New Smartphone: వైర్‌లెస్ ఛార్జింగ్‌‌తో కొత్త ఫోన్.. ఫీచర్లు మాములుగా లేవు భయ్యా..!

మోటరోలా ఈరోజు ఎంపిక చేసిన ప్రపంచ మార్కెట్లలో తన Motorola Edge 70ను విడుదల చేసింది. ఇది స్నాప్‌డ్రాగన్ 7వ జెన్ 4 చిప్‌సెట్‌తో నడుస్తుంది. 6.67-అంగుళాల pOLED డిస్ప్లే, 50-మెగాపిక్సెల్ సెల్ఫీ కెమెరాను కలిగి ఉంది. Motorola Edge 70.. 68W వైర్డ్ ఛార్జింగ్, 15W వైర్‌లెస్ ఛార్జింగ్‌కు మద్దతు ఇచ్చే 4,800mAh సిలికాన్-కార్బన్ బ్యాటరీతో శక్తినిస్తుంది. ఇప్పుడు Motorola Edge 70 ఫీచర్లు, ఆఫర్లు, స్పెసిఫికేషన్ల గురించి తెలుసుకుందాం. 

Motorola Edge 70 Price

Motorola Edge 70 సుమారు రూ. 80,000 ధరతో అందుబాటులోకి వచ్చింది. ఈ ఫోన్ యూరప్, మిడిల్ ఈస్ట్‌లో సుమారు రూ. 81,000 కు త్వరలో లాంచ్ అవుతుంది.  ఈ ఫోన్ పాంటోన్ బ్రాంజ్ గ్రీన్, పాంటోన్ లిల్లీ ప్యాడ్, గాడ్జెట్ గ్రే కలర్ ఆప్షన్లలో వస్తుంది. 

Say hello to the new definition of ultrathin: motorola edge 70.
The first device in the edge 70 series, comes with an innovative design that packs in three 50MP sensors across all 📷📷📷, moto ai features, and the largest battery in an ultrathin smartphone*.
Read more:… pic.twitter.com/4tRSRWIeUU

— motorola (@Moto) November 5, 2025

Motorola Edge 70 Specifications

Motorola Edge 70 స్మార్ట్‌ఫోన్ 6.67-అంగుళాల pOLED సూపర్ HD డిస్‌ప్లేను 1220x2712 పిక్సెల్‌ల రిజల్యూషన్, 120Hz రిఫ్రెష్ రేట్, 4,500 నిట్స్ పీక్ బ్రైట్‌నెస్, 446ppi పిక్సెల్ డెన్సిటీను కలిగి ఉంది. Motorola Edge 70 స్మార్ట్‌ఫోన్ స్నాప్‌డ్రాగన్ 7వ జెన్ 4 చిప్‌సెట్ ద్వారా శక్తిని పొందుతుంది. ఇది 12GB RAM + 512GB స్టోరేజ్‌తో వస్తుంది. ఎడ్జ్ 70 ఆపరేటింగ్ సిస్టమ్ కోసం Android 16పై నడుస్తుంది. 

కెమెరా సెటప్ విషయానికొస్తే.. Motorola Edge 70లో OIS సపోర్ట్‌తో 50-మెగాపిక్సెల్ ప్రైమరీ రియర్ కెమెరా, 50-మెగాపిక్సెల్ అల్ట్రావైడ్ కెమెరా ఉన్నాయి. సెల్ఫీలు, వీడియో కాల్‌ల కోసం 50-మెగాపిక్సెల్ ఫ్రంట్ కెమెరా ఉంది. కనెక్టివిటీ ఎంపికలలో 5G, బ్లూటూత్, GPS, A-GPS, GLONASS, LTEPP, గెలీలియో, NFC, USB టైప్-C పోర్ట్, Wi-Fi 6E ఉన్నాయి. 

భద్రత కోసం ఇన్-డిస్ప్లే ఫింగర్ ప్రింట్ సెన్సార్, ఫేస్ అన్‌లాక్ అందించారు. వాటర్ అండ్ డస్ట్ రెసిస్టెన్సీ కోసం ఫోన్ IP68 + IP69 రేటింగ్‌ను కూడా పొందింది. Motorola Edge 70.. 68W వైర్డు, 15W వైర్‌లెస్ ఛార్జింగ్‌కు మద్దతు ఇచ్చే 4,800mAh బ్యాటరీతో శక్తినిస్తుంది.