BIG BREAKING : క్రికెట్ కు చతేశ్వర్ పుజారా రిటైర్మెంట్ !

భారత క్రికెటర్ చతేశ్వర్ పుజారా కీలక నిర్ణయం తీసుకున్నాడు. అన్ని రకాల ఫార్మట్ల నుండి రిటైర్మెంట్ ప్రకటించాడు. ఈ విషయాన్ని ఆదివారం (ఆగస్టు 24) సోషల్ మీడియా ద్వారా ప్రకటించారు.   భారత జట్టు జెర్సీ ధరించడం, దేశం తరపున ఆడటం తనకు చాలా గర్వకారణమని, అయితే "ప్రతి మంచి విషయానికి ఒక ముగింపు ఉంటుందని ఆయన తన  పోస్ట్‌లో రాశారు. పుజారా భారత్ తరపున టెస్ట్‌లు,  వన్డేలు రెండింటిలోనూ ఆడాడు. పుజారా తన కెరీర్‌లో 103 టెస్ట్ మ్యాచ్‌లు ఆడి 7,195 పరుగులు సాధించారు. ఇందులో 19 సెంచరీలు, 35 హాఫ్ సెంచరీలు ఉన్నాయి. టెస్ట్ క్రికెట్‌లో తన సహనం, టెక్నిక్‌తో పుజారా భారత జట్టుకు చాలాసార్లు అండగా నిలిచారు. ముఖ్యంగా విదేశీ గడ్డపై ఆయన ఆడిన కొన్ని కీలకమైన ఇన్నింగ్స్‌లు భారత్‌కు చారిత్రాత్మక విజయాలను అందించాయి.

Also Read :  SUPER: ఎయిర్ ఫోర్స్ ఆఫీసర్‌గా వినాయకుడు.. ఆపరేషన్ సింధూర్‌ గణపతిని చూడండి (VIDEO)

Wearing the Indian jersey, singing the anthem, and trying my best each time I stepped on the field - it’s impossible to put into words what it truly meant. But as they say, all good things must come to an end, and with immense gratitude I have decided to retire from all forms of… pic.twitter.com/p8yOd5tFyT

— Cheteshwar Pujara (@cheteshwar1) August 24, 2025

చతేశ్వర్ పుజారా 1988 జనవరి 25న గుజరాత్‌లోని రాజ్‌కోట్‌లో జన్మించారు. పుజారా తండ్రి అరవింద్ పుజారా, మామ బిపిన్ పుజారా ఇద్దరూ రంజీ ట్రోఫీలో సౌరాష్ట్ర తరపున ఆడారు. క్రికెట్ కుటుంబంలోనే పుజారా పెరిగారు. దేశీయ క్రికెట్‌లో సౌరాష్ట్ర జట్టుకు ప్రాతినిధ్యం వహించారు. తన కెరీర్‌లో ఫస్ట్-క్లాస్ క్రికెట్‌లో భారీగా పరుగులు సాధించి జాతీయ జట్టులోకి ప్రవేశించారు. ఫస్ట్-క్లాస్ క్రికెట్‌లో 21,301 పరుగులు సాధించారు, ఇందులో 66 సెంచరీలు, 81 హాఫ్ సెంచరీలు ఉన్నాయి. 2010లో బెంగళూరులో ఆస్ట్రేలియాతో జరిగిన మ్యాచ్‌తో టెస్ట్ క్రికెట్‌లోకి పుజారా అరంగేట్రం చేశారు.

పుజారా కీలక పాత్ర

ఆస్ట్రేలియా, ఇంగ్లాండ్ వంటి దేశాల్లో భారత్‌కు చారిత్రాత్మక విజయాలు సాధించడంలో పుజారా కీలక పాత్ర పోషించారు. ముఖ్యంగా 2018-19 ఆస్ట్రేలియా పర్యటనలో 521 పరుగులు చేసి, సిరీస్ విజయంలో ముఖ్యమైన పాత్ర పోషించారు. టెస్టులతో పాటు, ఐదు వన్డే మ్యాచ్‌లు కూడా ఆడారు, అందులో 51 పరుగులు చేశారు.  2023లో ఆస్ట్రేలియాపై చివరి టెస్ట్ మ్యాచ్ ఆడిన తర్వాత, పుజారా భారత టెస్ట్ జట్టులో స్థానం కోల్పోయారు.  దశాబ్దానికి పైగా భారత టెస్ట్ క్రికెట్‌కు సేవలు అందించిన పుజారా, తన సహనం, పట్టుదలతో కూడిన ఆటతీరుకు గుర్తుండిపోతారు.

Also Read : GPT‑4b micro: ఇక మనిషికి చావు ఉండదా?.. వృద్ధులను యువకులుగా మార్చేయనున్న AI