Jasprit Bumrah : ఒక్క వికెట్ తీస్తే.. ఆ నలుగురి సరసన బుమ్రా!

టీమ్ ఇండియా స్టార్ బౌలర్ బుమ్రా అరుదైన రికార్డుకు అడుగు దూరంలో ఉన్నారు. ఆసీస్‌తో ఐదో టీ20లో బుమ్రా ఒక వికెట్ తీస్తే అన్ని ఫార్మాట్లలో 100కు పైగా వికెట్లు తీసిన ఐదో బౌలర్‌గా బుమ్రా నిలవనున్నాడు. ఓవరాల్‌గా ఇప్పటివరకు మలింగ, షాహిన్ అఫ్రిది, షకిబ్ అల్ హసన్, టిమ్ సౌథీ మాత్రమే మూడు ఫార్మాట్లలో 100కుపైగా వికెట్లు పడగొట్టారు. అంతేకాకుండా మరో వికెట్ తీస్తే మూడు ఫార్మాట్లలో 100కు పైగా వికెట్లు తీసిన తొలి భారత బౌలర్‌గా నిలవనున్నారు.

అలాగే టీ20ల్లో 100 వికెట్లు పడగొట్టిన రెండో భారత బౌలర్ కానున్నారు. 50 టెస్టుల్లో 226, 89 వన్డేల్లో 149, 79 టీ20ల్లో 99 వికెట్లు తన ఖాతాలో వేసుకున్నారు. కాగా ఆసీస్, ఇండియా మధ్య చివరిదైన ఐదో టీ20 ఈ రోజు జరగనుంది. భారత్, ఆస్ట్రేలియా మధ్య బ్రిస్బేన్‌ వేదికగా చివరి టీ20 మ్యాచ్ జరగనుంది, ఐదు మ్యాచ్‌ల సిరీస్‌లో భారత్ 2-1తో ఆధిక్యంలో ఉంది. ఈ సిరీస్‌లో ఇప్పటివరకు, బుమ్రా మూడు మ్యాచ్‌ల్లో 26.33 సగటుతో మూడు వికెట్లు పడగొట్టాడు, 

మూడు ఫార్మాట్లలో

మూడు ఫార్మాట్లలో (టెస్టులు, వన్డేలు, టీ20లు) 100 లేదా అంతకంటే ఎక్కువ వికెట్లు తీసిన మొట్టమొదటి భారత బౌలర్‌గా బుమ్రా చరిత్ర సృష్టించనున్నాడు.

టెస్టులు: 226 వికెట్లు (50 మ్యాచ్‌లలో)

వన్డేలు: 149 వికెట్లు (89 మ్యాచ్‌లలో)

టీ20లు: 99 వికెట్లు (79 మ్యాచ్‌లలో) - 1 వికెట్ తీస్తే 100 వికెట్లు పూర్తి చేశాడు. 

ఇదిలా ఉండగా, ఆస్ట్రేలియాతో జరిగిన నాల్గవ టీ20 మ్యాచ్‌లో ఒక వికెట్ తీయడం ద్వారా బుమ్రా ఇప్పటికే ఒక అరుదైన ఘనతను సాధించాడు. టీ20 ఫార్మాట్‌లో ఆస్ట్రేలియాపై అత్యధిక వికెట్లు (20 వికెట్లు) తీసిన ప్రపంచంలోనే మొట్టమొదటి బౌలర్‌గా బుమ్రా నిలిచాడు. ఈరోజు జరిగే ఫైనల్ టీ20 మ్యాచ్‌లో బుమ్రా తన బౌలింగ్‌తో మరోసారి మాయ చేసి, అరుదైన చారిత్రక రికార్డును తన ఖాతాలో వేసుకుంటాడో లేదో చూడాలి.