Chandrababu : వైసీపీ గెలిచే పరిస్థితి లేదు.. టీడీపీ శ్రేణులకు చంద్రబాబు భరోసా

TDP Chief Chandrababu : సర్వేపల్లి నియోజకవర్గంలో ప్రజాగళం సభలో పాల్గొన్నారు టీడీపీ(TDP) అధినేత చంద్రబాబు(Chandrababu). ఈ సభలో వైసీపీ(YCP) పై విమర్శల దాడికి దిగారు. ఎండల బాదుడు కంటే వైసీపీ బాదుడే ఎక్కువ అని ఎద్దేవా చేశారు. రాజకీయ వేడి ముందు వేసవి వేడి కొట్టుకుపోతుందని అన్నారు.

ALSO READ: కడప ఎంపీ రేసులో వివేకా హత్య నిందితుడు

మే 13న వైసీపీ మాడి మసై పోతుందని అన్నారు. రాష్ట్రంలో వైసీపీ గెలిచే పరిస్థితి లేదని పేర్కొన్నారు. అహంకార ప్రభుత్వం కూలిపోవాలని ప్రజలకు పిలుపునిచ్చారు. కేజీఎఫ్‌-1, కేజీఎఫ్‌-2 చూడాలంటే కోలార్‌ పోవాలి.. కేజీఎఫ్‌-3 చూడాలంటే సర్వేపల్లి(Sarvepalli) కి రావాలి అని అన్నారు. కేజీఎఫ్‌ అంటే కాకాని గోవర్ధన్‌ ఫీల్డ్‌ అని చురకలు అంటించారు. కేజీఎఫ్‌ సృష్టించిన కాకాణిని అందులోనే పాతిపెడతారని అన్నారు. కాకాణి దోచిన వనరులే రాజకీయ సమాధి చేస్తాయని హెచ్చరించారు.