Venu Swamy: వేణు స్వామికి తెలంగాణ మహిళా కమిషన్ నోటీసులు!

Notices To Venu Swamy:  ప్రముఖ జ్యోతిష్యుడు వేణుస్వామికి తెలంగాణ మహిళా కమిషన్ (Telangana Women Commission) నోటీసులు జారీ చేసింది. ఈ నెల 22న కమిషన్ ముందు హాజరు కావాలని ఆదేశించింది. ఫిలిం జర్నలిస్ట్ అసోసియేషన్, తెలుగు ఫిలిం డిజిటల్ మీడియా అసోసియేషన్ ఫిర్యాదుపై స్పందించిన మహిళా కమిషన్ చైర్ పర్సన్ నేరెళ్ల శారద.. ఆగస్టు 22న విచారణకు హాజరు కావాలని సమన్లు జారీ చేశారు.

నాగ చైతన్య- శోభిత దూళిపాల (Naga Chaitanya - Sobhita Dhulipala) పెళ్లిపై అనుచిత వ్యాఖ్యలు చేసినందుకు గానూ తెలుగు ఫిల్మ్ జర్నలిస్ట్ అసోసియేషన్, తెలుగు ఫిల్మ్ డిజిటల్ మీడియా అసోసియేషన్ ఆధ్వర్యంలో కొంతమంది జర్నలిస్టులు వేణుస్వామిపై మహిళా కమిషన్‌కు ఫిర్యాదు చేశారు. అతనిపై వెంటనే చర్యలు తీసుకోవాలని డిమాండ్ చేశారు. దీంతో వేణుస్వామిపైనే కాకుండా ఆయన వీడియోలను ప్రసారం చేసిన యూట్యూబ్ ఛానెల్స్‌పై కూడా విచారణ చేసి చర్యలు తీసుకుంటామని మహిళా కమీషన్ తెలిపింది.

ఇదిలా ఉంటే.. ఇటీవలే వేణుస్వామి సంచలన నిర్ణయం తీసుకున్నాడు. నాగచైతన్య- శోభిత ధూళిపాల నిశ్చితార్థం తర్వాత మరోసారి కాంట్రవర్సీకి తెరలేపి విమర్శలపాలవున్న జ్యోతిష్యుడు ఇకపై సెలబ్రిటీల లైఫ్ కు సంబంధించి జ్యోతిష్యం చెప్పనని ప్రకటించాడు. చైతూ, శోభిత నాలుగేళ్ల తర్వాత విడిపోతారని చెప్పడంతో అక్కినేని ఫ్యాన్స్ సోషల్ మీడియా వేదికగా వేణుస్వామిపై దుమ్మెత్తిపోశారు. విపరీతంగా ట్రోల్స్ మొదలుపెట్టారు. దీంతో తాజాగా స్పందించిన వేణుస్వామి ఇకపై సినిమా, రాజకీయ రంగాల వారి జాతకాలు చెప్పనంటూ యూటర్న్ తీసుకున్నాడు. వేణుస్వామి మాట్లాడుతూ.. ‘గతంలో నేను చెప్పిన మాటకు కట్టుబడే ఉన్నా. అప్పుడు నాగచైతన్య- సమంత (Naga Chaitanya-Samantha) జ్యోతిష్యం చెప్పాను. అందుకే వేణుస్వామి దానికి కొనసాగింపుగా నాగచైతన్య-శోభిత భవిష్యత్తు చెప్పాల్సి వచ్చింది. నేను సెలబ్రెటీల జ్యోతిష్యం జోలికి పోను. అభిమానులు కూడా నా నుంచి జ్యోతిష్యం ఆశించవద్దు. మా ప్రెసిడెంట్ మంచు విష్ణుతో కూడా వివరంగా మాట్లాడిన’ అంటూ చెప్పుకొచ్చాడు.

Also Read: హింసాత్మక పోర్న్ చూస్తూ ట్రైనీ డాక్టర్ హత్యాచారం!