AP Elections : చంద్రబాబు, పవన్‌ కళ్యాణ్‌పై ఈసీకి వైసీపీ ఫిర్యాదు

YSRCP : టీడీపీ అధినేత చంద్రబాబు(Chandrababu), జనసేన చీఫ్ పవన్ కళ్యాణ్(Pawan Kalyan) పై ఎన్నికల సంఘానికి(Election Commission) వైసీపీ ఫిర్యాదు చేసింది. ఎన్నికల కోడ్‌ ఉల్లంఘించేలా సీఎం జగన్‌పై అనుచిత వ్యాఖ్యలు చేస్తున్నారని ఫిర్యాదులో పేర్కొంది. గతంలో కూడా ఇదే అంశంపై చంద్రబాబు, పవన్ కు ఈసీ నోటీసులు జారీ చేసిన విషయం తెలిసిందే.

చంద్రబాబు పై ఈసీ సీరియస్..

బహిరంగ సభల్లో సీఎం జగన్(CM Jagan) పై అనుచిత వ్యాఖ్యలు చేశారని 18 సార్లు సీఈఓకి వైసీపీ ఫిర్యాదు చేసింది. దీనిపై వివరణ ఇవ్వాలంటూ చంద్రబాబుకు పలుమార్లు నోటీసులు జారీ చేశారు సీఈవో ముఖేష్ కుమార్ మీనా. కొన్ని నోటీసులకు మాత్రమే చంద్రబాబు సమాధానం ఇచ్చినట్లు తెలుస్తోంది. మరి కొన్ని నోటీసులకు చంద్రబాబు స్పందించలేదు.