BIG BREAKING: ఫైళ్ల దగ్ధం కేసులో బిగ్ ట్విస్ట్.. కీలక వ్యక్తి అరెస్ట్!

జులై 21న అన్నమయ్య జిల్లా మదనపల్లె సబ్‌కలెక్టర్‌ కార్యాలయంలో భారీ అగ్ని ప్రమాదం జరిగింది. ఈ అగ్ని ప్రమాదంలో పలు ఫైళ్లు దగ్ధం అయ్యాయి. అయితే దీని వెనుక కుట్ర కోణం ఉన్నట్లు పోలీసులు కేసు నమోదు చేశారు. అదే క్రమంలో ఈ అగ్ని ప్రమాదం జరగడానికి ముందు అక్కడ పని చేసిన ఉద్యోగులను పోలీసులు విచారించారు. ఆర్డీవో, ఇతర అధికారులను దాదాపు వారం రోజుల పాటు పోలీసులు విచారించారు. ఇందులో ప్రాథమిక ఆధారాలు దొరకడంతో ఈ కేసును సీఐడీకి బదిలీ చేశారు.

ఇది కూడా చూడండి: మాజీ ప్రధాని అస్థికల నిమజ్జనం.. ఎక్కడ చేశారంటే?

అప్పట్లో ఈ ఫైళ్ల దగ్ధంపై ఏపీ ప్రభుత్వం చర్యలు చేపట్టింది. ఈ కేసులో భాగంగా మదనపల్లె ఒకటో పట్టణ సీఐ వలిబసును వీఆర్‌కు పంపుతూ ఆదేశాలు జారీ అయ్యాయి. ఈ కేసుపై సీఐ వలిబసు సరిగా విధులు నిర్వహించలేదని అధికారులు గుర్తించారు. అనంతరం అధికారులు సీఐ వలిబసుపై చర్యలు తీసుకున్నారు. దాంతో సీఐ వలిబసును వీఆర్‌కు పంపుతూ జులై 24న ఆదేశాలు జారీ చేశారు. ఇప్పుడు ఈ కేసులో కీలక పరిణామం చోటు చేసుకుంది. జూనియర్ అసిస్టెంట్ గౌతమ్‌ను పోలీసులు అరెస్టు చేశారు.