Hyderabad : పసిపాపపై పైశాసికత్వం..చిన్నారిని చితకబాదిన ఆయా

Hyderabad : జీడిమెట్ల పోలీస్‌ స్టేషన్‌ పరిధిలోని షాపూర్ నగర్‌లో పూర్ణిమా స్కూల్‌లో దారుణం చోటు చేసుకుంది. అభం శుభం తెలియని చిన్నారిపై ఆయా పైశాచిక దాడి చేసింది. నర్సరీ చదువుతున్న చిన్నారిపై స్కూల్ ఆయా దాడికి పాల్పడింది. 

నర్సరీ చదువుతున్న చిన్నారిపై స్కూల్ ఆయా పైశాచికదాడి

మేడ్చల్ జీడిమెట్ల పీఎస్ పరిధిలోని షాపూర్ నగర్ లో గల పూర్ణిమ స్కూల్లో దారుణం

దాడిని స్కూల్ పక్కన ఇంటి పై నుండి వీడియోలు రికార్డ్ చేసిన ఓ యువకుడు

నిన్న సాయంత్రం నుండి ఆహారం తీసుకోని భాదిత చిన్నారి

తీవ్ర జ్వరంతో హాస్పిటల్ కు… pic.twitter.com/TO4XdWzEvj

— TNews Telugu (@TNewsTelugu) November 30, 2025

 
పాఠశాల ముగిసిన తర్వాత చిన్నారిని ఆయా ఇష్టారీతిన కొట్టింది. చిన్నారిపై కాలు వేసి తొక్కుతూ కర్కశంగా ప్రవర్తించింది. ఆయా కొట్టినట్టు చిన్నారి చెప్పడంతో తల్లిదండ్రులు పాఠశాల యాజమాన్యానికి ఫిర్యాదు చేశారు. బాలికను తీవ్రంగా కొట్టడంతో పాటు కాలుతో తొక్కుతున్న దృశ్యాలను పాఠశాల పక్కనున్న భవనంపై నుంచి ఓ యువకుడు వీడియో తీశాడు. ఆ దృశ్యాలు స్థానికంగా ఉన్న వాట్సప్‌ గ్రూప్‌లలో వైరల్‌ అయ్యాయి. ఆ వీడియో ఆధారంగా బాలిక తల్లిదండ్రులు ఆయాపై జీడిమెట్ల పోలీస్‌ స్టేషన్‌లో ఫిర్యాదు చేశారు. ఈ వీడియో చూసిన వారంతా మనుషుల చిన్న పిల్లల పట్ల ప్రవర్తించే తీరు ఇదేనా అంటూ ప్రశ్నిస్తున్నారు. శత్రువును కూడా అలా కొట్టడానికి ఎవరికీ చేతులు రావు. అలాంటిది పసిపాపపై అంతా కర్కశంగా ఎలా ప్రవర్తించిందని పలువురు ఆవేదన వ్యక్తం చేస్తున్నారు.

 ఆ పాప తల్లి కూడా అదే స్కూల్లో ఆయాగా పని చేస్తోంది. ఆమె పిల్లలను దించడానికి బస్సులో వెళ్లిన సమయంలో పాపను తన వద్ద ఉంచుకున్న ఈ ఆయా దాడికి పాల్పడింది. ఆయా దాడి చేస్తున్న దృశ్యాలను పక్కన బిల్డింగ్ నుంచి ఓ యువకుడు ఫోన్‌లో రికార్డు చేయడంతో ఈ ఘటన వెలుగుచూసింది. దాడి తర్వాత నుంచి పాప తీవ్ర జ్వరంతో అల్లాడిపోవడంతో ఆస్పత్రికి తరలించి చికిత్స అందిస్తున్నారు. కాగా సదరు బాలిక కుటుంబం ఒరిస్సా నుంచి బతకడానికి సిటీకి వచ్చినట్లు తెలుస్తోంది. ఆ పాప తల్లిదండ్రులు. విషయం స్కూల్ యాజమాన్యం దృష్టికి తీసుకెళ్తే.. చిన్న ఇష్యూని ఎందుకు సాగదీస్తున్నావ్ అని ప్రశ్నించడం మానవత్వానికే మచ్చ తెచ్చేలా ఉంది. దీంతో వారు పోలీసులను సంప్రదించారు. ఆయాతో పాటు అంత నిర్లక్ష్యంగా సమాధానం చెప్పిన ఆ స్కూల్‌పై కూడా చర్యలు తీసుకోవాలని పోలీసులను కోరారు.