ఆ ఒక్క సీన్ కోసం వాళ్లతో రెండు రాత్రులు గడిపాను.. రాధిక ఆప్టే

స్టార్ నటి రాధిక ఆప్టే తన అప్ కమింగ్ మూవీ ‘మేరీ క్రిస్మస్‌’లో తను పోషించిన క్యారెక్టర్ గురించి ఆసక్తికర విషయాలు వెల్లడించింది. ఈ మధ్యకాలంలో వరుస సినిమాలు, వెబ్‌సిరీస్‌లు, టీవీషోల్లోనూ నటిస్తూ కెరీర్ లో దూసుకుపోతున్న ఆమె.. రీసెంట్‌గా కత్రినాకైఫ్‌ మెయిన్ హీరోయిన్ గా వస్తున్న ఈ సినిమాలో అతిథిపాత్రలో కనిపించనుంది. అయితే ఈ చిత్రం డిసెంబ‌ర్ 15న రిలీజ్ కాబోతుండగా తెగ ప్రచారం చేస్తున్నారు మేకర్స్. ఇందులో భాగంగానే ఓ ఇంటర్వ్యూలో పాల్గొన్న రాధిక.. శ్రీరాం రాఘవన్‌ దర్శకత్వం వహించిన ఈ మూవీలో గెస్ట్ రోల్ పోషించే అవకాశం రావడం ఆనందంగా ఉందని చెప్పింది.

తమిళ స్టార్ హీరో విజయ్‌ సేతుపతి ప్రధాన పాత్రలో రాబోతున్న సినిమాలో తన క్యారెక్టర్ అందరినీ ఆశ్చర్యానికి గురిచేస్తుందని చెబుతూ.. 'ఇందులో నేను కేవలం ఒకే ఒక్క సీన్ లో కనిపించబోతున్నా. ఇలాంటి పాత్ర చేయడానికి దర్శకుడు శ్రీరామ్ కారణం. ఆయన నాకు మంచి ఫ్రెండ్ కావడంతో కాదనలేకపోయాను. ఒక రోజు నాకు ఫోన్ చేసి ఒక పాత్ర పోషించాలని చెప్పారు. అదీ ఒక్క సీన్ లోనే కనిపించాల్సి ఉందనడంతో ముందు షాక్ అయ్యాను. ఆ తర్వాత స్టోరీ గురించి వివరించాక గ్రీన్ సిగ్నల్ ఇచ్చేశా. అయితే ఇందులో నేను చేసింది ఒకే సీన్ అయినా.. షూటింగ్‌ మాత్రం రెండు రాత్రుళ్లు పాల్గొనాల్సి వచ్చింది. దర్శకుడు సినిమా పర్ఫెక్ట్ గా వచ్చేందుకు ఎంతగా కష్టపడతాడనే దానికి ఈ సీన్ షూటింగే నిదర్శనం. ఈ మూవీ అన్ని వర్గాల ప్రేక్షకులను మెప్పిస్తుంది. నా కెరీర్ లోనూ ప్రత్యేకంగా నిలిచిపోతుంది' అంటూ చెప్పుకొచ్చింది. ఇదిలా ఉంటే.. ‘అక్క’ పేరుతో ప్రముఖ నిర్మాణ సంస్థ యష్ రాజ్ ఫిల్మ్స్ నిర్మిస్తున్న అప్ కమింగ్ వెబ్ సిరీస్ లోనూ కీర్తి సురేష్ తో కలిసి రాధికా ఆప్టే ఓ కీలక పాత్రలో నటిస్తోంది.

Also read :AP Barrelakka: ఏపీలో మరో బర్రెలక్క.. ఏకంగా ఎమ్మెల్యే కేతిరెడ్డిపైనే పోటీకి సై.. వైరల్ వీడియో!

ఇక 'మేరీ క్రిస్మ‌స్' మూవీతోనే విజ‌య్ సేతుప‌తి బాలీవుడ్‌లోకి అరంగేట్రం చేయాల్సింది. అత‌డు హిందీలో సైన్ చేసిన ఫ‌స్ట్ మూవీ ఇది. కానీ అనివార్య కార‌ణాల వ‌ల్ల షూటింగ్ ఆల‌స్యం కావ‌డంతో విజయ్ మూడో సినిమాగా రిలీజ్ కాబోతోంది. ఈ ఏడాది 'ముంబైక‌ర్' సినిమాతో బాలీవుడ్‌లోకి ఎంట్రీ ఇచ్చాడు విజ‌య సేతుప‌తి.