Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Food Safety

Food Safety : బయటి హోటళ్లలో తింటున్నారా .. అయితే జాగ్రత్త

Published on by

Out Side Food : మీరు బయట ఫుడ్‌ తింటున్నారా ? అయితే జాగ్రత్త. కొన్ని హోటళ్లు (Hotels), రెస్టారెంట్ల (Restaurants) లో పాచిపోయిన పదార్థాలతో ఫుడ్ అందిస్తున్నారు. ఎక్స్‌పైర్‌ డేట్ అయిపోయిన ఆహార పదార్థాలతో (Expiry Food) వండుతున్నారు. వాడిన నూనెను మళ్లీ మళ్లీ వాడుతున్నారు. సింథటిక్ ఫుడ్‌ కలర్లు వినియోగిస్తున్నారు. శుభ్రతను పాటించడం లేదు. హైదరాబాద్‌లో ఇటీవల పలు హోటళ్లలో ఫుడ్ సేప్టీ అధికారులు (Food Safety Officials) తనిఖీలు చేయగా ఈ సంచలన నిజాలు బయటపడ్డాయి. రామేశ్వరం కేఫే, కరాచీ బెకరీ, కేఎఫ్‌సీ, రత్నదీప్ స్టోర్‌, క్రీమ్‌ స్టోన్, రోస్టరీ కాఫీ హౌస్‌ తదితర వాటిల్లో ఆరోగ్యానికి హానికరమైన ఆహారాన్ని అందిస్తున్నట్లు అధికారులు గుర్తించారు.

అలాగే ఆదివారం కూడా రంగారెడ్డి జిల్లా పరిధిలోని పలు హోటళ్లలో ఫుడ్‌ సెప్టీ అధికారులు తనిఖీలు చేపట్టారు. పలు హోటళ్లలో పాడైపోయిన కూరగాయలు, ఆహార పదార్థాలతో ఆహారం తయారుచేస్తున్నట్లు గుర్తించారు. ఆ హోటళ్ల వివరాలు ఇప్పుడు తెలుసుకుందాం.

1.తాజా ఆల్ డే బ్రేక్‌ఫాస్ట్, మేడ్చల్
స్టోర్‌ రూంలో ఫుడ్‌ కలర్స్ లభించాయి
పాడైపోయిన కూరగాయలు, నిమ్మకాయలు లభించాయి

2.. ట్రైన్ థీమ్‌ రెస్టారెంట్, కోంపల్లి
క్యాలీ ఫ్లవర్, ఉల్లిపాయలు పాడైపోయాయి
సింగ్‌లో వాటర్‌ బ్లాక్‌ అయ్యింది
శాంపుల్స్‌ను సేకరించి ల్యాబ్‌కు పంపించాము

3. ప్రిసమ్ రెస్టారెంట్ అండ్ బార్, వట్టినాగులపల్లి
ఎక్స్‌పైర్ డేట్ అయిపోయిన ఆహార పదార్థాలను అందిస్తున్నారు.
స్టోర్‌ రూంలో ఎలుకల మలం లభించింది
ఫ్రిజ్‌లో ఎక్కువ కాలం నిల్వఉంచిన కూరగాయల్లో నాణ్యత లేనట్లుగా గుర్తించాం
వంట గదిలో నీరు నిలిచిపోయింది. దుర్వాసన వస్తోంది

Also Read : పిల్లల చర్మ సంరక్షణ విషయంలో ఈ తప్పులు చేయకండి..?

ఇదిలా ఉండగా.. ఖమ్మంలోని బైపాస్‌ రోడ్డులో ఉన్న రెస్ట్ ఇన్‌ హోటల్‌లో కూడా ఫుడ్ అధికారులు తనిఖీలు చేశారు. అందులో నిల్వచేసిన చికిన చికెన్ ఐటెమ్స్‌ను గుర్తించారు. ఈ హోటల్‌లో చాలా రోజుల నుండి నిల్వ చేసిన ఆహారాన్ని వినియోగదారులకు అందిస్తు.. వంటకు ఉపయోగించే కొబ్బరి పొడి, నూడుల్స్ వంటి రా మెటీరియల్ కూడా కల్తీవే వాడుతున్నారు. హోటల్ సీజ్ చేస్తానని యాజమాన్యాని హెచ్చరించి.. నిల్వ ఉంచిన పలు చికెన్ కబాబ్ లను కాల్వలో వేయించారు అసిస్టెంట్ ఫుడ్ కంట్రోలర్.

