YS Sharmila : ఏపీ పీసీసీ చీఫ్ వైఎస్ షర్మిల పదవీ బాధ్యతల స్వీకరణ షెడ్యూల్ ఇదే.!

APCC Chief YS Sharmila : విజయవాడ(Vijayawada) లో ఏపీ పీసీసీ చీఫ్ గా వైఎస్ షర్మిలా రెడ్డి(YS Sharmila Reddy) ఈ నెల 21న పదవీ బాధ్యతలు స్వీకరించనున్నారు. 20న హైదరాబాద్(Hyderabad) నుంచి ప్రత్యేక విమానంలో మధ్యాహ్నం 2 గంటలకు షర్మిల ఇడుపుల పాయకు వెళ్లనున్నారు. సాయంత్రం 4 గంటలకు వైఎస్సార్ ఘాట్(YSR Ghat) వద్ద చేరుకొని తండ్రి వైఎస్ రాజశేఖర్ రెడ్డికి నివాళులర్పించనున్నారు. 21న కడప(Kadapa) నుంచి ప్రత్యేక విమానంలో విజయవాడ గన్నవరం విమానాశ్రయానికి పయనం అవుతారు. విజయవాడలో ఉదయం 11 గంటలకు పీసీసీ చీఫ్ గా పదవీ బాధ్యతలు చేపట్టనున్నారు.

Also Read: నిశ్చితార్థానికి వచ్చిన జగన్.. లైట్ తీసుకున్న షర్మిల

పీసీసీ చీఫ్ పదవితో ఏపీ(AP) లో యాక్టివ్ అవుతున్నారు వైఎస్ షర్మిల. భవిష్యత్ కార్యాచరణకు కడప నుంచే శ్రీకారం చుట్టనున్నట్లు తెలుస్తోంది. దీంతో, రానున్న రోజుల్లో కడప రాజకీయాల్లో కీలక మార్పులు చోటుచేసుకునే పరిస్థితులు కనిపిస్తున్నాయి. ముందుగానే సీనియర్ నేతల మద్దతు కూడగట్టే ప్రయత్నం చేస్తున్నారు. వైఎస్ మరణాంతరం రాజకీయాలకు దూరంగా ఉన్న నేతలతో ఫోన్ లో మంతనాలు జరుపుతున్నట్లు తెలుస్తోంది.

Also Read: వీడిన వికారాబాద్ మర్డర్ మిస్టరీ..వెలుగులోకి సంచలన విషయాలు

కడప జిల్లాలో సైలెంట్ గా ఉన్న నేతలను పార్టీలోకి ఆహ్వానించే దిశగా అడుగులు వేస్తున్నారు. సీనియర్ల సహకారం, సూచనలు ఎంతో అవసరమని భావిస్తున్నారు షర్మిల. వైఎస్ వారసురాలిగా రాజకీయాల్లో సహకారం అందిస్తామని సీనియర్ నేతలు భరోసా ఇచ్చినట్లుగా కూడా ప్రచారం జరుగుతోంది. అధ్యక్ష బాధ్యతలు స్వీకరించాక నేరుగా కలిసి మద్దతు కోరే అవకాశం ఉన్నట్లు తెలుస్తోంది.