Rahul Gandhi: ఓటమి భయం కనిపిస్తోంది.. మోడీ కన్నీళ్లు పెట్టుకుంటారు!

Modi May Shed Tears on Stage - Rahul Gandhi: భారత ప్రధాని నరేంద్ర మోడీపై కాంగ్రెస్ నాయకుడు రాహుల్ గాంధీ ఇంట్రెస్టింగ్ కామెంట్స్ చేశారు. ఈ ఎన్నికట్లో ఓడిపోతామనే క్లారిటీ ఉందని, ఓటమి భయంతోనే ఎన్నికల ప్రచారంలో మోడీ ఉద్రేకంతో కూడిన ప్రసంగాలు చేస్తున్నారన్నారు. ఈ మేరకు శుక్రవారం కర్ణాటకలోని బీజాపూర్‌లో జరిగిన ఎన్నికల ప్రచార సభలో రాహుల్ గాంధీ మాట్లాడుతూ.. 'మోడీ ఒత్తిడిలో కనిపిస్తున్నారు. త్వరలోనే ఎన్నికల ప్రచార వేదికపై ఆయన కన్నీళ్లు పెట్టుకునే అవకాశాలున్నాయి. ఈ ఎన్నికల్లో ఎదురుకాబోతున్న ఓటమి భయం మోడీ మొహంలో స్పష్టంగా కనిపిస్తోంది' అంటూ జోష్యం చెప్పారు.

పేదల డబ్బును దోచుకున్నారు..
అలాగే గడిచిన పదేళ్లలో బీజేపీ దేశంలోని పేదల డబ్బును దోచుకుందని విమర్శించారు. దేశంలోని 70 కోట్ల మంది ప్రజలకు ఉండేంత సంపదను 22 మందికి మోడీ ఇచ్చారని చెప్పారు. మన దేశంలోని 1 శాతం మంది దగ్గర 40 శాతం సంపద ఉందని తెలిపారు. కాంగ్రెస్ గెలిచాక నిరుద్యోగం, ద్రవ్యోల్బణం సమస్యలను పారదోలుతామన్నారు. బిలియనీర్లకు మోడీ ఎంతైతే ఇచ్చారో.. అంతే మొత్తాన్ని మేం దేశంలోని సామాన్య ప్రజలకు ఇస్తామని, వాళ్లను లక్షాధికారులను చేస్తామని రాహుల్ హామీ ఇచ్చారు.

Also Read: కాల్పుల ఎఫెక్ట్.. ఇల్లు మారుతున్న సల్లుభాయ్!