Heltha Tips: PCOSను నిర్లక్ష్యం చేస్తే ఏం జరుగుతుంది?..లక్షణాలేంటి?

Heltha Tips:పాలిసిస్టిక్ ఓవరీ సిండ్రోమ్ (PCOS) అనేది స్త్రీల శరీరంలోని అండాశయాలకు సంబంధించిన తీవ్రమైన వ్యాధి. PCOS కారణంగా స్త్రీల శరీరంలో హార్మోన్ల సమతుల్యత దెబ్బతింటుంది. దీని వలన గర్భం దాల్చడం కష్టమవుతుంది. సాధారణంగా ఇది చెడు జీవనశైలికి సంబంధించిన వ్యాధి అయినా దాని వెనుక అనేక ఇతర కారణాలు ఉండవచ్చని నిపుణులు అంటున్నారు.

PCOSను ఎలా గుర్తించాలి..?

చాలామంది స్త్రీలకు PCOS ఉందో లేదో తెలియదు. కొంతమంది మహిళలు PCOS, PCOD పేర్ల మధ్య గందరగోళానికి గురవుతారు. కానీ రెండింటికీ తేడా లేదు. PCOS అనేది హార్మోన్ల అసమతుల్యతకు దారితీసే అండాశయ సమస్య. PCOS వస్తే స్త్రీల శరీరంలో ఆడ హార్మోన్‌కు బదులుగా మగ హార్మోన్ ఆండ్రోజెన్ స్థాయిలు పెరగడం ప్రారంభమవుతుంది. PCOS వస్తే అండాశయాలపై గడ్డలు లేదా తిత్తులు ఏర్పడటం ప్రారంభమవుతుంది. ఈ గడ్డలు ద్రవంతో నిండి ఉంటాయి. కాలక్రమేణా, ఈ గడ్డలు పెద్దవి కావడం ప్రారంభిస్తాయి. అంతేకాకుండా అండోత్సర్గము ప్రక్రియను అడ్డుకుంటుంది. ఈ స్థితిలో మహిళలు గర్భం దాల్చడం కష్టంగా మారుతుంది. దీనిని నయం చేయడం కష్టమే కానీ PCOS లక్షణాలను ఆరోగ్యకరమైన జీవనశైలి, ఆహారంతో నియంత్రించవచ్చు.

పరీక్షలు అవసరం:

PCOS నిర్ధారించడానికి ముందుగా PCOS కొన్ని సాధారణ లక్షణాలను తెలుసుకోవాలి. అప్పుడు వైద్యుడిని సంప్రదించి అవసరమైన పరీక్షలు చేయించుకోవాలి. అలాగే జీవనశైలిని మార్చుకోవాలి.

PCOS లక్షణాలు:

PCOS ఉన్నట్లయితే క్రమరహిత పీరియడ్స్‌తో సమస్యలు ఉండవచ్చు. ఋతుస్రావం సమయంలో సాధారణం కంటే ఎక్కువ రక్తస్రావం జరుగుతుంది. బరువు వేగంగా పెరగడం ప్రారంభిస్తే అది PCOS లక్షణం కావచ్చని నిపుణులు అంటున్నారు. అలాగే చర్మంపై విపరీతమైన మొటిమలు కూడా PCOS లక్షణం. నిద్రలేమి, తలనొప్పి వంటి లక్షణాలు ఉండవచ్చు. PCOS ఉంటే మానసిక కల్లోలం, అధిక కోపం లేదా చిరాకు ఉంటుందని చెబుతున్నారు.

ఇది కూడా చదవండి: ఖాళీ కడుపుతో ఆపిల్ సైడర్ వెనిగర్ తీసుకుంటే మంచిదేనా?

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.