Telangana News: ప్రభుత్వానికి షాక్‌..తెలంగాణ ద్రవ్యోల్బణం ఢమాల్

Telangana News: తెలంగాణ ద్రవ్యోల్బణం మరోసారి మైనస్‌లోకి చేరింది. అయితే  దీనివల్ల ప్రజలకు పెద్ద ఉపశమనం లభించింది. కానీ, ప్రభుత్వానికి మాత్రం ఆదాయం తగ్గిపోయే అవకాశం ఉంది.  సోమవారం విడుదల చేసిన ప్రభుత్వ గణాంకాల ప్రకారం, దేశంలో రిటైల్ ద్రవ్యోల్బణం రేటు సెప్టెంబర్‌లో గణనీయమైన తగ్గుదలను నమోదు చేసింది. వినియోగదారుల ధరల సూచిక (CPI) ఆధారంగా రిటైల్ ద్రవ్యోల్బణం ఆగస్టులో 2.07శాతం నుండి సెప్టెంబర్ 2025లో 1.54శాతానికి పడిపోయింది. ఈ 1.54శాతం రేటు చాలా సంవత్సరాలలో అత్యల్ప రేటులో ఒకటి, 2 శాతం కంటే తక్కువగా నమోదు కావడం ఇది వరుసగా రెండవ నెల. కాగా తెలంగాణలో ద్రవ్యోల్బణం 0.15%కి పరిమితమైంది. దేశ వ్యాప్తంగా తెలంగాణతో పాటు మరో మూడు రాష్ట్రాల్లో మైనస్‌ ద్రవ్యోల్బణం నమోదైంది. వాటిలో యూపీ (-0.61%), అస్సాం (-0.56%), బిహార్‌ (-0.51%) ఉన్నాయి.

అయితే తెలంగాణలో ఈ ఆర్థిక సంవత్సరం తొలి ఆరునెలల్లో మూడునెలలు ప్లస్, మరో మూడునెలలు మైనస్‌ ద్రవ్యోల్బణాన్ని నమోదైంది. గత జూన్‌ (-0.93%), జులై(-0.44)ల్లో మైనస్‌గా నమోదైన ద్రవ్యోల్బణం ఆగస్టులో (0.94) ప్లస్‌కు చేరింది. మళ్లీ సెప్టెంబరులో మైనస్‌కు పడిపోయింది. ఈ గణనీయమైన తగ్గుదల ప్రధానంగా "అనుకూలమైన బేస్ ఎఫెక్ట్" ఆహార ధరలలో తగ్గుదల కారణంగా నమోదైందని జాతీయ గణాంక కార్యాలయం (NSO) పేర్కొంది. ఆహార ద్రవ్యోల్బణం  2.28శాతం: సెప్టెంబర్ 2025లో ఆహార ద్రవ్యోల్బణం ప్రతికూలంగా 2.28శాతం, ఇది మునుపటి సంవత్సరంతో పోలిస్తే ఆహార వస్తువులు ధరలు తగ్గుముఖం పట్టడాన్ని సూచిస్తుంది. (ఇది ఆగస్టులో  0.64శాతం). 

 జాతీయస్థాయిలో 2024లో 5.49% వరకు ఉన్న ద్రవ్యోల్బణం ఇప్పుడు 1.54%కి పడిపోయింది. ఇదే సమయంలో ఆహార ద్రవ్యోల్బణం 9.24% నుంచి -2.28%కి తగ్గిపోయింది. కూరగాయలు, వంటనూనెలు, పండ్లు, పప్పుదినుసులు, చిరుధాన్యాలు, గుడ్ల ధరలు పడిపోవడమే దీనికి కారణమని కేంద్ర ప్రభుత్వం వెల్లడించింది. సెప్టెంబరులో అత్యధిక ద్రవ్యోల్బణం నమోదైన రాష్ట్రాల్లో కేరళ (9.05%), జమ్మూకశ్మీర్‌ (4.38%), కర్ణాటక (3.33%), పంజాబ్‌ (3.06%), తమిళనాడు (2.77%) ఉన్నాయి.  అదే సమయంలో ఏపీలో ఇది 1.36%మేర నమోదైంది.

 ఈ గణనీయమైన తగ్గుదల ప్రధానంగా "అనుకూలమైన బేస్ ఎఫెక్ట్" ఆహార ధరలలో తగ్గుదల కారణంగా ఉందని జాతీయ గణాంక కార్యాలయం (NSO) పేర్కొంది. ఆహార ద్రవ్యోల్బణం  2.28శాతం: సెప్టెంబర్ 2025లో ఆహార ద్రవ్యోల్బణం ప్రతికూలంగా 2.28శాతం, ఇది మునుపటి సంవత్సరంతో పోలిస్తే ఆహార వస్తువులు చౌకగా మారాయని సూచిస్తుంది. (ఇది ఆగస్టులో  0.64శాతం). సెప్టెంబర్ 2024లో CPI ఆధారిత ద్రవ్యోల్బణ రేటు 5.49శాతంగా ఉంది, ఇది గత సంవత్సరం ధరల పెరుగుదల వేగం ఎంత మందగిస్తుందో సూచిస్తుంది. ద్రవ్యోల్బణ నియంత్రణ భారత రిజర్వ్ బ్యాంక్ RBIకి పెద్ద ఉపశమనం కలిగించింది. ఇటీవల, అక్టోబర్‌లో జరిగిన ద్వైమాసిక ద్రవ్య విధాన సమీక్షలో, RBI 2025-26 ఆర్థిక సంవత్సరానికి ద్రవ్యోల్బణ అంచనాను ఆగస్టులో 3.1శాతం నుండి 2.6శాతానికి తగ్గించింది.

నైరుతి రుతుపవనాల మంచి పురోగమనం, ఖరీఫ్ పంట, అధిక విత్తనాలు, జలాశయాలలో తగినంత నీటి మట్టాలు, మంచి ఆహార ధాన్యాల నిల్వలు అన్నీ ఆహార ధరలను అదుపులో ఉంచడానికి దోహదం చేస్తాయని తెలుస్తోంది.  ద్రవ్యోల్బణంలో ఈ తగ్గుదల భవిష్యత్తులో విధాన రేట్లపై ఆర్‌బీఐ మృదువైన వైఖరిని అవలంబించడానికి మరింత అవకాశాన్ని కల్పిస్తుందని విశ్లేషకులు భావిస్తున్నారు.

Also Read :  జూబ్లీహిల్స్లో కాంగ్రెస్కు ఊహించని షాక్.. 300 మంది మాలల నామినేషన్లు!