HCA వివాదంపై సీఎం రేవంత్ రెడ్డి సీరియస్

HCA వివాదంపై సీఎం రేవంత్ రెడ్డి సీరియస్ అయ్యారు. SRH యాజమాన్యాన్ని వేధింపులకు గురి చేసి పాసులు అడిగిన విషయంపై సీఎంఓ కార్యాలయం వివరాలు సేకరించింది. SRH యాజమాన్యాన్ని పాసుల విషయంలో HCA బెదిరించిన అంశంపై విజిలెన్స్ ఎంక్వయిరీకి ఆదేశాలు జారీ చేసింది. దీనిపై విచారణ జరపాల్సిందిగా విజిలెన్స్ డిజి కొత్తకోట శ్రీనివాస్ రెడ్డికి సీఎం రేవంత్ రెడ్డి ఆదేశించారు. SRH యాజమాన్యాన్ని పాసుల కోసం ఇబ్బంది పెడితే చర్యలు తీసుకుంటామని సీఎం రేవంత్ హెచ్చరికలు జారీ చేశారు. 

ఇది కూడా చూడండి: Actress Abhinaya: హీరో కాదు బిజినెస్ మ్యాన్.. కాబోయే భర్తను పరిచయం చేసిన అభినయ!

ఉచిత పాస్‌ల కోసం..

ఇదిలా ఉండగా ఐపీఎల్ ఉచిత పాస్ ల కోసం సన్ రైజర్స్ హైదరాబాద్ ను హెచ్ సీఏ తీవ్రంగా వేధిస్తోందిట. ఈ బాధలు ఎస్ఆర్హెచ్ పడలేకపోతోంది. దీనికి తోడు కోరినన్ని పాస్ లు ఇవ్వలేదని ఓ ఐపీఎల్ మ్యాచ్ సందర్భంగా తమకు కేటాయించిన కార్పొరేట్‌ బాక్స్‌కు హెచ్సీఏ తాళాలు కూడా వేసిందని సన్ రైజర్స్ చెబుతోంది. హెచ్‌సీఏ అధ్యక్షుడు జగన్‌మోహన్‌రావు బెదిరింపులకు పాల్పడుతున్నాడని ఆరోపిస్తూ హెచ్‌సీఏ కోశాధికారికి సన్‌రైజర్స్‌ ప్రతినిధి రాసిన లేఖ వెలుగులోకి వచ్చింది. ఈ బాధలు ఇక పడలేమని...అందుకే తాము హైదరాబాద్ ను వదిలి వెళ్ళిపోతామని  ఎస్ఆర్హెచ్ చెబుతోంది. 

ఇది కూడా చూడండి:  Sikandar Collections: సల్మాన్ ఖాన్ కి పైరసీ దెబ్బ.. తొలిరోజు ఎంత వసూలు చేసిందంటే

హెచ్సీఏ చేస్తున్న బెదిరింపులు, బ్లాక్ మెయిలింగ్ ల మీద  సన్ రైజర్స్ ఓ లేఖ రాసింది. దీనిలో తీవ్ర ఆందోళన వ్యక్తం చేసింది. పన్నెండేళ్ళుగా హెచ్సీఏ కలిసి పని చేస్తున్నాం. కానీ లాస్ట్ రెండేళ్ళుగా చాలా వేధిస్తున్నారు. ఒప్పందం ప్రకారం హెచ్‌సీఏకు 10 శాతం అంటే 3900 కాంప్లిమెంటరీ టికెట్లు కేటాయిస్తున్నాం.