Jagga Reddy: నువ్వు దేవుడు సామీ.. లైవ్ లో 3 లక్షలు సాయం చేసిన జగ్గారెడ్డి.. వీడియో వైరల్!

సంగారెడ్డి మాజీ ఎమ్మెల్యే, టీపీసీసీ వర్కింగ్ ప్రెసిడెంట్ జగ్గారెడ్డి మరోసారి మంచి మనస్సు చాటారు. అనారోగ్యంతో బాధపడుతున్న ఓ యువతికి రూ.3 లక్షల సాయం చేశారు. ఇంకా హైదరాబాద్ లోని కార్పొరేట్ ఆస్పత్రిలో చికిత్స అందిస్తానని హామీ ఇచ్చారు. 

author-image
By Nikhil in తెలంగాణ రాజకీయాలు
New Update
Jaggareddy Helping

సంగారెడ్డి మాజీ ఎమ్మెల్యే, టీపీసీసీ వర్కింగ్ ప్రెసిడెంట్ జగ్గారెడ్డి స్టైలే వేరు. ఆయన ఏం మాట్లాడినా.. ఏం చేసినా ప్రత్యేకమే. పాలిటిక్స్ పై మాత్రమే కాకుండా.. గత కొన్నేళ్లుగా ఆయన సేవా కార్యక్రమాలపై ఫుల్ ఫోకస్ పెట్టారు. ముఖ్యంగా క్యాన్సర్ బాధితులకు లక్షల కొద్దీ సాయం చేస్తూ అండగా నిలుస్తున్నారు. తీవ్ర అనారోగ్యంతో 9 ఏళ్ల నుంచి బాధ పడుతున్న ఓ బాలికకు ఆయన సహాయం చేశారు. 3 లక్షల రూపాయలు అందించారు. హైదరాబాద్ లోని కార్పొరేట్ ఆస్పత్రిలో చికిత్స అందిస్తానని హామీ ఇచ్చారు. 
ఇది కూడా చదవండి:Ganesh Chaturthi 2025: కేవలం ఆ 4 గంటలు మాత్రమే సౌండ్ సిస్టమ్.. రోడ్డుకు అడ్డంగా ఉండొద్దు.. హైకోర్టు సంచలన ఆదేశాలు!

చీమల మందు కలిపిన చపాతీ తినడంతో..

మహబూబాబాద్ జిల్లా కేసముద్రం మండలం పెనుగొండ గ్రామానికి చెందిన సుష్మ 9 ఏళ్ల క్రితం దసరా పండుగకు అమ్మమ్మ గారి ఇంటికి వెళ్లింది. అయితే.. అక్కడ పొరపాటున చీమల మందు కలిపిన చపాతిని తిని అనారోగ్యానికి గురైంది. అప్పటి నుంచి ఆమె కోలుకోలేదు. 9 ఏళ్లుగా మంచానికే పరిమితమైంది. ఆర్థిక స్థోమత లేకపోవడంతో మంచి వైద్యం అందించలేకపోయామని తండ్రి చెవుగాని మహేష్ ఆవేదన వ్యక్తం చేస్తున్నారు. ఇటీవల తమ ధీన స్థితిని వీరు గాంధీ భవన్ మీడియాకు చెప్పారు. దీంతో మీడియా ప్రతినిధులు జగ్గారెడ్డికి విషయం చెప్పారు. వెంటనే జగ్గారెడ్డి ఆ యువతి తండ్రి మహేష్ ను పిలిపించి మాట్లాడారు. వైద్యులతో స్వయంగా మాట్లాడారు.
ఇది కూడా చదవండి:BIG BREAKING: తెలంగాణలో పంచాయతీ ఎన్నికలపై సంచలన అప్‌డేట్.. నోటిఫికేషన్ విడుదల

అన్ని రకాల వైద్య పరీక్షలు చేయాలని సూచించారు. ఎలాంటి ట్రీట్మెంట్ అందిస్తే పాప మళ్లీ లేచి నడవగలదో చెప్పాలని కోరారు. సర్జరీ లాంటి చికిత్స అవసరం అయితే తాను మరికొంత ఆర్థిక సహాయం చేస్తానని చెప్పారు. ఇంకా సీఎం రేవంత్ రెడ్డితో ప్రభుత్వం నుంచి పూర్తి వైద్య ఖర్చులు అందేలా చూస్తానని హామీ ఇచ్చారు. ఇంకా దాతలు కూడా ముందుకు రావాలని కోరారు. ఆర్థిక సహాయం చేయాలనుకునే వారు తండ్రి మహేష్ నెంబర్ ను 9553461480 సంప్రదించాలని విజ్ఞప్తి చేశారు. 

#latest-telugu-news #telugu-news
సంబంధిత కథనాలు
Advertisment
తాజా కథనాలు