సీనియర్ సిటిజన్స్ కు ఫ్రీగా కాశీ టూర్.. ప్రతీ రైతుకు ఆవు.. బీజేపీ మేనిఫెస్టో ఇదే?

BJP Manifesto: తెలంగాణ ఎన్నికల సమయం దగ్గర పడుతున్న కొద్దీ అన్ని పార్టీలు తమ మేనిఫెస్టో విడుదల చేస్తున్నాయి. ఇప్పటికే బీఆర్ఎస్ తన మేనిఫెస్టోను విడుదల చేయగా.. ఈరోజు మల్లిఖార్జున ఖర్గే తెలంగాణ కాంగ్రెస్ మేనిఫెస్టోను ప్రకటించిన విషయం తెలిసిందే. ఈ నేపథ్యంలో బీజేపీ ఎలాంటి మేనిఫెస్టోతో తెలంగాణ ప్రజలను తమ వైపు తిప్పుకుంటుందనే దానిపై ఉత్కంఠ నెలకొంది. రేపు తెలంగాణలో కేంద్ర హోం మంత్రి అమిత్ షా పర్యటించనున్నారు. ఈ పర్యటనలో బీజేపీ మ్యానిఫెస్టోను ఆయన ప్రకటించనున్నారు. అయితే.. బీజేపీ మేనిఫెస్టోలోని కొన్ని విషయాలు బయటకు వచ్చాయి. ఆ వివరాలు ఇలా ఉన్నాయి.

* రైతులకు ఎకరాకు రెండు పంటలకు 4 బస్తాల యూరియా, రెండు బస్తాల డీఏపీ చొప్పున ఉచిత ఎరువులు
* ప్రతీ రైతు కు దేశీ ఆవు
* కాలేజ్ విద్యార్థినులకు ఉచిత లాప్ టాప్ లు
* పుట్టిన ప్రతీ ఆడబిడ్డకు ఫిక్స్డ్ డిపాజిట్ ( బిడ్డ 21 ఏళ్లకు వచ్చే సారికి 2లక్షలు వచ్చేలా..)
* సీనియర్ సిటిజన్స్ కు ఫ్రీగా కాశీ, అయోధ్య టూర్
* ధరణి రద్దు చేసి .. భూసేవా పేరుతో కొత్త యాప్
* కేంద్ర ప్రభుత్వ పథకాలకు రాష్ట్రంలో ప్రత్యేక మంత్రిత్వ శాఖ ఏర్పాటు* గల్ఫ్ బాధితుల కోసం నోడల్ ఏజెన్సీ.
* రాష్ట్ర ప్రభుత్వ అవినీతిపై విచారణకు కమిషన్.
* 4 శాతం ముస్లిం రిజర్వేషన్ ఎత్తివేత.
* సబ్సిడీపై విత్తనాలు... వరి పై బోనస్.
* ఉజ్వల లబ్ధిదారులకు ఉచితంగా నాలుగు సిలిండర్ లు.
* మహిళ రైతు కార్పొరేషన్ ఏర్పాటు.
* ఫీజుల నియంత్రణ నిరంతర పర్యవేక్షణ.
* బడ్జెట్ స్కూల్స్ కు పన్ను మనిహాయింపులు.
* ప్రతీ జిల్లా కేంద్రంలో మల్టీ సూపర్ స్పెషాలిటీ హాస్పిటల్ లు.
* నిజాం షుగర్ ఫ్యాక్టరీ పునరుద్ధరణ.
* ఇండస్ట్రియల్ కారిడార్ ల ఏర్పాటు.
* PRC పై రివ్యూ... ప్రతీ 5 సంవత్సరాలకు ఓ సారి PRC
జీఓ 317 పై పునః సమీక్ష
* గల్ఫ్ దేశాల్లో తెలంగాణ భవన్ లు.
* 5 ఏళ్లకు లక్ష కోట్లతో బీసీ అభివృద్ది నిధి.
* రోహింగ్యాలు, అక్రమ వలస దారులనీ పంపించి వేస్తాం.
* తెలంగాణలో ఉమ్మడి పౌర స్మృతి అమలు చేస్తాం.
* అన్ని పంటలకు పంట భీమా... భీమా సొమ్మును రాష్ట్ర ప్రభుత్వమే అందిస్తుంది.
* 5 ఏళ్లలో మహిళలకి ప్రభుత్వ ప్రైవేట్ రంగంలో 10 లక్షల ఉద్యోగాలు.

ALSO READ:

1.లక్ష సెల్ ఫోన్లు, ఓటుకు రూ.10 వేలు..

2.ప్రతి ఒక్కరి ఖాతాలో రూ.15 లక్షలు..