Children Vomiting Tips: ప్రయాణంలో పిల్లలు వాంతులు చేసుకుండా చేసే చిట్కాలు

Tips To Stop Children Vomiting's: చాలా మంది పిల్లలు ప్రయాణాలంటే ఎక్కువ ఇష్టం చూపుతారు. కానీ ప్రయాణం ప్రారంభించిన తర్వాత కొద్దిసేపటికే వికారం ఏర్పడుతుంది. తల నొప్పిగా ఉంటుంది. కొందరికి వాంతులు ఎక్కువగా అవుతుంటాయి. అందుకే వారితో ప్రయాణం చేయాలంటే తల్లిదండ్రులు కూడా భయపడతారు. వైద్య పరిభాషలో దీనిని మోషన్ సిక్‌నెస్ అంటారు. మోషన్ సిక్‌నెస్ అనేది కార్లు, బస్సులు, విమానాలు, ట్రక్కులు మొదలైన వాటిలో ప్రయాణిస్తున్నప్పుడు వాంతులు లేదా వికారం వచ్చే సమస్య.

వైద్యులు ఏమంటున్నారు?

ఆహారంలో మార్పులు, వాతావరణం కారణంగా పిల్లలు వాంతులు చేసుకుంటారు. పదే పదే వాంతులు చేసుకోవడం వల్ల పిల్లల ఆరోగ్యం పాడవుతుందని వైద్యులు అంటున్నారు. చెవులు, కళ్ళు, కీళ్ళు, కండరాలలోని నరాల కదలికల వల్ల ఈ సమస్య వస్తుందని చెబుతున్నారు. పెద్దల కంటే పిల్లలు మోషన్ సిక్‌నెస్‌కు గురయ్యే అవకాశం ఎక్కువగా ఉంటుందని అంటున్నారు.

వాంతులు కాకుండా తీసుకోవాల్సిన జాగ్రత్తలు:

1. దూరప్రయాణం ఉంటే ముందుగా పిల్లలకు అతిగా తినిపించకండి. ప్రయాణానికి ముందు పిల్లలకు తేలికపాటి భోజనం పెట్టాలి.

2. ప్రయాణానికి ముందు, ప్రయాణ సమయంలో భారీ, జిడ్డుగల ఆహారాన్ని ఇవ్వకూడదు.

3. పిల్లలు కారులో నిద్రపోతే మోషన్‌సిక్ నెస్ ఏర్పడదు.

4. ప్రయాణంలో పిల్లలను కిటికీ దగ్గర కూర్చోబెట్టండి. ఇలా చేయడం వల్ల వాంతులు రావని వైద్యులు అంటున్నారు.

5. ప్రయాణం చేసేప్పుడు పిల్లలతో మాట్లాడుతూ ఉండాలి. ఇలా చేయడం వల్ల వికారంగా అనిపించదు.

6. ప్రతి కొన్ని కిలోమీటర్లకు ఆగి స్వచ్ఛమైన గాలి అందించాలి.

ఇది కూడా చదవండి: అమ్మాయిలూ ఈ బ్యూటీ హ్యాక్స్ అప్లై చేయండి.. నిగనిగలాడే చర్మం మీ సొంతం!

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.