Hyderabad: ఈ హోటళ్లలో ఫుడ్ తింటున్నారా.. ఇక అంతే సంగతులు!

Published on by

Hyderabad Restaurants: హైదరాబాద్‌ రెస్టారెంట్లలో దారుణ పరిస్థితులు కనిపిస్తున్నాయి. ఫుడ్‌ సేఫ్టీ అధికారుల తనిఖీల్లో షాకింగ్ నిజాలు వెలుగులోకి వచ్చాయి. చాలా హోటల్స్‌లో నాన్‌ వెజ్‌, వెజ్‌ ఫుడ్స్‌ ఒకే చోట స్టోరేజ్ చేస్తున్నారు. అంతేకాకుండా హోటల్స్‌లో గడువు ముగిసిన పదార్థాలు గుర్తించారు అధికారులు. సరిగ్గా సీల్ చేయని ఆహార పదార్థాలు సీజ్‌ చేశారు. గడువు ముగిసిన పాల ప్యాకెట్లు, లేబుల్‌ లేని అల్లం పేస్టు లను గుర్తించారు. హోటల్ సిబ్బంది సేఫ్టీ రూల్స్ పాటించనట్లు తెలుస్తోంది.

Also Read: తల్లిదండ్రులు మందలించారని ఇంటి నుంచి పారిపోయిన బాలిక.. చివరికి దారుణం..!

ఈ జాబితాలో కొన్ని ప్రముఖ రెస్టారెంట్స్ పేర్లను ఫుడ్ సెఫ్టీ కమిషనర్ టాస్క్ ఫోర్స్ బృందాలు విడుదల చేశాయి. క్రీమ్ స్టోన్, న్యాచురల్ ఐస్‌క్రీమ్, KFC, రోస్టరీ కాఫీ హౌస్, రాయలసీమ రుచులు, షాగౌస్, కామత్ హోటల్, 36 డౌన్ టౌన్ బ్రూ పబ్,  మాకౌ కిచెన్ అండ్ బార్, ఎయిర్ లైవ్, టాకో బెల్, అహా దక్షిణ్, సిజ్లింగ్‌ జో, ఖాన్ సాబ్, హోటల్ సుఖ్‌ సాగర్, జంబో కింగ్ బర్గర్స్, రత్నదీప్ స్టోర్, కృతుంగ, రెస్ట్ ఓ బార్‌లో సేఫ్టీ రూల్స్ పాటించలేదని సంచలన విషయాలు వెల్లడించారు.

Telangana : తెలంగాణలో మారనున్న రేషన్ కార్డులు..

Published on by

New Ration Cards : తెలంగాణ (Telangana) లో ప్రస్తుతం ఉన్న రేషన్(ఆహార భద్రత) కార్డుల రూపం మారనుంది. వీటి స్థానంలో కొత్త రేషన్ కార్డులు జారీ చేయాలని రాష్ట్ర సర్కార్ నిర్ణయించినట్లు తెలుస్తోంది. ఇప్పుడు లోక్‌సభ ఎన్నికలు జరుగుతున్న నేపథ్యంలో.. ఎన్నికల కోడ్ (Election Code) ముగిశాక ఈ కసరత్తులు ప్రారంభం కానున్నట్లు సమాచారం. ఆరోగ్య శ్రీ కార్డులతో గతంలో రూ.5 లక్షలు చికిత్స పరిమితి ఉండగా.. కాంగ్రెస్ సర్కార్ దాన్ని రూ.10 లక్షలకు పెంచిన సంగతి తెలిసిందే. ఈ క్రమంలో పాత ఆరోగ్యశ్రీ కార్డుల (Arogyasri Cards) స్థానంలో కూడా కొత్త ఆరోగ్యశ్రీ కార్డులు ఇవ్వాలని రేవంత్ సర్కార్ నిర్ణయించినట్లు సమాచారం.

