Hyderabad: ఇక మీదట ఐదు రోజుల్లోనే పాస్ట్ పోర్ట్

పాస్‌పోర్ట్‌ల విషయంలో హైదరాబాద్ విశేష అభివృధి సాధించింది.  గతేడాది 9 లక్షల మంది దరఖాస్తు చేసుకోగా.. అందులో 7.85లక్షల మందికి పాస్‌పోర్టులు అందాయి.  ఇది మరింత అభివృద్ధి చెందే దిశగా అడుగులు వేస్తున్నామని సికింద్రాబాద్​ రీజినల్​ పాస్ పోర్ట్ సెంటర్ ​డైరెక్టర్​ స్నేహజ చెప్పారు. ఇందులో భాగంగా ఇక మీదట దరఖాస్తు చేసుకున్న ఐదు రోజుల్లోనే పాస్‌పోర్ట్ అందిస్తామని తెలిపారు. అలాగే తత్కాల్ పాస్పోర్ట్ ఒక్కరోజులోనే ఇచ్చేస్తామని స్పష్టం చేశారు. ప్రస్తుతం రీజినల్ ​పాస్​పోర్టు ఆఫీసు పరిధిలో ఐదు పాస్​పోర్ట్ ​సేవా కేంద్రాలు,14 పోస్ట్​ఆఫీస్ పాస్​పోర్టు సేవా కేంద్రాలు పని చేస్తున్నాయని స్నేహజ తెలిపారు.  

Also Read: USA: ప్రమాణ స్వీకారానికి ముందు హష్ మనీ కేసు విచారణకు ట్రంప్

వాట్సాప్ నంబర్..

పాస్ పోర్ట్ రూల్స్ కూడా మారిపోయాయి. ఇంతకు ముందు పాస్ పోర్ట్ ఇష్యూ చేసే ముందు చేసే పోలీస ఇంక్వైరీ డైరెక్ట్‌గా ఉండేది. కానీ ఇప్పుడు అది ఆన్‌లైన్లో జరుగుతోంది.  ఇక మీదట కూడా దాన్నే కొనసాగిస్తామని స్నేహజ తెలిపారు. పాస్​పోర్టు సేవలు మరింత చేరువ చేసేందుకు కొత్తగా మొబైల్​ పాస్​పోర్టు సేవలు అందుబాటులోకి తెచ్చామన్నారు. అలాగే దరఖాస్తు దారుల నుంచి పెరుగుతున్న డిమాండ్​ కు అనుగుణంగా వరంగల్, ఖమ్మం, వికారాబాద్, మేడ్చల్, మహబూబాబాద్, నల్గొండ, నిజామాబాద్, కరీంనగర్​ లలో అపాయింట్​మెంట్ల సంఖ్యను పెంచామని ఆమె చెప్పారు. దాంతో పాటూ ఆస్ట్ పోర్ట్ అప్లైలో సమస్యలు ఉన్నవారు సత్వర పరిష్కారం కోసం ప్రత్యేకంగా 8121401532 నంబరుతో వాట్సాప్​ ఏర్పాటు చేశామని చెప్పారు.  ఈ నంబర్‌‌కు వాట్సాప్ చేసిన ఫిర్యాదులకు వెంటనే పరిష్కార మార్గాలు చూపుతామని తెలిపారు. 

Also Read: BIG BREAKING: రిటైర్మెంట్ పై రోహిత్ శర్మ సంచలన ప్రకటన

Also Read: Cricket: 96 పరుగులకు ఐదు వికెట్లు కోల్పోయిన ఆస్ట్రేలియా