కేవలం ఫిజికల్‌గా మాత్రమే కాకుండా డిజిటల్ రూపంలో చూపించవచ్చని వెల్లడించింది.

- ఇకపై 60 సంవత్సరాల వయసు పై బడిన భారతదేశంలో ఏ రాష్ట్రం వారికైనా అన్ని APSRTC బస్సులలో 25% రాయితీ పొందవచ్చును.
- వయసు ధృవీకరణ కొరకు ఆధార్ కార్డు, పాన్ కార్డు, ఓటర్ గుర్తింపు కార్డు, రేషన్ కార్డు, పాస్ పోర్టు, గుర్తింపు కార్డు లలో ఏదో ఒక కార్డును టికెట్ తీసుకునే సమయంలో చూపించవలెను pic.twitter.com/e9X1zGE7mx
— APSRTC (@apsrtc) November 15, 2024

Also Read: AP Rains: అల్పపీడనం ప్రభావం.. ఏపీలో ఈ జిల్లాల్లో భారీ వర్షాలు!

ఈ మేరకు అన్ని ఆర్టీసీ డిపోలకు కూడా ఆదేశాలు ఇచ్చారు అధికారులు. ఎంత దూరం ప్రయాణించినా 25శాతం వరకు రాయితీ పొందవచ్చని తెలిపారు. ఈ ఆరు కార్డుల్ని రాయితీ కోసం అనుమతించాలని ఉత్తర్వుల్లో పేర్కొన్నారు. ఏపీలో సీనియర్ సిటిజన్లు ఈ రాయితీ అవకాశాన్ని వినియోగించుకోవాలని ఆర్టీసీ అధికారులు సూచిస్తున్నారు. మరోవైపు కార్తీక మాసం సందర్భంగా పంచారామక్షేత్రాలు, శ్రీశైలంకు స్పెషల్ బస్సులను ఏపీఎస్‌ఆర్టీసీ నడుపుతోంది. రాష్ట్రవ్యాప్తంగా అన్ని డిపోలో నుంచి బస్సులు అందుబాటులో ఉంటాయని ఆర్టీసీ అధికారులు చెబుతున్నారు.

Also Read: కార్తీక పౌర్ణమి రోజు ఇవి దానం చేస్తే లక్ష్మీ కటాక్షం