Also read: ఐఐటీహెచ్‌లో అడ్మిషన్లకు సీఎం రేవంత్ ఆమోదం

ఇక రాష్ట్రంలో మొత్తంగా చూసుకుంటే 89,98,546 రేషన్ కార్డు కార్డులున్నాయి. ఉమ్మడి రాష్ట్రంలో రేషన్ కార్డు (Ration Card) చిన్న పుస్తకం లాగా ఉండేది. అందులో కుటుంబ యజమాని ఫొటోతో సహా.. కుటుంబ సభ్యుల పేర్లు, చిరునామా, వయసు తదితర వివరాలు ఉండేవి. ఆ తర్వాత వీటి స్థానంలో రైతుబంధు లాంటి పాక్‌బుక్‌ సైజ్‌లో రేషన్‌ కార్డులు వచ్చాయి, ముందువైపు కుటుంబసభ్యుల గ్రూప్‌ ఫొటో.. దాని కింద కుటుంబ సభ్యుల వివరాలు ఉండేవి. వెనకవైపు కార్డు నెంబర్, చిరునామా తదితర వివరాలు ఉండేవి. ఆ తర్వాత రేషన్‌ కార్డుల స్థానంలో ఆహార భద్రత కార్డులు ఉచ్చాయి. ఒక పేజీతో ఒకవైపే ఉండే ఈ కార్డులో ఇంటి యజమాని, కుటుంబ సభ్యుల ఫొటోలు లేకుండా.. కార్డుదారు, కుటుంబ సభ్యులు, రేషన్ దుకాణం, కార్డు సంఖ్య మాత్రమే ఉన్నాయి. అయితే మళ్లీ ఇప్పుడు ఈ కార్డులు కూడా మారనున్నాయి. ఎన్నికల కోడ్‌ ముగిసిన తర్వాత వీటి రూపం ఎలా ఉండాలనే విషయంపై రాష్ట్ర సర్కార్‌ నిర్ణయం తీసుకోనుంది.

Also Read: జూన్ మొదటి వారంలోగా తెలంగాణలోకి నైరుతి రుతుపవనాలు!

FSSAI : మసాల దినుసుల్లో క్యాన్సర్ కారకాలు.. రంగంలోకి దిగిన భారత ఆహార భద్రత సంస్థ

Published on by

Masala : ఎవరెస్ట్(Everest), మహాసియన్ ది హట్టి ప్రైవేట్ లిమిటెడ్(MDH) కంపెనీలు తయారు చేస్తున్న మసాల దినుసుల్లో క్యాన్సర్‌ కారకాలు ఉన్నట్లు బయటపడటంతో హాంకాంగ్, సింగాపూర్ దేశాలు వాటిని నిషేదిస్తున్నట్లు ప్రకటించిన విషయం తెలిసిందే. భారత్‌కు చెందిన ఈ రెండు మసాల దినుసుల తయారీ కంపెనీలపై కేంద్ర ప్రభుత్వం కూడా చర్యలు తీసుకునేందుకు సిద్ధమైంది. ఇందుకోసం ముందుగా ఎండీహెచ్‌, ఎవరెస్ట్‌కు చెందిన అన్ని మసాలా దినుసుల తయారీ యూనిట్ల నుంచి నమూనాలను సేకరించాలని కేంద్రం.. ఫుడ్‌ కమిషనర్‌లకు ఆదేశాలు జారీ చేసింది. అయితే తాజాగా ఫుడ్‌ సెఫ్టీ అండ్ స్టాండర్డ్ అథారిటీ ఆఫ్ ఇండియా(FSSAI) రంగంలోకి దిగింది. దేశవ్యాప్తంగా ఉన్న అన్ని మసాల దినుసుల కంపెనీల నుంచి నమూనాలను సేకరించడం ప్రారంభించింది.

Also Read: ఉదయం టిఫిన్‌ చేయకపోతే ఈ ముప్పు తప్పదు జాగ్రత్త

సాధారణంగా తయారీదారులు.. తమ ఉత్పత్తులు ఎక్కువ కాలం నిల్వ ఉండేందుకు తరచుగా ఇథైలిన్ ఆక్సైడ్‌ను వినియోగిస్తుంటారు. వాస్తవానికి భారత ఆహార భద్రత నియంత్రణ సంస్థ ఈ రసాయనాన్ని వినియోగించేందుకు అనుమతించదు. అయితే ప్రస్తుతం ఎవరెస్ట్, ఎండీహెచ్‌ మసాల దినుసుల్లో క్యాన్సర్ కారకాలు ఉన్నట్లు బయటపడటంతో.. అన్ని మసాల దినుసుల కంపెనీల్లో వాటి ఉత్పత్తుల నాణ్యతను తనిఖీ చేసేందుకు శాంపిల్స్ తీసుకోవడం ప్రారంభించింది.

