BIG BREAKING: తెలంగాణ స్థానిక ఎన్నికల సమరానికి సై.. ముహూర్తం ఫిక్స్!

తెలంగాణ స్థానిక ఎన్నికల నిర్వహణపై రాష్ట్రం ప్రభుత్వం కీలక నిర్ణయం తీసుకుంది. ఇప్పటికే ఆలస్యమైన సర్పంచ్ ఎన్నికలను జూలైలో నిర్వహించాలని నిర్ణయించినట్లు సమాచారం. దీనిపై అధికారులకు సీఎం రేవంత్ కీలక ఆదేశాలు జారీ చేసినట్లు తెలుస్తోంది.

By srinivas 04 May 2025 in తెలంగాణ Latest News In Telugu

New Update

BIG BREAKING: తెలంగాణ స్థానిక ఎన్నికల నిర్వహణపై రాష్ట్రం ప్రభుత్వం కీలక నిర్ణయం తీసుకుంది. ఇప్పటికే ఆలస్యమైన సర్పంచ్ ఎన్నికలను జూలైలో నిర్వహించాలని నిర్ణయించినట్లు సమాచారం. దీనిపై అధికారులకు సీఎం రేవంత్ కీలక ఆదేశాలు జారీ చేసినట్లు తెలుస్తోంది.

రెండు నెలల క్రితమే సన్నాహాలు..

ఈ మేరకు రాష్ట్ర ప్రభుత్వం, తెలంగాణ రాష్ట్ర ఎన్నికల కమిషన్ (TSEC) ఇప్పటికే రెండు నెలల క్రితమే అన్ని సన్నాహాలు చేసింది. కానీ కుల సర్వే, హామీ ఇచ్చిన BC రిజర్వేషన్లను 42%కి పెంచిన తర్వాతే ఎన్నికలు నిర్వహించాలని వివిధ BC సంస్థల డిమాండ్‌తో ప్రభుత్వం తన నిర్ణయాన్ని మార్చుకుంది. కానీ ఇప్పుడు జనాభా లెక్కల్లో కుల గణనను చేర్చడంపై NDA ప్రభుత్వం తీసుకున్న నిర్ణయం కాంగ్రెస్ ప్రభుత్వానికి మరింత తలనొప్పిగా మారనుంది. బీసీ రిజర్వేషన్ ప్రశ్నార్థకంగామారిందని ప్రభుత్వ వర్గాల్లో చర్చ నడుస్తోంది. కులగణనపై ఇప్పటికే అసెంబ్లీలో రెండు బిల్లులను ఆమోదించగా.. స్థానిక సంస్థల్లో BC రిజర్వేషన్లు, విద్య, ఉద్యోగాలను 42%కు ఆమోదించింది. వాటిని కేంద్ర ఆమోదం కోసం పంపారు.

'కుల గణన సేకరణ వాటి ఆమోదం వంటి మొత్తం జనాభా గణనకు కనీసం రెండు సంవత్సరాలు పడుతుంది. రాష్ట్ర ప్రభుత్వం ఎన్నికలు నిర్వహించకుండా రెండేళ్లు వేచి ఉండలేదు. గ్రామ పంచాయతీలు, జిల్లా పరిషత్‌ల పదవీకాలం గత సంవత్సరం ముగిసింది' అని ఒక సీనియర్ అధికారి తెలిపారు. గ్రామ పంచాయతీల పదవీకాలం జనవరి 31, 2024న ముగిసింది. జిల్లా పరిషత్‌ల పదవీకాలం గత సంవత్సరం జూలైలో ముగిసింది.