Buchi Babu: 'ఆర్ఆర్ఆర్' కాంబో రిపీట్.. 'ఉప్పెన' డైరెక్టర్ బిగ్ ప్లాన్!

Ram Charan RC16: మెగా హీరో రామ్ చరణ్ మరో ప్రాజెక్టుకు సంబంధించి బిగ్ అప్ డేట్ నెట్టింట చక్కర్లు కొడుతోంది. ప్రస్తుతం శంకర్ దర్శకత్వంలో 'గేమ్ చేంజర్' (Game Changer) సినిమా చేస్తున్న చెర్రీ ఈ మూవీ పూర్తి కాకుండానే తర్వాత తన 16వ చిత్రం 'ఉప్పెన' (Uppena) ఫేమ్ బుచ్చిబాబుతోనూ చేసేందుకు గ్రీన్ సిగ్నల్ ఇచ్చాడు. ఇప్పటికే ఈ కాంబోపై అభిమానుల్లో అంచనాలు పెరిగిపోతుండగా మరో ఇంట్రెస్టింగ్ న్యూస్ వైరల్ అవుతోంది.

కబడ్డీ ప్లేయర్‌గా..
ఈ మేరకు ప్రస్తుతం ఈ మూవీకి సంబంధించిన ప్రీ ప్రొడక్షన్ వర్క్ జరుగుతోంది. అయితే స్పోర్ట్స్ బ్యాగ్‌డ్రాప్‌లో తెరకెక్కబోతున్న మూవీలో హీరో కబడ్డీ ప్లేయర్‌గా (Kabaddi Player) నటించబోతున్నట్లు తెలుస్తోంది. పాన్ ఇండియా రేంజ్‌లో రూపొందనున్న ఈ సినిమాలో స్టార్ నటులు భాగం కాబోతున్నట్లు తెలుస్తోంది. ఇందులో భాగంగానే సీనియర్ నటి లయ ఓ కీలక పాత్రలో నటించనుండగా విలన్‌గా కోలీవుడ్ స్టార్ విజయ్ సేతుపతిని ఎంపిక చేసినట్లు సమాచారం. అలాగే, శివ రాజ్‌కుమార్ కూడా నటిస్తున్నాడని టాక్ నడుస్తుండగా తాజాగా మరో హీరో ఇందులో జాయిన్ కాబోతున్నట్లు చర్చ నడుస్తోంది.

ఇది కూడా చదవండి : Megastar: ‘విశ్వంభర’లో నయా లుక్.. చిరు జిమ్ బాడీ చూస్తే గూస్ బంప్సే!

అజయ్ దేవగణ్‌..
సన్నిహిత వర్గాల సమాచారం ప్రకారం.. ఈ సినిమాలో కీలక పాత్ర కోసం బాలీవుడ్ సూపర్ స్టార్ హీరో అజయ్ దేవగణ్‌ను (Ajay Devagan) తీసుకున్నట్లు తెలుస్తోంది. ఆయన ఈ చిత్రంలో హీరోకు సహాయం చేసే ఓ పాజిటివ్ రోల్‌లో కనిపించబోతున్నారని, 'ఆర్ఆర్ఆర్'సెంటిమెంట్ ను ఇందులో వాడుకునేందుకు బుచ్చిబాబు (Buchi Babu) ప్లాన్ చేస్తున్నాడట. ఇక ఈ మూవీని సినిమాస్ బ్యానర్‌పై వెంకటేష్ సతీష్ కిలారు నిర్మిస్తుండగా మైత్రీ మూవీ మేకర్స్‌తో పాటు సుకుమార్ రైటింగ్స్ సంస్థలు నిర్మాణ భాగస్వాములుగా వ్యవహరిస్తున్నాయి. ఏఆర్ రెహమాన్ (A R Rahman) సంగీతం అందించనున్నాడు.