ఏప్రిల్ 5న హాంగ్‌ కాంగ్‌(Hong Cong) కి చెందిన ఆహార భద్రత సంస్థ.. ఎండీఎచ్‌ మద్రాస్ కర్రీ పౌడర్, ఎండీహెచ్ సాంబర్ మసాల, ఎండీహెచ్ కర్రీ పౌడర్, ఎవరెస్ట్ ఫిష్ కర్రీ మసాలాలను తమ దేశంలో నిషేధించింది. ఈ మసాల దినుసుల్లో క్యాన్సర్‌కు దారితీసే పెస్టిసైడ్స్‌, ఇథైలీన్ ఆక్సైడ్‌లు ఉన్నట్లు పేర్కొంది. అలాగే సింగపూర్‌కి చెందిన ఆహార భద్రత సంస్థ.. ఎవరెస్ట్‌ ఫిష్ కర్రీ మసాలలో స్థాయికి మించి ఇథైలీన్ ఆక్సైడ్ ఉన్నట్లు గుర్తించింది. ఆహారంలో ఇథైలిన్ ఆక్సైడ్‌ను కలిపేందుకు అనుమతి లేదని వెల్లడించింది.

Also Read: మధ్యాహ్న భోజనం తర్వాత నిద్రమత్తు, అలసిపోయినట్లు అనిపిస్తుందా..? అయితే ఇవి తెలుసుకోండి

Health Tips: రాత్రిపూట ఇవి తింటున్నారా?.. జాగ్రత్త!

Published on by

అరటి పండు:


దీనికి ఆమ్లాలను హరించే లక్షణం ఉంది. కాబట్టి, గుండెల్లో మంట తగ్గిస్తుంది. పగలు తింటే ఆ శక్తి ఇనుమడిస్తుంది. అదే రాత్రిపూట తీసుకుంటే.. దగ్గు, జలుబు తదితర సమస్యలు ఎదురుకావచ్చు. కాబట్టి, రాత్రిళ్లు అరటిపండు తినకపోవడమే మేలు.

పెరుగు:


అరుగుదలకు దోహదం చేస్తుంది. పేగుల ఆరోగ్యానికి ఉపయోగపడుతుంది. కానీ రాత్రి పూట తింటే మాత్రం ఎసిడిటీని పెంచుతుంది. శ్వాసమార్గంపై చెడు ప్రభావం చూపుతుంది.

గ్రీన్‌ టీ:


పగటిపూట ఎప్పుడు తీసుకున్నా మంచిదే. పరగడుపున తాగితే మాత్రం.. అందులోని కెఫీన్‌ వల్ల డీహైడ్రేషన్‌, ఎసిడిటీ వంటి సమస్యలు వస్తాయి.

అన్నం:


రాత్రి పూట సాధ్యమైనంత వరకూ అన్నానికి దూరంగా ఉండటం మేలు. అన్నంలో పిండిపదార్థం ఎక్కువ. దీంతో కడుపు ఉబ్బినట్టుగా ఉంటుంది. సరిగా నిద్రపట్టదు. అరుగుదల కూడా ఓ సమస్యే. దీనివల్ల బరువు పెరిగే ప్రమాదం ఉంది.

పాలు:


పోషకాలు పుష్కలం. పగటిపూట ఎక్కువసార్లు తాగితే.. కాస్త అసౌకర్యంగా ఉంటుంది. కారణం, జీర్ణం కావడానికి ఎక్కువ సమయం పట్టడమే. అదే రాత్రిళ్లు శరీరానికి విశ్రాంతిగా ఉంటుంది. పోషకాలను శరీరం శోషించుకుంటుంది.

యాపిల్‌:


ఈ పండులో యాంటీ ఆక్సిడెంట్లు అధికం. రాత్రిపూట యాపిల్‌ తింటే ఎసిడిటీ పెరుగుతుంది. అదే, పగటి పూట అయితే.. అరుగుదలకు సహకరిస్తుంది.

