AP Train: తండ్రీకొడుకులను చంపేసిన ట్రైన్.. ఏపీలో పెను విషాదం!

దాంపత్య జీవితంలో భార్యాభర్తల మధ్య గొడవలు సహజం. ప్రేమ, అన్యోన్యత ఎంత ముఖ్యమో, అపార్థాలు, అలకలు కూడా అంతే భాగం. చిన్న చిన్న వాదనల నుంచి పెద్ద విభేదాల వరకు.. ప్రతి జంట ఏదో ఒక దశలో ఇలాంటి పరిస్థితులను ఎదుర్కొంటుంది. కొన్నిసార్లు ఈ గొడవలు బంధాన్ని మరింత బలోపేతం చేస్తే.. మరికొన్నిసార్లు దూరం పెంచుతాయి. అయితే ఈ గొడవలకు కారణాలు ఏమిటి..? వాటిని ఎలా పరిష్కరించుకోవాలి..? అనేది తెలుసుకోవడం ద్వారా ఆరోగ్యకరమైన వైవాహిక జీవితాన్ని సాగించవచ్చు. ఈ సమస్యలను అర్థం చేసుకునే ప్రయత్నం చేయాలి. అయితే తాజాగా ఏపీలో భార్యభర్తల మధ్య గొడవ రెండు ప్రాణాలని బలి తీసుకుంది.  కాకినాడ జిల్లా తునిలో జరిగిన ఒక విషాద సంఘటనలో రైలు ఢీకొని తండ్రీకొడుకులు దుర్మరణం పాలయ్యారు. మృతులను గుంటూరు జిల్లాకు చెందిన అనిల్ (30), అతని కుమారుడు అర్జున్ (5)గా పోలీసులు గుర్తించారు. భార్యతో గొడవపడి ఇంటి నుంచి వెళ్ళిపోయిన అనిల్, రైలు పట్టాలపై నడుచుకుంటూ వెళ్తుండగా ఈ ప్రమాదం జరిగింది. ఈ ఘటన స్థానికంగా తీవ్ర విషాదాన్ని నింపింది. 

గుర్తు తెలియని రైలు ఢీకొని..

పోలీసులు తెలిపిన వివరాల ప్రకారం.. పదేళ్ల క్రితం పాయకరావుపేటకు చెందిన ఒక అమ్మాయిని అనిల్ వివాహం చేసుకున్నాడు. వారికి ఒక కొడుకు, ఒక కూతురు ఉన్నారు. వీరంతా పాయకరావుపేటలో నివాసం ఉంటున్నారు. మూడు రోజుల క్రితం అనిల్‌కు తన భార్యతో గొడవ జరిగింది. దీంతో అతను తన కొడుకుతో కలిసి ఇంటి నుంచి బయటకు వచ్చేశాడు. గుంటూరులో ఉన్న తమ బంధువుల దగ్గరకు వెళ్లాలని నిర్ణయించుకున్న అనిల్ పాయకరావుపేటలోని నాగరాజు గేటు వద్ద ఉన్న రైలు పట్టాలపై నడుచుకుంటూ తుని వైపు వెళ్తున్నాడు. ఈ క్రమంలో వెనుక నుంచి వచ్చిన గుర్తు తెలియని రైలు వారిని ఢీకొంది. ఈ ప్రమాదంలో తండ్రీ కొడుకులిద్దరూ అక్కడికక్కడే మృతి చెందారు.

ఇది కూడా చదవండి: మరోసారి ఉత్తరాఖండ్‌లో భారీ క్లౌడ్ బరస్ట్.. శిథిలాల కింద వందలాది కుటుంబాలు?

ప్రమాదం జరిగిన రెండు రోజుల తర్వాత తాండవ బ్రిడ్జి వద్ద ఒక చిన్నారి మృతదేహం లభ్యమైంది. అది తన కుమారుడిదేనని అనిల్ భార్య గుర్తించింది. అయితే తన భర్త ఆచూకీ లభ్యం కాకపోవడంతో ఆమె పోలీసులకు ఫిర్యాదు చేసింది. పోలీసులు గాలింపు చర్యలు చేపట్టగా.. నిన్న తాండవ నదిలో అనిల్ మృతదేహం లభించింది. అనిల్ అతని కుమారుడి మృతితో కుటుంబ సభ్యులు తీవ్ర దుఃఖంలో మునిగిపోయారు. ఈ ఘటన రైలు పట్టాల వెంట నడిచేవారు అప్రమత్తంగా ఉండాలని పోలీసులు సూచిస్తున్నారు. తండ్రీకొడుకుల మృతి ఘటనపై రైల్వే పోలీసులు కేసు నమోదు చేసి దర్యాప్తు చేస్తున్నారు.

ఇది కూడా చదవండి: సాఫ్ట్‌వేర్ అంటూ మోసం చేసిన పానీపూరీ భర్త.. గర్భవతి అని చూడకుండా దారుణంగా ఏం చేశాడంటే?