డార్క్‌ చాక్లెట్‌:


రాత్రితో పోలిస్తే పగలే ఎక్కువ ప్రభావం చూపుతుంది డార్క్‌ చాక్లెట్‌. రక్తపోటును తగ్గిస్తుంది. గుండె జబ్బులను కూడా నియంత్రించే స్వభావం ఉంది.

కాఫీ:


చాలామంది రాత్రిళ్లు మేలుకోవడానికి కాఫీ తాగుతారు. ఇది చాలా అనారోగ్యకరమైన అలవాటు. రాత్రి పూట తాగే కాఫీ జీర్ణ వ్యవస్థపై ప్రభావం చూపుతుంది. కెఫీన్‌ వల్ల నిద్రకు దూరమవుతాం. పగలైతే ఆ సమస్య ఉండదు.

Hyderabad: విజేత సూపర్ మార్కెట్‌లో ఫుడ్ సేఫ్టీ అధికారులు సోదాలు

Published on by

Vijetha Super Market: హైదరాబాద్‌లోని విజేత సూపర్‌ మార్కెట్‌ నాసీరకానికి మారుపేరుగా మారింది. నగరంలోని మదీనాగూడ, చందానగర్‌ ప్రాంతాల్లో ఉన్న విజేత సూపర్‌ మార్కెట్‌లో ఓకే సమయంలో ఫుడ్‌ సేఫ్టీ అధికారులు దాడులు చేశారు. అధికారుల సోదాల్లో నిర్వహకులు స్టోర్‌లో నాసీరకం పదార్ధాలను విక్రయిస్తున్నట్లు గుర్తించారు. చందానగర్‌లోని స్టోర్‌లో బూజు పట్టిన పరోటాలను స్వాధీనం చేసుకున్న అధికారులు..మదీనాగూడలో బూజు పట్టిన జున్నును స్వాధీనం చేసుకున్నట్లు తెలిపారు. ఈ పదార్దాలు వినియోగ దారులు తీంటే అనారోగ్యానికి గురై మరణించే అవకాశాలు ఉన్నాయని తెలిపారు.

విజేత సూపర్‌ మార్కెట్‌పై కేసు నమోదు చేసినట్లు ఫుడ్‌ ఇన్స్పెక్టర్ హృదయ తెలిపారు. నాసీరకం వస్తువులు అమ్ముతూ వ్యాపార సామ్రాజ్యం స్థాపించిన విజేత సూపర్‌ మార్కెట్‌ ప్రజల ప్రణాలను మార్కెట్‌లో అమ్ముతున్నారన్నారు. మరోవైపు చందానగర్‌లో నాసీరకంగా మారిన జున్నును విక్రయిస్తున్నట్లు తెలిపిన ఆమె.. చిన్న పిల్లలు తినే జున్నును కూడా ఇలా తయారు చేసి అమ్మడం దారుణమన్నారు. తల్లిదండ్రులు ఇలాంటి జున్నును పిల్లలకు పెడితే పిల్లలు మరణించే అవకాశం ఎక్కువగా ఉన్నాయని సూచించారు. కాగా విజేత మార్కెట్‌పై తమకు పలు మార్లు ఫిర్యాదులు అందాయని దీంతో తాము రెండు స్టోర్‌ల్లో రైడ్‌ చేసినట్లు తెలిపారు.

నాసీరకమైన వస్తువులను విక్రయిస్తున్న ఇలాంటి మార్కెట్‌ల వెనుక ఎలాంటి బడా బాబులు ఉన్నా ఊరుకునే ప్రసక్తే లేదన్నారు. నాసీరకమైన వస్తువులు అమ్మడం వల్ల వినియోగ దారులు అనారోగ్యానికి గురైతే.. ఆ వస్థువులను అమ్మిన సంస్థ భరిస్తుందా అని ప్రశ్నించారు. కాగా ప్రస్తుతం విజేత మార్కెట్‌ విక్రయిస్తున్న నాసీరకమైన వస్తువుల సాంపిల్స్ సేకరించామని, వాటిని ల్యాబ్‌కు పంపిస్తామని తెలిపారు. రిపోర్ట్‌ రాగానే సంస్థ యాజమాన్యంపై చర్యలు తీసుకుంటామని ఫుడ్‌ ఇన్స్పెక్టర్ హృదయ స్పష్టం చేశారు.

Also Read: